Yeremiya 19:7 - Ala Wone Peenok Peebi Mbanak

⁷ O yime nen it Yekura mendek inom, Yerutalem mendek inom, iniki, Yogop eeruwok, koonogo pemenggaarak nogo lek eerogo piige, it inawim mendek nen wooluwak paga inooruwak nduk, inili yaga'lek mbo piige, it inooruwok mbarit nugwi nogo ineenggime piige, eeke neenok, inooremenggaarak ineebe yi towe ndi towe wiga agan nugwi inom, ndiimbu-nggwiya nggween paga nugwi nogo inom, inambi-inambiingga kwak nawak nduk, eerogo piyaagin o.

Yeremiya 19:7 ပူးပေါင်းရင်းမြစ်များ

2 Endagembogut 21:14

It inombomini o Metit wundi wogogwaarak nen nok, o yogondak kuli nenegen neegak maluk mban eerit wundi wogogwaarak paga nanini mbareegirak me, it an niniki kundugu neyate kwak eegu yumbunik wonogwe nogo, waganogo inawim ineenggime piige neenok, iname maluk eerogo piigwi, inamendek inom, ineebe inom, kugun wogoren nogwe, eerugun o,” yinuk, yorage kagak, yorogogwaarak nogo o.

Kini Wuppiige 21:30

“Aliku ALA tebenogo puwok o,” yinuk, aap iniki warak nogo nen at yogwi, Aap yelok kaga nen, Wone ndogop yogwi niinok, “E o,” yuurak yelok kagarak me yogwi, Aap wone koongga nen iniki liirogon koombunuk yogwi, Eeremenggaarak kwe, meek aret kaagun o.

Yetaya 29:14

Togop me, an nen iya mbariyak mendek eeppiinet mban naminggirak paga iniki lek age, It aap iniki warak nen iniki warak logonet agan nugwi nogo lek arit nage, It aap ineenu nen ineenu logonet yorogwe nogo, kobak age, Eerigin,” yegerak o.

Yetaya 8:10

Nit ti, Ala ninom aret wonage menggerak me, Kit nen, “Nit yogop eeppiyaawok,” koonumonggotak kwe, lek aret age, “Yogop eeruwok o,” yinuk, wone mbanumonggotak kwe, ee'naga'lek aret wonage, Eeke kaamunggup o.

Yeremiya 15:2

Yorage keenok, it nen, Nit nggeeme nawi o? Yokkugwi iinok, kat nen, At Aliku ALA nen yegerak nogo yi aret o, yinuk, yorage logonet, It andi paga nen kambuurak kenok, andi paga nen aret kanggwi, Wooluwak paga inooriyak kenok, wooluwak paga nen aret inoorak kanggwi, Mbi noogelo paga kambuurak kenok, mbi noogelo paga nen aret kanggwi, Ndi, keele maageren piya noorak kenok, keele maageren piya nogwe, Eeruwak, yegerak, yoraamunggun o,” yinuk, yo'negerak.

Yeremiya 15:9

Kwe ambi aagalogwe 7 ndarak abok kanggwi iinok, ambuluk yupuk nappunuk iniki worok togon aret kangge, O awo kagak oonegen mbet-mbet kilu yi nagin me, enggali age, endage lek age, Eeremenggerak paga iniki worok togon kangge, Eerigin o. Ndi, yumbunogo piyamenggaarak nogo inawim inigen iigak, inoorogo piyaagin o,” yinuk, Aliku ALA nen aret yegerak o.

Yeremiya 16:4

“It ti, andi kambuurak iya nogo mendek inoba aremenggaarak kanggwi iinok, inale yogwe, nggween taambiigwi, eeka'lek we nggween mili ake yabume time mbo piyaagun o. Wooluwak paga inoorak inom, mbi noogelo paga inom, kambemenggaarak me, ineebe kambak nogo yi towe ndi towe wiga agan nugu menggaarak inambi age, ndiimbu-nggwiya nggween paga nugu menggaarak inambi age, eerigin,” yegerak o.

Yeremiya 18:21

Togop me, it aap ti, inapurilogwe mbi abu nen kanggwi, Wooluwak paga ndanuk togon inookwi iinok kanggwi, It inakuwi ti, inaagalogwe kobak ogwe, it kumi togwe aret ogwe, It mendek inowe-inawot aap nogo kugi andi nen kambit nogwe, Inawuri nogo wim eeko logonet, maale paga inoorak kambit nogwe, Eeruwak nduk eeppiyet o.

Yeremiya 21:7

Aliku ALA nen ari logonet, Ti eeke logominggirik, it Yekura inowe endagembogut Terekiya inom, aap endagembogut awuri inom, it aakumi kugilengga paga kanggwi, wooluwak paga warak kanggwi, mbi noogelo paga kanggwi, eeka'lek teppiyamenggerak it o kota yime menggaarak inom, nogo waganogo aap Mbaben inowe endagembogut Nebukanetat inom, it inooriyak eekwi inawim nogo inom, ineenggime piyaminggirak at aap endagembogut ti nen inabuwa mbake, ambi teppiige, obeelom eeppiige, eerigin mondok lek abok aret inoorogo piyaagin, yegerak, yori nabagip nduk, yokkiragi o.

Yeremiya 22:19

Ata, nggeewo kanggetak niik eerogo mbo wumbogo mengga kwak, at eebe niik eerogo o Yerutalem tu unggwogo menggam endekem time mbo wumbugun o,” yinuk, yegerak o.

Yeremiya 22:25

it at wariyak mugurok nugwi iinok, agabiti inombake it Mbaben mendek inowe endagembogut Nebukanetat awuri Mbaben mendek inom ineenggime piige,

Yeremiya 32:28

Lek me, Naliku ALA nen, O kota yi, it aakumi Mbaben mendek inom, aap Mbaben inowe endagembogut Nebukanetat inom, ineenggime piyaakit nduk eeke me, ti eeke neenok, at Nebukanetat nen o yi, tebenggolaagin o.

Yeremiya 34:20

it inom wim mbanak nen inooriyak mbakwi nogo ineenggime piyaagin o. Piige neenok, inooremenggaarak ineebe ti, yi towe ndi towe wiga agan nega inom, ndiimbu-nggwiya nggween paga nega inom, inambi-inambiingga aret arugun o.

Yeremiya 46:26

It aap ti, inooriyak eekwi o Mbaben mendek inowe endagembogut Nebukanetat inom, awuri inom eeka inom, ineenggime piyaagin kwe, aakumi o Metit aa'nduk wonogogwa kwak, peebi togop aret wonogo logogun o,” yinuk, Aliku ALA nen aret yegerak o.

Yeremiya 7:33

Ti eyom panggoni wage kenok, inoorak nogo towe wiga agan nugu menggaarak inom, ndiimbu-nggwiya nggween paga nugu menggaarak abok aret inom, aap ambi nen mugogo nappiyoorak ineebe lek me, inambi-inambiingga pogom inoorak ti, ugun nenet nogo logogun o.

Yeremiya 8:2

it iniki kunik aganakwi, inake eerit nugwi, muguren nogwe, Nonggop o? yinuk, kin wogonakwi, inayuk wukwi, eeko nogogwaarak inagugi oonegen inom, tut inom, laaluguragan mbogut paga wonogwe abok aret inom, it abok inenggaanom kin paga piyaagun me, kuwak eerogo piigwi, taambiigwi, eerugun lek yabume nggween mili ake aret arugun o.

Yeremiya 8:8

It aap liiru mbangga nen eeko logorak wone Naliku ALA yoragagirak nogo liiru mbanggo logonet, Eebe yugu kagak alik pugunogo liiru mbaneegwaarak kagak waganeegwaarak me, Eeko logorak wone Aliku ALA nen yereegerak nit porogo wonogwe me, niniki warak aret o, Yinuk, yogwe ti, nonggop togon yogwe mbakop?

Yeremiya 8:9

It aap niniki warak mbako menggaarak nogo inenggali aret ogwe, Kobak ogwe, inoone lek eerogo piigwi, eerugun o. Naliku ALA noone yugu nogo mbo pereegwaarak me, nano wone paga panggombunuk, Iniki warak agaarak me yogo agaarik mbakop? Lek aret me,

Leendawi 3:37

Ninogoba Ala nen eeriyak wone lengganogo wumbenetak lek en aap ta nen, “Togop aruwak o,” ari kenok, a'ne mbakop?

Ala Unde 26:17

An nambokan piyaminggirak me, inom wim mbanak nen tebenogo piya wogwe, it aakumi Iterali ineebi inombakwi nogo nen inabu'me tebenogo piigwi, ndi, it nen muguren wogwe lek iigak kwe, it Iterali nen mban mbaganit nogwe, eeko logogun o.

Ala Unde 26:25

Inomaluk onggo inoba kwippiige logonet, wone ninom abuk nggaruk togon mbaneegurak nogo taganogo pemenggaarak paga inom wim mbanak nogo nen inoorit woraawak nduk yonggo piige, Ninoorukwak o kota pak wurik me unggwi nawok o, yinuk, unggwi namenggaarak kwe, kugi lengga ineebe paga iyak wurogo punuk inom wim mbanak nen inoori woraawak nduk, wogorage, eeke logogin o.

Oroma 3:31

Ti kenok, nit abet mbakwi ti paga nen wone Muta yoreegerak nogo taganogo pugwi mbakop? Lek o. Wone ti aret omaawi eerogo pogo ogoorik o.

Oroma 4:14

Ala nen Abarakam abok yoreegerak wone nogo, Ala nen Muta yoreegerak aakumi nen eekwi nogo, unde eeppiyanetak nen, it abet mbakwi paga unde aruwok mbakwi nogo ti, we aanom warogo aret mbako logonetak. Ndi, Ala nen abok yoreegerak wone nogo, ti kunduk we aanom warogo aret yoreegerak mbako logonetak.

1 Tamuwen 17:46

Ne yi eyom paga at Aliku ALA nen keebe waganogo an neenggime wo'nege yi aret me, koorogo paganuk, kanobak mbanogo wagangge logonet, kawuri ineegin warak Pilitin mendek abok aret kinom towe wiga agan nugu menggaarak inom, nggwiya eyonggaame menggaarak inom, kineebe kinoorak nawak nduk, wogoraagin o. Ti eeriminggirak paga aakumi o nggween paga yime menggaarak abok nen, Aakumi Iterali inogoba Ala wonage aret kogo o, yinuk, ineenu arugun.