Yeremiya 2:6 - Ala Wone Peenok Peebi Mbanak

⁶ It nen yogo logonet, At o Metit nen wo'niren wundi wage, Tu o karume nggween mbuk ti paga wo'niren wage, Eeke logonet, Nggween kunduk amburu lek kagak, Tu tiyak-tebek kagak, Nggween abu woloonak awi yariyak meek tit kagak, Tu aakumi kambit nogo menggam kagak, Aakumi tu ti paga nogolik kagak, O time aakumi wonogolik kagak, Wo'niren wundi wagagerak Aliku ALA nogo ngge o? yinuk, yo'nega'lek aret wonogogwaarak.

Yeremiya 2:6 ပူးပေါင်းရင်းမြစ်များ

2 Endagembogut 2:14

Eliya ayum nggorok togon wambeegerak nogo paga niyo warikit nduk, oone nggwok paga ari logonet, “At Aliku Eliya ogoba Ala nogo ngga agandik?” Ari nagagerik, yum nogo paga niyo wareegerak mogonogo agi-ogu eeke mbareegi, Elita nogo wunda wagagerak.

Ayup 3:5

O apit yumaak imbirak nen yogo logonet, Ne ti, nit ninamendek o, yogwe, Ndugwi nen ne nda'nagagirak nogo nobarogo pege, O apit nen ne ti, agabiti eerogo pege, Eeruwak o.

Ayup 35:10

At ogobakkigirogo piige, Oonikiya pogom aaninggin inoba wonage kagak ndawi wako logowak nduk, eeppiige, Ndiimbu-nggwiya paga wakkagak mamunirage, Towe-pagi paga wakkagak ineenu eeppiige, Eeke menggerak, Ninogoba Ala ngge o? Yinuk, it ambi nen yaga'lek aret agaarik o.

Ndawi 23:4

An tu nggelo'me o apit paga nage neegak, Kat nimbirak nage me, “Maluk noba ariminggi ilik?” yinuk, Nagabiti mbakak nagin lek o. Kowaanggun inom, kandomba wogoninaka ya'nggage inom, Ti paga niniki eyak wappanege menggendak o.

Ndawi 77:5

O aa'nduk lombok eerit wagagerak nogo, niniki koonit nage, Yi tahun ndi tahun paga eerit wagagerak nogo niniki aberit nage,

Wundeegwaarak 20:2

“Kit o Metit inayeloman agago pinaganuk tebembinagago wonogwe me, wokkiren wundi wagagirak Naliku kinogoba Ala an aret o.

Yetaya 63:9

Aaninggin-paaninggin it inoba agagerak nogo at kunduk ndak-ndak kage, It ambi nen lek at alik nen aret inagap ndake, Iniki kunik aganake logonet, inabuwa nen wondet eerogo piige, Kwe aagaluk woppunuk ogome wonok nage menggi kwak at nen maan aa'nduk ndegeniret wagagi kwak ndegeniret nage, Eereegerak kwe,

Yetaya 64:7

Nit eekwi paga kat kenggaawak kumaappatinuk wonage, Nit maluk mban eerit nogwe paga nineebe lek eerogo patuwak nduk mbo pinanege, Eekendak me, Yeenggwa niret o, yinuk, kendage kunogo yokkugwi, Koone yo'nirage woppunuk eekwi, Eeka'lek aret ogoorik o.

Yeremiya 13:16

O apit eerogo pinagi wage, O kiip arit nage logonet, puut-puut yumaak eerit nage paga kiniyogobit linggiraawak nduk, eeppinagage, Eeka'lek kagak, Kinogoba Aliku ALA tiyappogo logonip o. “Eya eeppinanuwak lak, ao,” yinuk, tokkogwe kiigak kwe, Kit mbakwi abut laganogo o apit lombok eerogo pinagage, “Eya eeppinanuwak,” mbakwi nogo obaane'me o yumaak lombok eeppinagage, Eerigin o.

Yeremiya 2:8

It aap an neebe unde nen, Ninogoba Aliku ALA ngge o? yinuk, ambinom yo'nugwi, Eeko logorak wone yugu yoraga nen an ambinom liippanugwi, Eeka'lek wonogogwaarak o. It inoweewi nogo nen, At yo'nirage nogo eeriyak nineebi o, yinuk, An mbo panugwi, Ndi, an yorage neegak yoraga nogo nen kugi ogut aanom warogo alut eeko menggaarak kagak mugurok nogo logonet, At kugi Mba'an nen yorage kagak yorogwe, Eerit nogo nogogwaarak.

Yeremiya 5:12

It aakumi ti nen Aliku ALA eeppiige menggerak kagak pilit pugunogo alik agan nugu logonet, “At nen ambi eeppinanigin lek aret o. Nit aaninggin ninoba kwi'nage, wooluwak ninoba age, mbi noogelo ninoba age, Eerigin lek o.

Yeremiya 5:2

It nen, Nit abet aret ndogop eeko logowok o, yinuk, at eenik menggerak Aliku ALA endage kumbunuk yogo o, yinuk, kumbuk mbanggwi kwe, Inoone piliret kumbuk mbanogo yogo menggaarak o,” yinuk, yegerak o.

Yeremiya 51:43

O Mbaben kota-kota ti, o wogo aret age, Nggween mbuk karume aret age, eeke kenok, Aakumi o time wonogwe, tu ti paga nogwe, eeka'lek aret logogun o.

Oteya 12:13

It Iterali o Metit nen wogoren wundi woraawak nduk, Aliku ALA nen yoge kagak yoraga ambi mippege, Iterali ndegeniren woraawak nduk, at yoge kagak yoraga ambi yoge, Eereegerak kwe,

Oteya 13:4

At Aliku ALA nen ari logonet, “O Metit nen wogoren wundi wagagirak inogoba Naliku Ala an aret me, Nit alut eekwi ninogoba alik ambi lek Ala alik aret o, yinuk, yogwe, Ndi, ninagap ndaka alik ambi lek Ala alik aret, yogwe, Eeko logowak o.

Amot 2:10

It aakumi Amori mendek wonogo menggam unde eeppatinuk logowak nduk, o Metit nen wogoren wundi wage, Tahun 40 eeke kagak, o karume wogoren nege,

Pelaareegerak 1:19

Yorage nagagerik, ti'nuk, ambi yorage logonet, “At Aliku ninogoba Ala nen wone yo'niragagerak nogo ndak-ndak nit o puut Korep nen tu o karu nggwok nonggologo pereegim mondok iya tit kagak o puut nggelok-nggobok aap Amori menggam pa'nggwe nen nok, o Kareti-Mbareneya aret ari wogogurak kineenu nogo o.

Pelaareegerak 32:10

Togop eerogo pereegerak kagak, O karume eerilek mba'ngge mban ku agan nogo menggam nen kwaariige nagagerik, Anggen abe kenok iniki kunik mengga kwak, inarum wonage, At abu'me piinok, liirogon ndegeninake, Eeginake logonet,

Pelaareegerak 8:2

At Aliku kinogoba Ala nen tu karume wokkiren wage logonet, It aakumi yi, Yogop ee'nu ndogop ee'nu, an yorage nogo liirogon porogo wonogwe iyaamun ilik, lek a? yinuk, kinikime nano wonage nogo eenu arikit nduk, kinabut mbangge, kiniki tebenak logomunggup nduk eeppinagage, eeke kagak, tahun 40 aret eereegerak nogo kiniki abe'nip o.

Owak Loongga 6:13

Yoge mbareegi, aap Nggireyon nen Aliku ALA ayonggo nogo yoge logonet, “Ai, nogoba o. At Aliku ALA ninom abet aret wonage kenok, nonggop nduk aaninggin-paaninggin yi, ninoba age agaarik o? Ninombomini nen nit yo'nirogo logonet, At Aliku ALA o Metit nen wo'niren wundi wage logonet, Eerubok mendek ndogop eerit wage kogogurak o, yinuk, mbininogo yo'nirogogwaarak nogo ngge o? Togop eeppinaniyak op aret kwe, kagak, yogondak nit mbo pinangge logonet, aakumi Miriyan mendek ineenggime pinanggerak wonogo ogoorik o.”