at Eliya nogo, o ne ambit weege paga nogo mengga kwak, o karume unggwi nage nagagerik, eyo lo alome kwi'na'nuk, kambikit mba'nuk, tamban eeke logonet, “Kaliku nogoba ALA wae. Nombomini abu eeppunuk, kambit nogogwaarak nogo kwe, an iya negen eeka'lek neegak teppanege agandik? Mage o. An togon abu eekirak me, kambikit nduk, niniki wamen o.”
Yeremiya 20:18 - Ala Wone Peenok Peebi Mbanak18 Aaninggin-paaninggin noba paniyak mendek inom, niniki puru yuurak mendek inom, kage, Ndi, nda'nagagirak yobo yi nage kagak nenggali age, Eeriyak kagak, Nonggop nduk nagalo inikime nen wundi wagagirak ai?” Yinuk, Aliku ALA yoreegirak. အခန်းကိုကြည့်ပါ။ |
Yeremiya 20:18
27 ပူးပေါင်းရင်းမြစ်များ
It nogo ti, kambuurak, Ao, mbakwi kwe, Kambuurak eyom panggoni waga'lek wonage, Iri'ngga onggo nggwok nggween taanak wonage kero, Nggween kabunogo kwaarit unggwogo mengga kwak, It kambuurak, Ao, yinuk, inikilom mbako nagaatik, Nggween taambiyoorak eyom ari wage kenok, Inale'nggen nen ndawi lubuk yogwe, Eeko menggaarak me, Aap iniki puru aago wonage nogo eya eeppege, Iniki wakkolage nogo eenik logowak nduk, eyak wappege, Ti nonggop nduk eeke menggerak?
An andi-pandi mban eerogo panugwi yi, lek aga'lek kunik aret wonage, Ndi, nawin mondok kunuk nenet unggwage nogo, Obeelom aga'lek kundugu tit wonage, Eeke ti nonggop nduk o? Niyo nage menggerak kwe, poronak wonage, Yi eneeri wungge menggerak kwe, wungga'lek wonage, Eeke menggi kwak Kat ti kwak me, eeppanega'lek agandik ya?”
Nit inom, ninombomini inom, nen ninogoba Kaliku Ala maluk eerogo pagagwi, Nit tawe paga nen nok, yogondak kuli ninogoba Kaliku Ala koone yugu nogo eeka'lek mbo pugwi, Eerit wogo ogoorik me, Ninenggali nen ninuut kuru agan wanggwi, Ninendage maluk agaarak ninagabiti nen ninayum ninenete paga nobakkologwe, Eeruwok o,” yinuk, yoreegwaarak.
“Kit aakumi tu an paga wogwe yi wae. An noba agaarak yi, meek aret nombako ogotik ya? At Aliku ALA anini kani kunik negen eeppaniyak eyom agaarak paga eeppanege kenok, yagan wake yi, It ambi nen it ambi eeppiigwi iigak, yagan wakwi ti kwak ambi wonogwe ilik, lek a? Wonogwe iyo, kinaagan-ambokan time pegiinet nugu logonet, liippiinet nugu logonip o.
Mippaneegerak me, eerit nage neenok, aakumi nen aaninggin eeppanugwi kwe, nenggali mbaka'lek aret agarik o. An niniki at oba panggombunuk abet mbareegirak eebe nogo ti, an abu neenu aret o. Ndi, an eeke logokit nduk, unde eeppaneegerak nogo ninowe waga'lek kagak, lek arigin ti lek o. “Yorage logogin aret o,” yinuk, abet aret mbake agarik o.
At Ala nen ari logonet, “At woroorak nogo ti, elaambirik logonuk woraagin lek o. At mbet-mbet aret woraagin me, it an napuri iniki abe koonak nogo nen iniki noba panggombunuk abet mbakwi iinok perak, mondok-mondok ineenik aret logogun o. Ndi, it abet nombakwi nogo mbo pugwi iinok ti, an inabuwa inombarigin lek o,” yinuk, yereegerak me, Ala nen kit eeko logorak kinombareegerak nogo, abu eekwi kiinok, wokkiroorak yereegerak nogo wokkiraawak nduk, maluk eeppinagagwi iigak kwe, kinogogumbuk logonet, waganggo logonip o.
Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.
ကြော်ငြာတွေ