Yeremiya 20:12 - Ala Wone Peenok Peebi Mbanak

¹² It aakumi iniki abe koonak nogo iniki maloppiige, It inikime koonggo menggaarak nogo liippiinet unggwage, Eeke menggendak Komaawi Lombok Menggendak Kaliku ALA wae. Nawone amburu mbanogo nowak looniyak kat aret koba pereegirak me, It an eeppaniyak mbakwi ti, onggo eeppiige keyaakit mbake agarik o.

Yeremiya 20:12 ပူးပေါင်းရင်းမြစ်များ

2 Mbinineegwaarak 24:22

At Takariya ogoba Yoyara nen at endagembogut Yowat abuwa nen obeelom eeppereegerak nogo, mari eerogo mbo punuk, onggo negen aput wareegerak me, kangge logonet, “Eeppanegendak nogo, Aliku ALA enegen neegerak me, Ndogop eekendak o, yinuk, yokkege kaamunggun o,” yinuk, kambeegerak.

Ndawi 11:5

Aliku ALA nen aap iniki abe koonak iinok, Inabut mbangge menggerak kwe, It aap maluk eeka inom, inanini paga eeppiyoorak inikilom mbaka inom, Eebi lombok inombake menggerak.

Ndawi 139:23

Ala wae. Kat nen an liirogon malennake, Niniki mbake keenu age, nabut mbangge, Niniki koonit nage nogo liippanege, Eeru o.

Ndawi 17:3

“Noone paga nen maluk ambi eerigin lek o,” yinuk, wone nggaruk togon koonggirak me, Kat nen niniki kwaake, Oonikiya liippanit unggwage, An nabut liirogon mbangge, Eeremenggendak kwe, An maluk eekirak ambi lek aret kaamunggun o.

Ndawi 58:10

Aap iniki abe koonak nogo nen Maluk eeppiigaarak onggo eeppiige nogo inigen iigwi, It aap maluk mendek inamiya paga iniyok kookkologwe, Eeko logonet, Inale'nggen mbako logogun o.

Ndawi 62:8

Kit aakumi kinanebunu lombok yi wae. Nineebe op logorak abu'me ari unggwaga ti, Ala aret me, Neetik-neetak Ala paga panggonak wonogwe, Kiniki mbako monggotak nogo abok aret at enggaanom paganogo pugwi, Eeko logonip o.

Ndawi 7:9

Kiniki abe koonak Ala wae. Aakumi inabut mbangge, Inikime lombok koonggwi nogo liippiige, Eeke menggendak me, Inanini nen maluk eeko menggaarak nogo lek eerogo piige, Ndi, it obeelom eeko menggaarak nogo iniki nu'lek eerogo piige, Eeru o.

Ndawi 86:4

Nogoba o. Yeenggwa nirenok nduk, Niniki kat paga lunik wonage me, Kayeloman an niniki ale'nggen kaakit nduk eeppanege,

Yetaya 37:14

It aap liiru mbanak wonok wogogwaarak nogo at Kitikiya woppunuk, pekkage nagagerik, wonok Aliku ALA awi wurik me unggwi nanuk, Aliku ALA enggaanom paga mbiganogo pereegerak.

Yetaya 38:14

Mbake nagarik, Towe yiluwe win-win yogo mengga kwak, Towe yuk iniki oone yogo mengga kwak, an le ari, Towe puume oone narak-nggelenak ari menggi kwak, noone ari, Eeke logonet, Nenegen piirogo panege kagak, nena agi mbogut paga ni'nagarak o. Ni'nage nagarik, Nogoba Ala o. Aaninggin lombok noba agaarak wonage me, yeenggwa niri mok ubi! Yinuk, yogirak o.

Yeremiya 11:20

Togop eeppaniyak yagaarak kwe, eekaatak a'me nggelok eeppiige logonet, inowak loongge, Nit niniki mbakwi, Ndogop eerikit, niniki koonggwi, eekwi nogo ninabut mbangge, Eeka Komaawi Lombok Menggendak Kaliku ALA wae. Nawone amburu mbanenok nduk, neebe aret wokkigirak me, kanini nen it eeppiige keyaakit o.

Yeremiya 12:8

Singa eyonggaame mendek nen aakumi inanini agaket eeginakwi, ineyak ndi wukwi, Eeko mengga kwak Neyate negen unde wonage nogo nen an togop aret ee'nakwi me, Neebi, lombok inombake agarik o.

Yeremiya 17:10

“Naliku ALA an perak, aakumi inobaabut eeko logomenggaarak nogo ndak-ndak onggo wogorage, Ndi, eerit namenggaarak nogo ndak-ndak eeppiige, Eeke logokit nduk, It aakumi iniki koonggwi nogo liippiige, iniki mbakwi nogo inabut mbangge, eeke minggirak o,” yinuk, yegerak.

Yeremiya 17:18

It aakumi an piya'nabit nugu menggaarak nogo inenggali aruwak nduk, eeppiyoorak op aret kwe, An nenggali aruwak nduk, mbo panege, It inaganak waruwak nduk eeppiyoorak op aret kwe, an naganak waruwak nduk, eeppanege, Eeriyak mage o. Aakumi aaninggin inoba piyoorak koonak nogo ti, aaninggin inoba kwippiige, Ndi, maluk eerogo piige logonet, maluk ne mbere eeppiyookwak nggwik togon aret eerogo piige, Eeke logot o.

1 Peterut 4:19

Togop me, kit andi-pandi eerogo pinagagwi nogo ti, Ala iniki mbake ndak-ndak eeppinagagwi me, kit obeelom mban eerit nogo logonet, at kineebe ogobakkigikkinabeegerak nogo nen, “Eeriyak,” yegetak nogo, a'me liirogon aret eeke menggerak me, kiniki inom, kineebe inom, apit aret at unde logowak nduk, wogo'nuk logonip o.

Wayu 18:20

Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.

Wayu 2:23

Kwe ti, aagalogwe nogo abok aret inoorit nage neenok, it an napuri yi awi ndi awi kuwak eeko menggaarak nogo abok nen, Nit niniki mbakwi inom, niniki koombunuk eerit nogwe inom, abok aret liippinaninuk onggo ndak-ndak wo'nirage menggerak ti, at aret kogo o, yinuk, an neebe ineenu arugun o.

Wayu 6:10

It nogo nen inoone nggwok yogo logonet, “Ninogoba Kaliku Ala wae. Kat kalik mondok nggwok alik leenak menggendak me, it aakumi o nggween paga wonogwe nen ninooreegwaarak ninamiya wambit nagagerak nogo, inowak loonogo ninane'me inooka'lek keegak, ne mande arigin o,” yinuk, yogo mbaka,

1 Tamuwen 1:15

Yoge mbareegi, kwe nogo nen ari logonet, “Togop lek o, nogoba. An anggur amburu inom, amburu kumili aganaka inom, nenok ari lek o. Niniki abu puru agan unggwage logonet, niniki mbake nogo abok aret paganogo at Aliku ALA yoge me,