Yeremiya 2:16 - Ala Wone Peenok Peebi Mbanak

¹⁶ Aap o Membit mendek inom, Tapanaket mendek inom, nen aap Iterali ineeruwak puluk ko eerogo piyareegwaarak o.

Yeremiya 2:16 ပူးပေါင်းရင်းမြစ်များ

2 Endagembogut 18:21

It Metit mendek nen yeenggwa nirugun o, yinuk, iniki it paga panggombunuk wonage kagarak kwe, piinde waanggun luk nogwe me, nggoguk togon ineenggi alok nonggok ari menggi kwak, aap Metit mendek inowe endagembogut Pirawun ti kokwak kagak, yi aakumi ndi aakumi at oba panggonak wonogwe iinok, togop aret arugun o.

2 Endagembogut 23:33

Ndi, o Yerutalem endagembogut logonet, wone lengganogo yorage logukwak, aap Pirawun Niko nogo nen aap Yowakat keele maarogo o Kamat kota Iribala mambereegerak time wonage kagak, it Yekura mendek yorage logonet, “Wu mbuti perak aaninggin tiga ribu empat ratus inom, emas aaninggin 34 inom, mbet-mbet kuwak eerogo pi wa'nip o.”

Yetaya 19:13

It o Towan mendek inoweewi nagawan nogo aap wi negen ogwe, It aap Membit mendek inoweewi inambokan laganogo piigaarak wonogwe, O Metit inanebunu lombok it paga panggonak nogo nen inawuri nomoniren nogwe, Eekaarak me,

Yetaya 59:13

Aliku ALA oone eeriyak nineebi mbakwi, At ambokan laganggwi, Ninogoba Ala munogo punuk, alik eerit nugwi, Eeko logonet, Aakumi tebenogo piinet nugwi, Tu alik paga nawak nduk, nomoniren nogwe, Kwe elege logombunuk ndake menggi kwak ninikime koombunuk pilit wone agan nogwe, Eerit wogoorak ti paga

Yeremiya 44:1

It aakumi Yakuri mendek o Metit niyo Nin ambut nogome kota Migiron inom, Tapanaket inom, Membit inom, ndi, eneerime o Patorot inom, wonogwe nogo eeppiyoorak at Yeremiya yoreegerak yi aret.

Yeremiya 46:14

“It aakumi o Metit wonogwe nogo yorage, It o Migiron wonogwe nogo yorage, It o Membit wonogwe inom, o Tapanaket wonogwe inom, yorage, Eeke logorak nogo yi aret. Aakumi it inaagan-inambokan wonogwe ti, wooluwak paga ineebe nenet nagin me, ineegin-inawooluwak woppunuk, Wim eeri nawam lombok arit nawak o.

Yeremiya 46:19

Togop me, o Membit maluk eerogo pege, Kani nenet nage logonet, o yigirik-noonom eerogo pemenggerak paga aakumi ambi wonogwe lek o wogo aret wonage, Eerigin me, It o Metit wonogo menggaarak ti, Kugun wogoren nagun me, inamindik-inamendek pipuk eerogo pako logowak o.

Yeremiya 48:45

“O Ketibon nen kani wunuk agan wundi nage, O Tikon nen kani omoonuk wunuk agan nage, Eeke logonet, It Mowap mendek inoweewi inengga warak kani nen lek eerogo nenet nage, It inanobak yugum logonet, wim eeriyak mban inikilom mbaka nogo ineebe lek eerogo nengge, Eeke kenok, Ineebe op logowam it peberagangge aago o Ketibon ari nanuk, inomaawi lek aago time puk aret wonogo agaarik o.

Yetikiyen 30:13

At Aliku Itok Menggerak ALA nen yegerak nogo yi aret. “O Metit time inagugiwak pup eerogo pege, O Membit time inagugi ogut aago nogo lek eerogo pege, Eerigin o, O Metit time aap inowe endagembogut ambinom logogin lek me, Aakumi o time inagabiti mbakak nugu logowak nduk, eerogo piige,

Yetikiyen 30:16

O Metit kani mbelanogo pege, Eerigin o. It o Tin mendek yagan yobak-nggolak waruwak nduk, eeppiigwi, O Tebe pak wurik yinik-minik eerogo punuk, ineebe ambik aago tebenggola unggwogwe, It Membit mendek nen ko'lu-kii'me aaninggin-paaninggin inoba age kogwe,

Oteya 9:6

Kit kineebe lek eerogo pinagagwi me nen kinagap ndakko'nok mbaganumonggotak kwe, It Metit mendek nen kineebe kuwak eerogo pinagagwi, Ndi, it o Membit mendek nen kineebe kinoorogo nggween taambinagagwi, Eerugun me, Kinamendek onggo nggwok mbuti perak yumbunogo pomonggotak nogo paga iri'ngga taanogo pege, Ndi, kinawi wurik me alok yinik-kunik eerogo pege, Eerigin o.

Pelaareegerak 33:20

It inanebunu Nggat mendek nen eeko logorak wone yoge logonet, “It inanebunu Nggat mendek ti, Nggeewo singa nen obaak nibinogo pege, anobak yelenogo pege, Eeruwak nduk Enaarak menggi kwak, logonet, O nggween abu obeelom lombok kenok kologwe, It wone lengganinaka inoweewi yo'nggok nggween mbanak wogoroorak nogo, it aret teppakwi, It aakumi Iterali mendek inoweewi wone lengganinaka abok kuwak eeri wogogwaarak iigak, Kaliku ALA yoragagindak a'me nggelok eeppiyoorak mbareegindak inom, Maluk onggo Iterali inoba kwippiyoorak nogo inom, It nen aret eekwi, Eereegwaarak me, It inanebunu Nggat mendek logowam inanggween nggwok wigak togon eerogo wogorogwe iinok, Inale'nggen mbako logowak o,” yinuk, yoge,