Yeremiya 2:22 - Ala Wone Peenok Peebi Mbanak

²² Wun yanengga paga punuk ineebe paga nggunggologwe, Tapon paga ngguu'mo wakak mban eekwi, Eekwi kwe, Maluk inoba lenggenak itok aret wonage iige agarik o,” yinuk, Aliku Itok Menggerak ALA nen yegerak me, yokkiragi o.

Yeremiya 2:22 ပူးပေါင်းရင်းမြစ်များ

2 Tamuwen 11:12

Yoge mbareegi, at Ndawut nen, “Abu aret yagandak me, ne yogondak yi, ambinom yime puk logomenggendik, ko'lu kuubondendok, Nak o, yokkege neenok aret namunggun o,” yoreegerak. Yoge mbareegi, ne ti paga at Uriya nogo o Yerutalem time puk agagerak

Ayup 14:17

Ata, nomaluk yumonggok awina yonggoppunuk, Keenggi amburu penetak o.

Ndawi 130:3

Kaliku ALA wae. Ninomaluk nogo kat liiru mbanogo pege logonetak en, Aap ta nen oone ambi yenetak mbakop? Lek aret kwe,

Ndawi 90:8

Nit maluk eekwi nogo kenegen niige, Ninomaluk nobarak wonage nogo, kabinak paga kin eeppege, Eeke menggendak o.

Yeremiya 16:17

Ineebe nenegen iige neyo kumaarak wonogwe, maluk eerit nugwi nenegen kage neyo nobarak wonogwe, eerak wonogwe lek it eerit nugwi nogo abok aret nenegen wogoren nege minggirak o.

Yeremiya 17:1

At Aliku ALA nen ari logonet, “It Yekura inomaluk ti, liiru mbangga irip mbuti kunik paga inom, Liiru mbangga irip yugum mee'nggen kunik paga inom, Yugum tabak paga kwak inikime mbanak wonage, Ndi, warogo kani kunggo menggam unggut-unggut to ari nogo paga ayo wogo wonage, Eerak aret agaarik o.

Yeremiya 4:14

Kat Yerutalem yi wae. Maluk eeriyak kinikime koonit nage keegak, ne mande ari nagin o. Kagap ndaruwak nduk, komaluk kinikime wonage nogo abu nggarenogo mbo pege logot o.

Yetikiyen 24:6

Aliku Itok Menggerak ALA nen yegerak nogo yi aret. “O kota enggela'me time ineebe inoorak inamiya ti, Liirubu nen kagaarogo pege kero, nggween paga wurabulik o. Ata, yugum eerilek tabak paga kilirogo pereegerak o. Amiya kilirik nenegen kage kenok, nanini mi'nage, Inoorogo piinet nagagerak onggo woorak aberak wonage, Eerak logowak nduk, At amiya ti, liirubu nen kagaarogo pege kero, yugum eerilek tabak paga kilirogo pigin me, Aakumi inamiya kilirogo piinet nugu menggam o kota ti, abuwa o! Togolowa'na enggaanggum la'nage logonet mili lenggenogo pege nogo, kooka'lek lengge aago kagak wonage ti, abuwa o! Enggaanggum mbanak larak ti, Ta koloorak kaamun? yinuk, Yugum wakkaga'lek ugun-ugun ambi waganogo wumbegak, ambi waganogo wumbegak, eeke logowak,” yegerak o.

Oteya 13:12

It Eparayim maluk eeko menggaarak nogo, an aberak wonage, Inomaluk nogo an liiru liirogon mbanogo pereegirak wonage, Eerak aret agaarik o.

Amot 8:7

At Aliku ALA nen ari logonet, “It Iterali maluk eeko nogogwaarak nogo, an nami arigin mondok lek o, yinuk, it Yakup mendek nen inogoba tiyappanega nendage kumbatinuk yagi o.

Pelaareegerak 32:34

At Aliku ALA nen ari logonet, Aap inane'me wakwi inom, maluk onggo eeppiigwi inom, An nen aret eeppiyaagin me, Logonuk lek aret iniyok eraabin tuk togon wanggwi, Aaninggin nggwok lombok inoba kwippiyoorak koorok panggoni wage, It eeppiyoorak inake pipuk aago nogo, Mbet-mbet aret ari wage, Eeppiyoorak koombunuk, Ndi eyom paga eeppiyaakit o, yinuk, neenggi amburu punuk, Kumaarogo pege minggim pateegirak nogo lek a? yinuk, yereegerak o.