Yeremiya 18:6 - Ala Wone Peenok Peebi Mbanak

⁶ “It Iterali paga wiganak ti, aap nggween nggabok paga niyoowak ogobakkigikerak yi kokwak, an nen togop aganaburak lek mbaken? It Iterali paga wiganak ti, aap niyoowak ogobakkigika nggabok eenggime wonage menggi kwak it togop aret an neenggime wonogo agaarik o,” yinuk, Aliku ALA nen aret yegerak o.

Yeremiya 18:6 ပူးပေါင်းရင်းမြစ်များ

Yetaya 45:9

“Yi yiiwak ndi yiiwak nggween nggabok paga ogobakkigirik ambik lombok inenggela'me ambi nen, At eebe ogobakkigirogo pereegerak imbirak wone wake kenok, abuwa o. Kat nano ogobakkigirogo pege agandik o? yinuk, At nggween nggabok nen aap yiiwak ogobakkigika nogo yoge, At yiiwak abu ogobakkigirogo pegerak nogo nen, Kat keenggi amburu lek o, yinuk, at ogobakkigika nogo yoge, Eeriyak op mbakop?

Yetaya 64:8

Togop kwe, Kaliku ALA o. Kat ninogoba aret o. Nit yi, nggween nggabok mendek aret. Ndi, nineebe longgo warogo ogobakkigi'ninabeegindak kat aret me, Nit abok kat keenggi paga eerak aret ogoorik o.

Yeremiya 18:4

At nogo nen nggabok paga niyoowak ogobakkigike nogo obeelom aga'lek maluk age kenok, “Niyoowak yi, togop eerikit,” koonggerak nogo mbo punuk, “Ndi mendek eeriyak op kagi,” mba'nuk, ti mendek aret ogobakkigike kagarak o.

Yeremiya 18:5

Kage mbaki, at Aliku ALA nen wone yo'negerak nogo yi aret.

Ndaniyen 4:23

Ndi, nogoba kendagembogut wae. Aap inigen wogonaka ambi abu alik leenak mbogut paga nen wambi wage nagaarik, ari logonet, Eyo yi, muurogo punuk, enggaawak lek eerogo pege logomenggendik, alom-omanggen yarak mban teppunuk, mbuti keele paga inom, tembaga paga inom, yiluk-yiluk eerak paga keele maarogo punuk, kingga'lek iri'nggaame time mbo pemenggendak konaananggen mbogut paga nen at eebe miin ngguluk-nggolak eerogo pi wambi wage, iri'ngga-kale'ngga nik yemenggerak enggela'me ndiimbu-nggwiya inom nege, eeke kagak, tahun 7 aret eeruwak o, yinuk, ari kagandak nogo ti,

Matiyut 20:15

An namendek paga niniki mba'nuk eeriyak mage nduk yagan ya? Ndi, an inabuwa nen wogorage neenok, kat kanini nen yo'negen ya? yinuk, yoreegerak.

Oroma 11:34

“Ta nen ninogoba Ala iniki mbake nogo, Neenu, mbake, Ta nen ninogoba owa'na nigaka a'nuk, yoge,