Yeremiya 22:1 - Ala Wone Peenok Peebi Mbanak

¹ Aliku ALA nen ari logonet, “It Yekura mendek inowe endagembogut awi o nggwok abe wurik me nage logomenggendik, wone yoroorak nogo yi aret.

Yeremiya 22:1 ပူးပေါင်းရင်းမြစ်များ

2 Tamuwen 12:1

At Aliku ALA nen Ndawut wone yoruwak nduk aap Natan nappi wagagerak wage nagagerik, yoge logonet, “Aap mbere o kota ambit me wonogo logonet, ambi eenggi warak, ndi, ambi eenggi lek, wonogogwaarak.

2 Mbinineegwaarak 33:10

At Aliku ALA nen aap Manate inom, aakumi at abu'me menggaarak inom, wone yoragagerak kwe, liippega'lek mbareegwa,

Yeremiya 21:11

Yorage nagagerik, ambinom yorage logonet, “Aliku ALA nen wone yegerak yi, koneninip o, yinuk, it Yekura inowe endagembogut owe-awot inom yoroorak yegerak nogo yi aret.

Yeremiya 21:14

At eerit nege ndak-ndak aret aaninggin oba pigin o,” yinuk, Aliku ALA nen aret yegerak me, yokkiragi o. “At agayoongga kani wuninogo piminggirak nenet nage logonet, Enaagan-ambokan yi mendek ndi mendek wonage nogo pup eerogo nenet nagin o, yinuk, yo'negerak me, yokkiragi o,” yinuk, yoragagerak.

Yeremiya 22:2

At Ndawut wone lengganogo yorage nagagim logonet, wone yorage menggerak it Yekura mendek inowe endagembogut inom, at inom yabu eeka inom, it at apuri o kota tu unggwogo menggam unggwogo menggaarak inom, it abok ti, Naliku ALA nen wone ari yi konenggo logowak o.

Yeremiya 34:2

“Iterali inogoba Aliku Ala nen, Kat aakumi Yekura inowe endagembogut Terekiya wonage me nanuk, wone yoriyak nogo yi aret. At Aliku ALA nen ari logonet, O kota Yerutalem yi, aap endagembogut Mbaben mendek eenggime pikit nduk eeke me, ti pege neenok, at nen o kota yi, kani mbelenogo pigin o.

Oteya 5:1

Aliku ALA nen ari logonet, “It an neebe unde abok aret ti, wone yi, inaruk konenggwi, It aakumi Iterali mendek ti, yorage yi, liippugwi, Aap endagembogut akuwi-apuri inom ti, inaruk liirogon konenggwi, eeko logowak o. Keele o Mitapa paga pugwi, Puut Tabot paga towe yonggo'naruwak nduk yum mbiganogo pugwi, O Titim nggwiya wambuurak nggween ogurogon kabunggwi, Eeko mengga kwak, It ti, togop menggaarak me, Aaninggin eeppiyoorak wone yi ti, it inake aret yorage agarik o. It abok aret ti, eerit nugwi paga an nen aaninggin inoba kwippiyaagin o.

Amot 7:13

O yime ti, aap endagembogut nen ayuk wuke, aakumi at abu'me piinok menggim nen ayuk wukwi, eeko menggam alik leenak o Mbeten yime aret me, o Mbeten yime kogoba Ala nen yokkege kagak, yoragak eeriyak ti mondok mage o!”