Yeremiya 18:13 - Ala Wone Peenok Peebi Mbanak

¹³ Togop me, Aliku ALA nen yegerak nogo yi aret. “It aakumi inanebunu lombok wonogwe me pegiinet nage logomenggendik, kin wogiige logonet, Kwe aap kigin waka'lek kwak Iterali nogo, Yogop eekaarak o, yinuk, it eekulik ayilik warak kagak eekaarak ti, Kit kinenggela'me yime togop eekwi ambi konenggo monggotak ilik? Yoranet nage logot o.

Yeremiya 18:13 ပူးပေါင်းရင်းမြစ်များ

Yetaya 36:22

Puk aret wonogwe iigak, aap endagembogut awi o nggwok abe wurik arum menggaarak inowe Kilikiya aput Eliyakim nogo inom, o abok inake liiru mbangga at Tebana nogo inom, aap endagembogut ake liiru mbangga Atap aput Yowa nogo inom, inayum nibinik yikko'nok, aap wim eeka inowe nen yereegerak nogo, aap endagembogut yori unggwogogwaarak.

Yetaya 66:8

Ti eekerak nogo ti, ta nen aruk konengge, Ta nen togop ariyak nogo enegen kage, Eekerak mbakop? Lek aret o! Kwe ambi aagaluk ne ambit ndake menggi kwak, o ambi ne ambit aret mi'nage, Ndi, aakumi ambi mendek nen ne ambit liingge pilak yogwe, Eeriyak op mbakop? Lek aret kwe, O Tiyon perak, yagan awo wake kagak aagalogwe ndarogo piige agaarik o,” yinuk, yegerak o.

Yeremiya 14:17

An napuri wone yoroorak nogo yi aret. Napuluk kolaga aap kigin waka'lek kwak nowe-nawot yi, inawin abu iya lombok kunik wonogwe, Inawin lek ariyak lek mendek kunik wonogwe, Eerak wonogwe iinok, Liingge-oonikiya puk aga'lek namunggut-nale kunik mban wonage agaarik o.

Yeremiya 18:14

Puut Libanon yugum yunik-lunik paga ndugu-ndugu lenggenak wonage nogo lek age, Ndi, niyo miin tu aago puut ti paga nen wambi wage nogo porok ari, Eeke menggerak mbaken? Lek aret kwe,

Yeremiya 23:14

Ndi, it an yorage neegak yoraga Yerutalem mendek inamineeri ne agan noorak mendek eerit nugwi iyareegerak ti, Aap akwe mbo punuk, ugun eerit nege menggi kwak, Ninogoba Ala o, yogwe kwe, inobaabut alik eerit nugwi, It aap maluk eeko menggaarak nogo inomaluk mbo punuk, obeelom eekwi iyo, iniki omaawi eerogo piinet nugwi, Eekwi iyareegirak mban me, It togop eerit nugwi nogo ti, o Torom kwak wonogwe, It o Yerutalem wonogwe nogo it o Nggomora mendek kwak wonogwe, Eerak aret agaarik,” yegerak o.

Yeremiya 31:4

Togop me, kolaga aap kigin waka'lek kwak kit Iterali yi wae. Aa'nduk wonogogutak kwak eerogo pinagage neenok, aa'nduk wonogogutak pogom aret arumunggup o. Ndi, aa'nduk kinalobale eekak waganggo nogogutik, Iniki ale'nggen paga kwirabik-kwirabok yogwe nogo kinom eeko nogogutak kwak ambinom eekwi,

Yeremiya 5:30

Maluk ambi mondok iya ninamineeri ne agan noorak mendek o yime agaarak nogo yi aret.

Leendawi 1:15

Nogoba nen it aap an nawuri wim eeka ninom minggirak abok aret mbo piige, An tebenogo panugo logonet, naagalogwe aap tawe lek eerogo piyaawak nduk, nawim yonggo piige, Aakumi nen anggur amburu aambiranggo mengga kwak, nogoba Ala nen o Yekura Aagalukwe Aap Kigin Waka'lek an nogo iyok aan lebenogo panege, Eereegerak o.

Oteya 6:10

It Iterali wonogwe inenggela'me time ogole warak mendek eekwi iyareegirak nogo ti, It Eparayim mendek nen kumi ya wuginakak eerit nugu mengga kwak, an mbo paninuk maluk eerit nugwi, Ndi, it Iterali inalik nen aret maluk eerogo pakwi, Eekwi ti aret o.

Amot 5:1

Kit Iterali mendek yi, wae. Kit eeppinagarak ndawi paga kinale ndawi an ari yi, kinaruk liirogon konenggo logonip o.

Amot 5:2

Kolaga aap kigin waka'lek maluk eeppogo mengga kwak it Iterali ti, Nggween paga ngginnogowaarak me, peebi mi'narugun lek aret o. It inanggween paga lombok ngginnogo mbareegwa, mbo piyareegwaarak me, Aap ambi nen it mippiyoorak lek aret o.

1 Korindut 5:1

Noreewi o. Kit kinenggela'me time kumi ugun eeginabit nogwe konenggirak me, ambi yokkira o. Aap ambi nen at ogoba akwe kagak, “Ndinggerak,” konengge nagarik, yokkiragi. Wologo wae. It aakumi Ala wone konenggulik mendek nen kit eekotak ti, it ndak-ndak abu eekulik kagak, eekotak o.

1 Tamuwen 4:7

yogwe nogo konembunuk, inagabiti nen yogo logonet, “It Iterali inagugiwak ambi inawooliya oore'nggam pi wagaarak wonage kenok, o maan nen nok-nok yogondak kuli togop eeka'lek aret wonagaarak kwe, yogondak eeke me, maluk eeppinanigin aret kogo o.