Yeremiya 17:4 - Ala Wone Peenok Peebi Mbanak

⁴ It ti eekwi paga nanini kani kunik negen eerogo panegaarak mondok-mondok wunuk ari logogin me, Yate kwak inanggween unde eeppiyareegirak nogo it eekwi paga aap alik unde eekkologwe, Inawim nen o it ineenggo'lek me time piya nanuk inayeloman eerogo piigwi, Eerugun o,” yinuk, yegerak.

Yeremiya 17:4 ပူးပေါင်းရင်းမြစ်များ

1 Endagembogut 9:7

it aap Iterali inanggween wogoragagim nogome nen kineebe lek eerogo wumbinagage, ndi, an nendage ki logorak nawi wurik leenogo pakirak yi, lek eerogo mbo pege, eerigin o. Ti eeriminggirak paga yi aakumi ndi aakumi abok aret nen it Iterali in wakkagak yogwe, inagi'ndok kanggwi, eeko logogun o.

2 Endagembogut 25:21

Piya nage mbareegi, o Kamat kota Iribala time at endagembogut nogo nen inooruwak nduk, awuri yorage mbareegi, inoorogo piyareegwaarak. It aakumi Yekura mendek inanggween paga nen keele maageren mbo piya nogogwaarak nogo ti aret o.

Nekemiya 9:28

Inagap ndako mbareegwa, iniki ugun obeelom aret wonogogwaarik, ti'nuk, kenegen keegak maluk eeko mbareegwa, inawim nen inabu'me piinok logowak nduk, ineenggime piige mbareegin, ambinom inoone nggwok paga yokkugwi iinok, kat mbogut paga nen konengge nagagindik, inabuwa nen inagap ndakak mban eeke nagagindak o.

Yetaya 14:3

It aakumi Iterali andi-pandi eeginake, Nonggop eeruwi? yinuk, iniki piirik wonogwe, inoone omaawi yorogwe iinok eerit nugwi, eekwi iinok, Aliku ALA nen iniki tayenogo piyoorak eyom ti paga

Yetaya 30:33

At aap endagembogut Atiyut mendek nogo kani kuniyak ake aa'nduk muk pipuk eerogo pereegerak wonage o. Ti eerogo pereegim nogome inikime teberogon kabunik wonage, ambe wiganak lombok wonage, Kani wurik mban yagabit aago wonage, eerak me, kani kunik kwindagala eerogo nagake menggi kwak, Aliku ALA ambe aagi nappemenggerak paga kani logonak nogo abok aret wunuk yigin o.

Yetaya 5:25

Togop aret me, Aliku ALA apuri eekwi paga anini nen mi'nage logonet inooke, Puut-puut ndipuk eeke logonet, inambebuk tu paga yumbunik-telenak eerogo pogo mengga kwak, Aakumi inowak nogo togop eerogo pege, Eeremenggerak kwe kagak, Ala anini mi'naremenggerak nogo lek arigin lek wonage aret logogin o.

Yetaya 50:11

Eya lek kenok, kani wunanggwi, Ndi wunanogo pakwi, eekwi kit perak, Kani wunanggwi, ndi wunanogo pakwi, eerumonggotak eya nogo paga eerit nogo logonip o. Ala nen eeppinagarak koonogo pereegerak nogo ti, Kit yagan wako logonet kambuurak ti aret o.

Yetaya 66:24

It ti nen wundi nogo logomenggaarik, it aap an noone eeriyak ineebi mbaka nogo inoorak inowak nggininik inigen kogo logogun o. O time ineebe inoorak waalo ninggippunuk nunggwi nogo kangga'lek ineenik mban wonogwe, ndi, ineebe kani nengge nogo noguk yaga'lek wunuk mban ari, eeke kenok, it aakumi abok aret inigen kogo logonet, inamineeri ne agan nage logogin o,” yinuk, yegerak me, abu aret yagi o.

Yeremiya 12:7

Aliku ALA nen ari logonet, “An napuri aret kwe, mbo piige, Neyate kwak unde wonage nogo teppiige, An napuri niniki kunik aret kwe, it inawim ineenggime piige, Eereegirak o.

Yeremiya 15:14

An nanini kani omoonuk wunuk ari negen inoba kwippiyaakit mbake logonet, Inawim nen o ineenggo'lek me time piya nanuk, inayeloman eeppiinok logowak nduk, eerogo piyaagin o,” yinuk, yegerak o.

Yeremiya 16:13

an nen inabuwa mbarigin lek, o yime nen wumbiinok, o ambi it inom, inombomini inom, ineenggo'lek me time mbo piyaminggirak wonogo logonet, an neegak kwe, liingge-kii'me inagugi mban mugurok nogo logogun, yegerak, yoraamunggun o,” yinuk, yo'negerak.

Yeremiya 18:23

Kaliku ALA wae. It nen nenggaawak lek eerogo panuwok nduk koonogo pit nugwi nogo abok aret kat keenu o. It maluk eeriyak koonit nugwi ti, lek eerogo piige, Inomaluk eerit nugwi keenggi linggingge nogo kobak eerogo piige, Eeriyak mage o. Ata, inenggaawak lek aruwak nduk, mbo piige, Ndi, kanini eeppiyoorak eyom ari wage kenok, kanini eeppiige, Eerumunggun o.

Yeremiya 2:14

“It Iterali ti, aakumi inayeloman mbakwi ya? Aakumi inabu'me logonet, inake eeko logorak ndarak ya? Lek kagak nonggop nduk it kugun wogo negen eerogo piinok menggaarak?

Yeremiya 21:12

Aliku ALA nen ari logonet, It Ndawut paga wiganak mendek ti, Ko'lu-kii'me kubondendok eekaatak a'me nggelok mban inowak loonggwi, It aap tebenogo piinok, inamendek kolamenggaarak ineenggime wonage nogo ndinggologwe, Eeko logowak o. Eeka'lek iinok perak, maluk eerit nogo nagaarak paga kani wunuk yinuk, noguk yega'lek yi mendek ndi mendek nenet nage menggi kwak, An nanini togop aret mi'nage logonet, eeppiinet nage logogin o.

Yeremiya 22:28

Niyoowak nggween nggabok paga ogobakkigirik telenak kenok aakumi ineebi mbakwi kwak, At Yoyakin togop aret wonage nogo lek a? At inom, at apuri inom, o ambik me it ineenggo'lek me time nonggop nduk mbo piya noorak mbakop?

Yeremiya 5:19

It inowe-inawot nen, Aliku ninogoba Ala nonggop nduk yi abok aret eeppinanege agaarik o? yinuk, yokkugwi iinok, kat nen, Lek o. Ala mbo punuk, kit kinanggween lombok paga logonet, Ala wonage kagak kwe, aap inambik inagugiwak ayuk wuko logonet, mugurok nogo nogotak ndak-ndak, yogondak togop aret kit kinanggween paga lek aakumi inambik inanggween paga logonet, inayeloman mini a'nuk inake eerit nogo logorak, yoraamunggun o,” yinuk, an yo'negerak.

Yeremiya 5:29

Ti eerit nugwi iigak, an nen onggo eeppiiga'lek teppiyoorak op mbakop? It aakumi togop mban eekwi paga nanini mbake nogo tayo yuwak nduk, eeppiyoorak lek mbakop?

Yeremiya 7:20

Yo'nege nagaarik, Aliku Itok Menggerak ALA nen yegerak nogo yi aret. “Nanini kani kunik pogom o yi paga wuppi woraminggirak paga aakumi ineebe inom, inaanggumi inom, inageyo inom, ineyabu yarak anggen mbanak inom, abok aret nenet nage logogin me, nogonogo puurak meek aret kaagun,” yegerak o.

Leendawi 1:12

“Kit aakumi tu an paga wogwe yi wae. An noba agaarak yi, meek aret nombako ogotik ya? At Aliku ALA anini kani kunik negen eeppaniyak eyom agaarak paga eeppanege kenok, yagan wake yi, It ambi nen it ambi eeppiigwi iigak, yagan wakwi ti kwak ambi wonogwe ilik, lek a? Wonogwe iyo, kinaagan-ambokan time pegiinet nugu logonet, liippiinet nugu logonip o.

Leendawi 5:2

Yate kwak ninanggween nogo aakumi inambik ineenggime age, Ninawi wurik me aap nggiru nen ye mbanggola unggwogwe, Eereegwaarak o.

Yetikiyen 21:31

An nanini nggwik togon oba pege, nanini kani kunik negen oba pege, At eebe waganogo aap inogogun mbuk aakumi ineebe lek eerogo piyoorak abu ineenu nogo ineenggime pege, Eeke neenok,

Yetikiyen 7:24

Yi aakumi ndi aakumi inanini ambik lombok wogo logomenggaarik, it aakumi Iterali ti, inawi wurik unde eekkolaawak nduk eeppiige, it inomaawi paga iniki tiyappatit nugwi nogo tebenogo piige, eeke neenok, yi o ndi o magame nogome ayuk lek aret arigin o.

Pelaareegerak 28:25

Kit nen kinawim inooriyak nduk tu ambit eeppunuk nogwe me, at Aliku ALA nen tebenogo pinagage kenok, kinawim nen kinoorit wogwe iigak, kit tu 7 paga kinalitak lombok mbaganit namunggup o. Mbaganit nogwe it yi aakumi ndi aakumi inabu'me piigo menggam o nggween paga yime menggaarak abok aret nen inigen kiigo logomenggaarik, Yi eeginakerak mbaganggwi iya, yinuk, kinabok mbanggo logogun o.