Yeremiya 21:12 - Ala Wone Peenok Peebi Mbanak

¹² Aliku ALA nen ari logonet, It Ndawut paga wiganak mendek ti, Ko'lu-kii'me kubondendok eekaatak a'me nggelok mban inowak loonggwi, It aap tebenogo piinok, inamendek kolamenggaarak ineenggime wonage nogo ndinggologwe, Eeko logowak o. Eeka'lek iinok perak, maluk eerit nogo nagaarak paga kani wunuk yinuk, noguk yega'lek yi mendek ndi mendek nenet nage menggi kwak, An nanini togop aret mi'nage logonet, eeppiinet nage logogin o.

Yeremiya 21:12 ပူးပေါင်းရင်းမြစ်များ

2 Tamuwen 8:15

At Ndawut nogo it Iterali mendek abok aret inowe endagembogut a'nuk, wone lengganogo yorage logonet, apuri Iterali inake abe mban koongge, li'lak mban eeppiige, eeke nagagerak.

Ayup 29:17

Nggeewo anini warak nen at noorak eyak nggereninuk nage me, Ondogowak kalenogo punuk, ambe me ndinggwi kwak, Aap maluk eeka nogo inomaawi lek eerogo piige, Inabu'me tebembiinok wonogwe nogo ndininake, Eeke nagagirak o.

Ndawi 101:8

O kubondendok age paga Aap maluk mendek o yime wonogwe abok aret Ineebe lek eerogo piige, Ndi, it maluk eeka abok aret Kaliku ALA kagota nen inenggaawak lek eerogo piige, Eekak mban eeke logomunggun o.

Wundeegwaarak 18:13

Nogo yinuk, ko'lu at Muta nen aakumi Iterali inowak loonuwak nduk, at owagam mi'nari wogogwaarak nogo inenggela'me kwi'na'nuk, inowak loongge kagak, o kuubondendok nen nok-nok o kiip agagerak.

Yetaya 1:17

Eeko logomenggaarik, Obeelom eeriyak mendek mamunggologwe, A'me nggelok eeriyak mendek mugurok nogwe, Aap tebenak mendek iniki eyak wappiigwi, Elege moono inake koonggwi, Kumi togwe eeppiyoorak inawone mbanggwi, Eeko logowak o,” yinuk, ari kagarak me, yokkiragi o.

Yetaya 1:31

At aap omaawi ambik ti, mbumbungga kani ne ambit nengge kwak age, Ndi, at eeke menggerak nogo ti, kani omoonuk tibili'nggin eerogo nagabit nage menggi kwak age, Eerigin o. Imbirak ne ambit wuluk togon nengge me, nogonogo puurak meek aret,” yegerak me, Kat kota Yerutalem yokkigi o.

Yetaya 7:13

Yoge mbareegi, Yetaya nen at yoge logonet, “Kit Ndawut paga wiganak yi, kinaruk liirogon konenggo logonip o. Aakumi iniki yungguppunuk, wonogwe inabut mbanggwi nogo kiname'lek kundugu kenok, nogoba Ala iniki yungguppunuk menggerak kunduk, abut mbaniyak mbako ogotik ya?

Yetaya 7:2

Meek aret age mbareegi, aakumi Aram nen it Eparayim inom lambunna'nuk time inawooliya wuppatinuk wonogo mbareegwa, aakumi nen at Ndawut paga wiganak nogo yora nogogwaarak. Yora nogo mbareegwa, aap Akat apuri inom inaruk konembunuk, o wiya wake logonet, eyo wonok na-wa eeke menggi kwak, inaganak wareegerak.

Yeremiya 17:4

It ti eekwi paga nanini kani kunik negen eerogo panegaarak mondok-mondok wunuk ari logogin me, Yate kwak inanggween unde eeppiyareegirak nogo it eekwi paga aap alik unde eekkologwe, Inawim nen o it ineenggo'lek me time piya nanuk inayeloman eerogo piigwi, Eerugun o,” yinuk, yegerak.

Yeremiya 21:5

Nanini mi'nage, nanini wuk togon yorage, nanini kani kunik negen eeppiige, eerikit mbake logonet, neenggi titik eerogo nappege, neenggi omaawi togon tiyambege, eeppunuk, an neebe nen aret at eebe tebenogo pi wage logonet,

Yeremiya 23:19

O wiya anini ambik nombok-kombok eerit wage menggi kwak, Naliku ALA nanini togop aret kilak togon it aap maluk eeka inoba kwippiige neyaagun o.

Yeremiya 23:2

Iterali inogoba Aliku ALA nen it aap at apuri ndegeninaka yoroorak mbakerak nogo yi aret. Aliku ALA nen ari logonet, “It an nandomba liirogon ndegeninaka'lek wumbiigwi, mak eerogo piigwi, eekaarak me, maluk eekaarak onggo aaninggin inoba kwippiyaagin o,” yinuk, yegerak me, yokkiragi o.

Yeremiya 23:5

Aliku ALA nen ari logonet, “Agarip kwak Ndawut paga iniki abe koonak nda'naruwak nduk, kin eeppuurak eyom panggoni wage agaarik o. Wage logomenggerik, at endagembogut a'nuk, iniki warak logonet, wone lengganogo yorage, O yime obeelom mban eeppiinet nage, A'me nggelok liirogon mban eeppiige, Eeke logogin o.

Yeremiya 36:7

Aliku ALA anini mbake, iniki aagi kani kunik negen mi'nage, eeke nogo, it aakumi yi, inoba kwippiyoorak yoragagerak ti mondok iya lombok mbanak me, lunemenggendak inaruk konembunuk, inalitik-inalitak Aliku ALA yogo logonet, Nit maluk eeko o, yinuk, inomaluk mbo pugwi iigak eerukwak, it abok inenggaanom lunumunggun o,” yinuk, yoreegerak.

Yeremiya 4:4

It aap Yekura mendek inom, o kota Yerutalem menggaarak inom, Ala apuri yelok iigo logowak nduk, Inagabolo mbanggo mengga kwak ineebe togop aret Naliku ALA nake leenogo pugwi, Inagabolo mbanogo mbo nappogo mengga kwak, iniki omaawi ti, mbo pugwi, Eeko logowak o. Togop eeka'lek iinok, kani wunuk ari logonet, yi mendek ndi mendek nenet nage kagak nogonogo puurak meek age menggi kwak, Maluk mban eeko menggaarak ti paga an nanini mi'nage logonet, togop aret eeginabit nagin,” yegerak me, yokkiragi o.

Yeremiya 44:22

Kit maluk lombok eekwi, ogole warak mendek mban eerit nugwi, eekwi me, Aliku ALA nen ambinom puk ariyak meek age kenok, kinanggween ti pulunik aret wonage, ndi, aakumi lek o wogo aret wonage, eerak o yogondak kogwe ti aret.

Yeremiya 5:14

Togop me, at Omaawi Lombok Menggerak Aliku ALA nen yegerak nogo yi aret. “It aakumi ti, inoone togop agan nugwi me, an yokkege neegak yorage nogo kani kunik negen eerogo pege, Ndi, it aakumi yi, ineebe kani enom warak negen eerogo piige, eerigin me, Koone yorage ti paga ineebe kani nengge kwak eerogo piyaamunggun o,” yinuk, yo'negerak me yagi o.

Yeremiya 5:28

Abe mban nunggwi paga ineebe kole inamburu tene yogwe wonogwe, Eeko menggaarak. Maluk mban eerit nogo logonet, Ti kuli aret o, yogwe, Elege moono inawone amburu mbanggo logonet, it eeppiyoorak koonggwi, It aakumi ineenggi lek op eeppiyoorak koonak nogo eeppiyoorak inaana'le mbanggwi, Eekulik aret o.

Yeremiya 7:20

Yo'nege nagaarik, Aliku Itok Menggerak ALA nen yegerak nogo yi aret. “Nanini kani kunik pogom o yi paga wuppi woraminggirak paga aakumi ineebe inom, inaanggumi inom, inageyo inom, ineyabu yarak anggen mbanak inom, abok aret nenet nage logogin me, nogonogo puurak meek aret kaagun,” yegerak o.

Yeremiya 7:5

Inobaabut inom, eeko menggaarak inom, mbo punuk, alik ngget mendek ogo logomenggaarik, inalitak lombok a'me nggelok eeppiigak mban eekwi,

Leendawi 4:11

Aliku ALA anini tayoppega'lek tek eerogo nappege, Anini kani kunik negen aakumi inoba kilirogo piinet nage, Eeke nagagerik, O Tiyon paga kani negen wuninogo pereegerak pup eerogo nenet nage logonet, nggween mban teppereegerak.

Yetikiyen 22:31

Lek aret kagagirak me, nanini nggwik togon it inoba piige, nanini kani kunik negen eeke logonet ineebe lek eerogo piige, eeke logonet, eerit nugu nogogwaarak onggo inoba lombok kwippiyaagin o,” yinuk, Aliku Itok Menggerak ALA nen aret yo'negerak me, yokkiragi o, yoragagirak.

Ala Unde 26:28

an kunduk, nogogumbuk a'nuk nanini nen inomaluk onggo ne 7 kuli aret aaninggin inoba kwippiige logogin o.

Nakum 1:6

Aliku ALA anini nen eeppiige nogo, aap ta nen ko wappunuk, logogin mbakop? At anini kani kunik negen eeke kagak, aap ta nen ogogumbuk puk arigin mbakop? Lek aret o. At anini kani kunik negen yumbunogo wuppi wage nagaarik, Enegen kagak, puut-puut yanggu-yanggu wambit wage kagagirak o.

Tepaniya 1:18

Naliku ALA woroorak ne nogo ti, aakumi apit ineenggo'lek kobak wonogwe iigak woraagin me, Wage logominggirik, it o nggween paga wonogwe nogo abok aret lek eerogo piyaakit nduk, eeke logonet, It an mu'neren woroorak kwe, alik mugurok nogwe yi neebi a, yinuk, nanini kani kunik negen inoba kwippiige neenok, ineebe lek arugun me, Inamendek mbuti perak paga, mbuti emas paga, inagap ndakkolaagun mondok lek aret o,” yinuk, yegerak me, yokkiragi o.

Tepaniya 3:5

Aliku ALA at enggela'me wonage logonet, maluk ambi eeppiigeelik obeelom mban eeppiige, At puk aga'lek ko'lu-kii'me o kubondendok nen inawone amburu mbanogo punuk, a'me nggelok mban eeppiige, Eeke menggerak kwe, It aap maluk eeka iniki nggolawe nogo, inenggali mbaka'lek maluk mban eerit nugu menggaarak o.

Lukat 1:69

Ninagap nda'ninabuwak nduk, at ayeloman Ndawut ombowologwe wiganak omaawi warak lombok ambi mippereegerak o.

Pelaareegerak 32:22

Nanini mi'nage logonet, Kani omoonuk negen a'nuk wunuk agan aakumi kambunuk nogo menggam nggween abu'me teberogon time kuli pi nage, Ndi, nggween kani nenet nage logonet, yi mendek ndi mendek yarak abok aret nengge, Puut-puut alom abok aret kani nenet nage, Eerigin o.