Yeremiya 20:9 - Ala Wone Peenok Peebi Mbanak

⁹ Togop kwe, an niniki mbake logonet, At Ala endage ambinom kungge, Ala yo'nege kagak yokkiragi o, yinuk, ambinom yorage, Eerigin lek o, mbake paga Koone yorage logorak ninikime kani wuninik kwak nowak enoona nenet unggwage, Yoraga'lek wone nggerembunuk, porogo wonage, Eeke paga Neebe abu ndeyak lombok ee'nake me, puk logorak meek ee'nake o.

Yeremiya 20:9 ပူးပေါင်းရင်းမြစ်များ

Ndawi 39:3

Noone yuurak kani omoonuk negen ee'nake, Ninikime koonit nage neegak, Kani eyak ndi wuke menggi kwak ee'nake, Eeke nagaatik, Noone yoge logonet,

Yeremiya 23:29

An noone ari minggirak ti, kani kunik negen wonage, ndi, yugum yigirik-noonom eerogo pega ndo kwak wonage, eerak menggerak nogo lek a?” yinuk, Aliku ALA nen aret yegerak o.

Yeremiya 23:9

“Ala nen yegerak o,” yinuk, yoraga nen yorogwe iinok, Niniki abu wakkolage, naganak mondok wake, eeke agaarik o. Aliku ALA eeke menggerak paga, at oone pilit ariilik abet mban ari menggerak paga, An niyo kumili aganaka nenok kwak ee'nake, Anggur amburu nenok iniki lek age menggi kwak ee'nake, Eeke agaarik o.

Yeremiya 4:19

Wim eeriyak nduk nggomookwi, Oone nggwok eeka trompet nogo oone pu eekwi, Eekwi nogo Naruk konenggirak me, Niniki andi o! Niniki andi o! Niniki andi nen yagan yobak-nggolak wake, Niniki lombok nggoguk yi unggwage, Niniki mondok ponok-ponok ee'nake, Eeke me, Niniki ko wariyak mondok meek lombok ee'nake agaarik o.

Yeremiya 6:11

Kat kanini it inoba piyoorak nogo an ninikime kani pogom kerek togon eerogo pani wage paga puk ariyak meek tit ee'nake agaarik o.” Yoge mbaki, at Aliku ALA nen, “Nanini kinikime wonage ti, Elege tu paga wonogwe nogo inoba piinet nage, It aap tawe kuwak aago nogo inoba piige, Eeke logot o. Eeppiinet nage keegak, kumi-aap inogonggelomini-inakuwi inom wogoren nogwe, Aap inanggok inom, it aakelo inom, abok piginakwi, Eerugun o.

Yetikiyen 3:14

Konengge mbareegi, Aberiniki nogo nen piyanneren nage mbareegi, nage logonet, neebi lombok mbake, nanini lombok ee'nake, eeke kagak kwe, Aliku ALA eenggi omaawi lombok paga ni'neren

Yetikiyen 3:3

Wo'nege nagagerik, an yo'nege logonet, “Aakumi nen ndarak yi wae. Mbuku pirik-perek eerak an nen wokkigirak ti, kaanogum palek togon namen o.” Yo'nege mbareegi, mbuku nogo ninggigirak. Nengge nagagirik, nambe paga nggiin amburu ombat abe kwak kagagirak o.

Amot 3:8

Singa nen oone nggwok muk yegerak me, aap ta nen agabiti mbaka'lek logorak mbakop? Ti ndak-ndak at Aliku Itok Menggerak ALA nen wone muk yegerak me, ta nen wone ti, yoraga'lek puk logorak mbakop?

Yunut 1:2

Aliku ALA nen ari logonet, “O kota nggwok Niniwe time inomaluk mondok iya lombok eekwi iigirak me, inomaluk mbo puwak nduk wone yora nak o,” yinuk, yoreegerak.

Yunut 1:3

Yoreegerak kwe, at Yunut nogo, “Aliku ALA nen ambinom, Nak, yo'nirukwak,” mba'nuk, kole mbaganit o Taritit naakit nduk, o Yope wambi nage nagagerik, o time nen yiiro ambi o Taritit noorak nduk eeke kwaakkage nagagerik, “Aliku ALA kwaa'neege kero,” yinuk, o Taritit noorak onggo pege nagagerik, yiiro nogo paga lagi nanuk, it o Taritit nogwe nogo, inom aret nggarek yereegerak.

Lukat 9:62

Yoge mbareegi, at Yetut nen, “It aakumi yabu woorak nduk, tuguwa wonok nogwe kwe, yabu wagangga'lek we aret pi wogwe iinok, Ala abu'me piige menggim ungguurak meek o,” yinuk, yoragagerak.

Nappiigak 17:16

At Pawulut nogo it Timotiyut Tilat imbirak wogwe iyo, o Atena toginake logonet, o kota time kugiwak ererengge-mboongge aago ambik endekem-oome wonage kage nagagerik, inikime nen eebi lombok mbareegerak.

Nappiigak 18:5

Ti'nuk, Tilat inom, Timotiyut inom, o Makendoniya nen wogo nogogwaarik, inom logonet, at Pawulut nogo alik ambi eeke logolik Ala wone ti mban yorage logonet, “Ala leenogo mippereegerak Mesias nogo ti, Yetut aret o,” yinuk, it Yakuri mendek yorage nagagerak.

Nappiigak 4:20

Ninaruk konenggwi, ninigen kogwe, eekoorak wone ti, yoraga'lek puk ariyak meek ee'ninake me, yorogo logogun aret o.”