Yeremiya 2:9 - Ala Wone Peenok Peebi Mbanak

⁹ Togop me, it eekwi ti, inawone ambinom mbangge logonet, yorage agarik o. Ndi, inombowologwe peebi nda'nariyak kunduk, inawone mbanogo pigin o,” yinuk, Aliku ALA nen yegerak me yokkiragi o.

Yeremiya 2:9 ပူးပေါင်းရင်းမြစ်များ

Ndawi 50:4

Wage logomenggerik, Mbogut paga nggween paga wonogwe nogo inigen iigak, Aakumi at apuri inowak loonikit nduk, Mbogut nggween nogo yorage logonet,

Wundeegwaarak 20:5

wogoppiigo logonet, inabu'me tebe yi unggwogwe, inayuk wukwi, eeko logorak mage o. Naliku kinogoba Ala an nalik aret neegak, nobaane'me ambi mippunuk, ayuk wukwi kiinok, Neebi o, yinuk, nanini mbake minggirak me, yi aap ndi aap inanini nombako logonet, maluk eekwi nogo ti, it ineebe inom, inapuri inom, inombowologwe inom, it paga nen wiganak inom, an nen aaninggin inoba piige logogin kwe,

Yetaya 3:13

Aliku ALA aakumi inowak loongge menggim kwi'nari unggwage, Aakumi abok inowak loonikit nduk mi'nage, Eeke agaarik o.

Yetaya 43:26

Aa'nduk eerit wogogwaarak nogo aberogo yo'nugwi, Nit maluk eerulik abe mban eerit wogogurak, yogwe nogo liippunuk, Ninom owak loonuwok nduk, wone kin eeppugwi, Eeruwak o.

Yeremiya 2:29

It abok nen, At oone eeriyak nineebi o, yinuk, yogo logonet, At maluk eerogo pinanege agaarik o, yinuk, nonggop nduk, an yo'nogo agaarik?

Yeremiya 2:35

It nen yogo logonet, Nit ambi eerulik me, Ala anini ninoba pinanigin lek o, yogwe iigirak o. Yogwe iigirak kwe, Nit maluk eerulik o, yinuk, yagaarak ti paga an nen inowak loonogo aaninggin inoba kwippiyaagin o.

Oteya 12:3

At Yakup nogo agalo inikime nen nda'nage logonet, oreeluk iyok unggut eenggi pugu aret nda'nage, At eebe nggwok age nagagerik, Ala imbirak wuk eekkolage, Eereegerak nogo o.

Oteya 2:2

At Aliku ALA nen ari logonet, “It inagalo ti, an nakwe lek o. Ndi, an kunduk at ogonggelo lek mban me, Inoone nabek togon yogwi, nabek togon yogwi, Eeko logowak o. Kwe ya wukak enete kumbunuk eerit nege nogo mbo pege, Terak wu'naka logokit, mbake nogo tayoppege, Eeruwak o.

Oteya 4:1

Kit Iterali yi wae. Kit aakumi o yime wonogwe yi, ambi eekotak paga Aliku ALA nen yokkirage me, kinaruk konenggo logonip o. At Aliku ALA nen ari logonet, “O time it nen an noone liippunuk eekwi, iniki kunik ee'nakwi, Ninogoba Ala at aret, nombakwi, Eeka'lek aret agaarik o.

Ala Unde 20:5

an nen aap nogo owe-awot inom pegiyoorak neebi nen nambokan piige logominggirik, kwe ambi ogonggelo mbo punuk, aap alik wuruwak nduk, ngginoorage menggi kwak, an mbo paninuk, kugi Molok ake eeko logonet, ili yemenggerak nogo abok aret aap ti inom aakumi Iterali inenggela'me nen inenggaawak lek eerogo piyaagin o.

Mika 6:2

Naliku ALA nen it an napuri eekaarak ambi yorage, It Iterali ambi eekaarak paga inawone mbangge, Eeke me, Kit puut-puut yi wae. Naliku an ALA nen napuri eekaarak yorage yi, konenggwi, Nggween alom wurabit nagagerak itok negen wonage kit yi wae. An yorage yi, kinaruk konenggwi, Eeko logonip o.