Yeremiya 17:25 - Ala Wone Peenok Peebi Mbanak

²⁵ it aap inendagembogut aap Ndawut wone lengganogo yorage nagagim kwi'naruwok nduk, o kota yi, tu unggwi wogo menggam inawuri inom eeka nogo, inom unggwi wogo logogun o. Unggwi wogo logomenggaarik, it aap inendagembogut ti inom, inawuri inom eeka aap Yekura mendek inom, it o kota Yerutalem mendek inom, unde a'nuk nggweendo paga, kuda paga, nugu logonet, o kota ti, aakumi mban yagabit aago mondok-mondok aret logogun o.

Yeremiya 17:25 ပူးပေါင်းရင်းမြစ်များ

2 Tamuwen 7:16

Obeelom eeppege logonet, apuri-ombowologwe ndaganabit nage, abu'me piige, eeke nogo ti, lek arigin lek mondok-mondok aret logogin me, at ndaremenggerak paga nen abu'me piige logowam mondok unde logowak nduk, eeppege logogin o, yinuk, at Aliku ALA nen yegerak, yori nanu o,” yinuk, yoreegerak.

2 Tamuwen 8:4

Tebenogo piinok, at Ndawut nen anggweendo wim eeka kuda nen nikkenok nega nogo seribu piginake, awuri ineegin warak kuda paga yarugu nogo menggaarak ineebe tujuh ribu piginake, ndi, it aap wim eeka iniyok paga nugu menggaarak ineebe dua puluh ribu piginake, eeke nagagerik, kuda piginabeegerak nogo, abok aret iniyok andelen inomanggen mbanogo piige logonet, eegu we 100 mban nggweendo wim eeka nigiren nugu logowak nduk, teppiyareegwaarak.

Wundeegwaarak 12:14

An eeriminggirak yi eyom paga it mondok-mondok abeko logowak nduk, leenogo pigin me, yi tahun ndi tahun paga ne yi abeko logonet, it inom, inapurilogwe-inombowologwe nda'narit namenggaarak inom, Naliku ALA nalut eeriyak nduk, inale'nggen nen laago nggwok lako logowak o.

Yetaya 9:7

At wone lengganogo yorage logowam nggwok wiganinuk nage, Aakumi inom lambunik iniki ugun tayenak wonogwe nogo lek aga'lek kundugu wonage, Eeke logogin o. At Ndawut paga wiganak aret me, At wone lengganogo yorage menggim mi'na'nuk, At abu'me piige menggim wone lengganogo yorage logogin o. At obeelom mban eeppiinet nage, a'me nggelok mban inawone mbangge, Eeke logomenggerak paga At abu'me piige menggim akom kwippiige, Omaawi nu'lek eerogo pege, Eerogo pege kenok, Mondok-mondok aret logogin o. At Omaawi Lombok Menggerak Aliku ALA nen, “Mondok eerikit aret,” mbarit unggwage me, aret eeke logogin o.

Yeremiya 13:13

kat nen it yorage logonet, At Aliku ALA yegerak nogo yi aret. Anggur amburu eno korok togon toologo wogoragaatak nenok kumili kunggo mengga kwak, it aap inendagembogut Ndawut wone lengganogo yorage nagagim kwi'ndak logonet yorogwe nogo inom, it an neebe unde inom, it aap Ala yorage kagak yoraga inom, it o Yerutalem wonogwe inom, it o yime menggaarak abok aret togop eerogo piyaagin o.

Yeremiya 22:2

At Ndawut wone lengganogo yorage nagagim logonet, wone yorage menggerak it Yekura mendek inowe endagembogut inom, at inom yabu eeka inom, it at apuri o kota tu unggwogo menggam unggwogo menggaarak inom, it abok ti, Naliku ALA nen wone ari yi konenggo logowak o.

Yeremiya 22:30

Aliku ALA nen ari logonet, “At aap ti paga wiganak inendage ambi yogwe, Ndawut wone lengganogo yorage nagagim ti paga ambi kwi'nogwe, It Yekura mendek inoweewi inendagembogut ambi ogwe, Eeko logogun lek me, At aap ti, ayome lek wubili aret wonage, At ambi eeriyak meek aret logonet kangge, Eerigin o, Yinuk, liiru mbanogo pu o,” yinuk, yegerak me, yokkigi.

Yeremiya 22:4

An nen, Yogop eeruwak ndogop eeruwak, yorage yi, liirogon aret eekwi iinok, it aap inoweewi inendagembogut Ndawut wone lengganogo yorage nagagim kwi'naruwok nduk, aap endagembogut awi o nggwok abe wurik tu unggwogo menggam ti paga unggwi wogo logonet, inawuri inom eeka inom, aakumi it inapuri abok aret inom, nggweendo paga, kuda paga, inom unggwi wogo logogun o, yinuk, yegerak kwe,

Yeremiya 25:5

Aliku ALA nen yorage kagak kit yokkirogo logonet, Aliku ALA nen yegerak nogo yi aret o. Inalitik-inalitak inobaabut maluk logonet eerit nugwi, maluk mban eerit nugwi, eeko menggaarak nogo mbo punuk, yungguk togon an nowagam wogwe iinok, an nen it inombomini inom inanggween wogoragagim time mondok-mondok logowak nduk, teppiyaagin o.

Yeremiya 33:15

Ne ti paga eerigin o, yinuk, yoragagirak ti eyom paga At ambi iniki abe koonak agarip kwak Ndawut paga ndarogo pigin o. Ndarogo piminggirak nogo nen o yime a'me nggelok mban eeppiinet nage, obeelom mban eeppiinet nage, Eeke logogin o.

Yeremiya 33:17

Aliku ALA nen ari logonet, It Iterali paga wiganak wone yorogo menggam aap alik lek Ndawut paga wiganak nogo nen mban wone lengganogo yorogwe,

Yeremiya 33:21

an nen nayeloman Ndawut nimbirak wone koonogo pugwi, it an nenggaanom paga nake eeka Lewi mendek ninom wone koonogo pugwi, eereegurak nogo lek eerogo punuk, at Ndawut wone lengganogo yorage menggim at paga wiganak lek aap alik mendek ambi nen wone lengganogo yorage logorak meek aret o.

Yeremiya 7:3

Nomaawi Lombok Minggirak Iterali inogoba Naliku Ala nen yagarak yoroorak nogo yi o. It inobaabut inom, eeko menggaarak inom, abok aret mbo punuk, alik ngget mendek ogwe iinok, o yime logorak an nen, Op aret, yoraagin kwe,

Yeremiya 7:7

aa'nduk it inombomini mondok-mondok logowak nduk, O wogoragagim yime logorak op aret o, yinuk, an yoraagin kwe,

Pelaareegerak 17:16

Aap ti, mippugwi kiinok, at nen kuda ambik unde wakkolage, ndi, Aliku ALA nen, Ne ambi paga kit o Metit yime kiniyokan woroorak mage o, yinuk, yokkiragagerak kagak, at nen kit yokkirage logonet, O Metit paga kuda kuni nanip o, yinuk, yokkirage, eeke logorak mage o.

Iberani 12:22

Kit yogondak puut alik Tiyon abu'me at eenik menggerak Ala nogo agota Yerutalem mbogut paga nogome aret ka nogogutak negen aret wonogwe o. It yi malayikat ndi malayikat nineenggi lingginiyak meek mondok iya lombok kuwak eerak logonet, inale'nggen paga eekwi ineebe inom,

1 Tamuwen 8:11

“Aap endagembogut ambi mippugwi kiinok, kinarum logonet, eeke logorak nogo ti, yi aret o. At nen kinapuri abok aret wogonake logomenggerik, wim nambuko logowak nduk, eegu nggweendo paga nogo logorak koonogo piige, eegu nggweendo peebi nage kagak, eegu iniyok paga nggare agan inaa'nduk nogo logowak nduk, koonogo piige, eegu kuda paga yarugu nogo logowak nduk koonogo piige, eerigin o.