Yeremiya 2:10 - Ala Wone Peenok Peebi Mbanak

^10-11 “Kugi alut eekwi ti, abe lek kagak eekwi kwe, Ndi, it aakumi inanebunu ambi nen inagugi alut eeko menggaarak mbo punuk, obaane'me aakumi alik ambi inagugi woppunuk alut eekwi lek kwe, Eekwi ambi wonogwe iyo, It nen niyo aa'nggi enebaga o Kitim wunda nanuk, aakumi time mendek yorogwe, It o Kerat mendek eekwi liippiyaawak nduk, inawuri nappiigwi, Eeruwak o. Togop eekwi iyaagun lek aret kwe, it an napuri perak, inogoba abu tiyanak minggirak an nogo mbo paninuk, Abe mendek lek kagak nobaane'me mippunuk, ayuk wuko agaarik o.

Yeremiya 2:10 ပူးပေါင်းရင်းမြစ်များ

Wakkagagerak 25:13

At Itamayen apuri ndarak ndak-ndak aret inendage yi o. Itamayen apuluk manggu ndareegerak endage Nebayot. Ti'nuk ambo'me Kerat, Areben, Mibatam,

1 Endagembogut 9:9

Yogwe iinok, it aakumi ando nen wone onggo yorogo logonet, Lek o. It aakumi yi, inombomini o Metit nen wogoren wundi wagagerak Aliku inogoba Ala nogo, mbo punuk, obaane'me kugi eerit nogo logonet inayuk wurit nogo nogogwaarak alom ti paga at Aliku ALA nen o yi maluk eerogo pereegerak, yorogo logogun o,” yinuk, yoreegerak.

1 Mbinineegwaarak 1:7

At Yawan nen apuri aap ndaganabeegerak ti, Elita inom, Taritit inom, it Kitim mendek inogoba inom, it Ororanim mendek inogoba inom, ti aret.

1 Mbinineegwaarak 23:1

At Ndawut nogo ndarak kagak tahun ambik eeppunuk, abu anggok age nagagerik, at obaane'me aakumi Iterali mendek inowe endagembogut logowak nduk, aput Talomo aret mippereegerak.

1 Mbinineegwaarak 23:12

At Kekat nen apuri aap ndaganabeegerak nogo ti, ineebe 4 me, inendage Amaram, Yitakat, Keboron, Utiyen aret.

Ndawi 120:5

An aap o Metek wonogo menggam nugwi kwak nege, It aap o Kerat inawooliyana inom mengga kwak wonage, Eeke me, nabuwa o!

Yetaya 21:16

Nogoba Ala nen an yo'nege logonet, “Tahun ndogop eeppunuk wondet eerogo pagagin o, yinuk, aap ambi nen ayeloman yoge kenok, ayeloman nen eenggi liirogon linggingge menggi kwak, tahun yi awo eeka'lek kagak, o Kerat endage tiyanak, Wi! ugwi nogo lek aret arigin o.

Yetaya 23:1

Aakumi Tirut mendek eeppiyoorak abinggaanggo paga Ala nen yoreegerak nogo yi aret. “It yiiro o Taritit nen wonok waga ti, Yiiro paga iname o Tirut wogwe me, aakumi nen, Wologwe! O kota Tirut nogo lek eerogo pogo logonet, kinawi wurik inom, kinayiiro paga yinggak-unggwagak eeko monggo'nom inom, lek aga o, yinuk, O Kitim nen konenggaarak nogo ti, abet aret me, inale yikkologo logowak o.

Yetaya 23:12

O kota Tiron Aagalukwe Aap Kigin Waka'lek tebenak wonage ti, O time ale'nggen paga ugun-ugun eerit nage nagaarak nogo lek agaarak o. Lek agaarak me, aret pipuk eekko'nok, o Kitim time nawak o. Time namenggerak kwe, time kunduk ale'nggen kage logogin lek aret o.

Yeremiya 49:28

O Kerat inom, it Katot mendek inoweewi inendagembogut inabu'me piigo menggam inom, aap Mbaben mendek inowe endagembogut Nebukanetat nen tebenogo piyareegerak wone nogo yi aret. At Aliku ALA nen nen ari logonet, “At nen pilak ari logonet, o Kerat oonda mbani unggwage, It o oonegen lagi wage menggim pa'nggwe wonogwe nogo, lek eerogo piige, Eeruwak o.

Yetikiyen 16:16

ayum ando wagangge nagagerik, agugi ake warogo wogoge menggim puut paga yabenggek-ndabenggek eerogo punuk, time logonet, aap inom ugun-ugun eerit nage, eeke nagagerak. Ti eeke nagagerak kwak ti, it aakumi ambi kogolik me, peebi togop ambi kaagun lek aret kagak, eeke nagagerak.

Yetikiyen 27:21

It Arap mendek inom, aap inoweewi nagawan-nagawan o Kerat mendek abok aret inom, nen amendek kunggolagak a'nuk, inom onggo-onggo eeko logonet, ndomba aagalogwe inom, ndomba ngguunok inom, kambin ngguunok inom, ti paga amendek kunggola wogwe,

Yetikiyen 27:6

Eyo teno o Mbatan mendek paga niyo alelo mbanggak tabonogo pugwi, Eyo ndiindi o Kitim ogobak mbanik aa'nggi paga nen at andik ndoonogo punuk, gajah eyak enggela'me nabenogo pit nogwe,

Yetikiyen 5:7

Togop me, at Aliku Itok Menggerak ALA nen yegerak nogo yi aret. “Yi aakumi ndi aakumi enaagan-ambokan wonogwe ti, inobaabut maluk negen wonogwe kwe, at Yerutalem ti perak, obaabut abu maluk lombok wonage, an noone lengganogo yoge nogo mugurok naga'lek mbo pege, eeko logorak wone nogo eeka'lek taganogo pege, it yi aakumi ndi aakumi enaagan-ambokan wonogwe nogo nen eeko logorak wone lengganak nogo kunduk, eeka'lek mbo pege, eeke menggerak,” yegerak me, kat o Yerutalem yokkigi o.

Ndaniyen 11:18

Ti'nuk, ena lagak ari logonet, it aakumi inawi niyo aa'nggi paga logowam nogome apit aret tebenogo piinet nage me, aap ineegin warak inowe ambi nen mi'na'nuk, at ogoba iniki worokot logonet, eeppiinet nage me, aput ti nen iniki worokot logonet, ogoba maluk aret oba kwippigin o.

Ndaniyen 11:30

Ata, at inom wim eeriyak yi yiiro ndi yiiro o Kitim nen ambik aret wogo mbaremengga, agabiti nen omanggen tayok yinuk, at ame iyokan aret woraagin o. Ndi, wage logonet, aakumi Ala inom wone abuk nggaruk togon koonogo pereegerak alik leenak eerit nugwi nogo, at eebi lombok inombake me, anini mi'nage logonet, maluk eerogo piinok ame woraagin o. Ame woraanuk, ti'nuk, iyokan nage logomenggerik, it aakumi Ala inom wone abuk nggaruk togon koonogo pereegerak alik leenak eerit nugwi nogo, eeka'lek mbo pugwi iinok, at nen liippiinok, obeelom eerogo piyaagin o.

Linggineegwaarak 24:24

O Kitim laut aa'nggi paga nen yiiro-ndiiro aago woraagun o. Wogo logomenggaarik, It aakumi Atiyut mendek inom, Kebet mendek inom, tebenogo piya woraagun o. Tebenogo piigwi iinok, it Kitim mendek kunduk lek aret arugun o.”

1 Korindut 5:1

Noreewi o. Kit kinenggela'me time kumi ugun eeginabit nogwe konenggirak me, ambi yokkira o. Aap ambi nen at ogoba akwe kagak, “Ndinggerak,” konengge nagarik, yokkiragi. Wologo wae. It aakumi Ala wone konenggulik mendek nen kit eekotak ti, it ndak-ndak abu eekulik kagak, eekotak o.

Owak Loongga 19:30

Nappit nagagerak nogo inigen kogo nogogwaarik, it abok nen yogo logonet, “Nit o Metit nen wundi wogo nogogurik, o yogondak wonogwe yi kuli paga yogobi eerak ambi ninigen kogolik aret eerak kogo o.” Yogo nogogwaarik, “Eerak yi, liippugwi, niniki koonggwi, eeppunuk, Nonggop eeriyak nogo wone mbanuwok o,” yinuk, yogogwaarak.