Yeremiya 2:33 - Ala Wone Peenok Peebi Mbanak

³³ Kwe mbabilu obaabut abu maluk nen, Ee'nabuwak, mba'nuk, eerit nage nogo ti, eenu nggwok aret kwe, it an napuri perak, It iniki kunik logorak mbakwi iniki amok mbaniyak nogo ti, abunuk nggwok ineenu me, it nen at mamuniriyak op aret o.

Yeremiya 2:33 ပူးပေါင်းရင်းမြစ်များ

2 Mbinineegwaarak 33:9

Aliku ALA aa'nduk a'nuk yi aakumi ndi aakumi Kanan mendek lek eerogo piyareegerak nen maluk eeko nogogwaarak nogo ti, nggwok aret eeko nogogwaarak kwe, at Manate nen Ala mbo punuk, nomo agan nage nagagerak paga it Yekura mendek eege, it Yerutalem mendek eege, maluk eeko nogogwaarak nogo perak, abunuk nggwok lombok aret eeko nogogwaarak.

Yeremiya 2:23

“It nen, Nit maluk ninoba lenggenak lek aret o. Ndi, kugi Mba'an mugurok nogolik o, yinuk, yogwe ti, nonggop togon yogo menggaarak? It o kobappaga time nugu logonet, inobaabut maluk eeko nogogwaarak nogo iniki aberuwak o. Wam kooli wali kwaarit nggare agan nagak-wagak agan nege menggi kwak,

Yeremiya 2:32

Kwe tawe alilibano li'luk eekkolaga'lek mari eerogo mbo pege, Kwe tawe ogonggelo imbirak lambumbiigwi me, ayum-agali ngget mendek yikkolaga'lek teppege, Eeke menggerak mbakop? Togop eekulik aret kwe, It an napuri perak, o maan aret mari eerogo mbo paneegwaarak wonage neegak, Ne ndi kuli ari naga o, yinuk, yuurak meek aret o.

Yeremiya 2:34

It ineenggilek tebenak mendek nen inoreewi iname tu paa'nuk, kiraari unggwogwe iyoolik kagak Inoreewi inookaarak inamiya an napuri inayum paga lenggenak wonage kogwe kwe,

Yeremiya 2:36

Yeenggwa niraawak o, yinuk, ambi me nagak ambi me nagak eerit nugwi ti, nonggop nduk eerit nogo agaarik? It Atiyut mendek eekwi paga inenggali ogogwaarak kwak it Metit mendek nen eeginaburak ti paga togop aret inenggali arugun o.

Yetikiyen 16:27

Mi'nage mbareegi, neebi nen neenggi omaawi paga anggween wogoreegirak nogo mbuuluk eerogo pege, inom ogoorak nen, At enggali lek ugun eerit nage yi iya, mbareegwaarak it Pilitin mendek nogo ineenggime piige, eereegirak o.

Yetikiyen 16:47

It eerit nugwi nogo, at mugurok nage, it maluk ogole warak mendek eekwi nogo at ndak-ndak eeke, eeke nagagerak. It maluk eerit wundi wogo logonet, irip paga maluk nggwok lombok eeko nogogwaarak kwe, at perak, ne ambit maluk mondok iya lombok eereegerak o.

Oteya 2:13

At nen obari abe kaga it kugi Mba'an inake kani kungge, Obaanggi-obaangge eeke logonet, iinggen enggaanok me yikkolage, aruk ayo eekkolage, Eeke nagaatik, It at iniki kunik eeko menggaarak nogo muguren nage logonet, ami eerogo mbo paneegerak me, An nen aaninggin at oba kwippigin o,” yinuk, at Aliku ALA nen aret yereegerak o.