Yeremiya 22:13 - Ala Wone Peenok Peebi Mbanak

¹³ Aliku ALA nen ari logonet, “Aap endagembogut ambi iniki koonak lek iniki maluk kagak awi o nggwok obeelom wuke, A'me nggelok eeppiiga'lek aakumi wi-wi aganake logonet, awi wigak togon wuke, Eeke logonet, Awuri at awi wuppiigwi nogo onggo wogoraga'lek oone omaawi paga, We aret wuppanogo logonip o, yinuk, yorage menggerak nogo ti, abuwa o!

Yeremiya 22:13 ပူးပေါင်းရင်းမြစ်များ

2 Mbinineegwaarak 36:4

Yorage nagagerik, aap Metit mendek inowe endagembogut nen Yowakat oreeluk Eliyakim it Yekura mendek inom, it Yerutalem mendek inom, inowe endagembogut logowak nduk, mippege nagagerik, endage Eliyakim nogo mbo punuk, endage alik Yoyakim aret tooneegerak. Ndi, at oreeluk Yowakat nogo ti, aap Metit mendek endagembogut Neko nen o Metit wonok nagagerak.

2 Mbinineegwaarak 36:5

At Yoyakim nogo ndarak kagak tahun 25 age paga endagembogut a'nuk, o Yerutalem logonet, wone lengganogo yorage kagak, tahun 11 eereegerak. At ogoba Aliku ALA enegen kagak, maluk mban eeke nagagerak.

Ayup 31:39

Yarak anggen onggo pega'lek logonet, lagap agan nege, Nake yabu eeko menggaarak nogo, iniki andi eerogo piige, Ee'netak nen

Yetaya 5:8

Kit nen aakumi inawi tek kunggun wurik abok aret kunggo'net nogwe, Ineyabu agigan-ogugan aago abok aret unde eekko'net nogwe, Eekwi nogo kinabuwa o! Ti eerit nogo logonet, aakumi ando logorak lek Kit kinalik mban o yime unde eeppatinuk logorak mba'nuk eekwi kiigi o.

Yeremiya 17:11

Aap ambi aakumi wi-wi aganake logonet, eenggi warak eekkolage nogo ti, Towe at ako lek alik ambi ako kagak tebeni unggwage nagaatik, tubungge menggi kwak aret menggerak o. At nda'nagagim obate paga kagak amindik-amendek unde agaarak nogo lek age, Ndi, at nda'nagagim abu ari nage kagak, at eeremenggerak paga, “Aap yi, wi yuundurak kwak wonage o,” yinuk, aakumi ineenu ogwe, Eeko logogun o.

Yeremiya 22:18

Togop me, Aliku ALA nen it Yekura inowe endagembogut aap Yotiya aput Yoyakin eeriyak yegerak nogo yi aret. “At kangge kenok, it aakumi nen, Ai, noweeluk o. Ai, nawuluk o, yinuk, ale yogwe, Ndi, Ai, nogoba o. Ai, nowe kendagembogut o, yinuk, aleenggu maakwi, Eeko logogun lek o.

Ala Unde 19:13

It inom menggaarak nogo wi-wi aganakwi, inamendek yogoot waganggwi, eeriyak mage o. Ndi, onggo wogoroorak nduk, ineyabu eeppiyamenggaarak nogo, wogoraga'lek iigak nogo ambi yuurak mage o.

Mika 3:10

Aakumi maluk eeka'lek ugun iigak kwe, inoorogo piinet nogo logonet, o Tiyon wukwi, Aakumi inawu yowaarogo o kota Yerutalem wukwi,

Abakuk 2:12

Aap ambi nen aakumi inooke logonet, o kota ogowa pit nage, Aakumi maluk eeppiinet nage logonet, o kota nambit-mbit wurogo pit nage, Eeke nogo, abuwa o.

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Pelaareegerak 15:13

Ndi, wondet eerogo teppugwi ti eyom paga at eenggime lek we aret teppuurak mage o.

Yakobut 5:4

It kineyabu eeppinagagaarak nogo, onggo ndak-ndak wogoroorak kagak eeko nogogutak me, it inoone mumun kokop yokkirogwe yi, iyaanip o. It ando anggen yugu wonok kira wogwe nogo kunduk, inoone yogwe at Omaawi Lombok Menggerak ninogoba nogo, muk aruk konengge agaarik o.