Yeremiya 17:20 - Ala Wone Peenok Peebi Mbanak

²⁰ Eeke logomenggendik, it aakumi ti, yoroorak nogo yi aret. It tu yi paga unggwogo menggaarak aakumi Yekura inoweewi inendagembogut inom, it aakumi Yekura abok aret inom, it o Yerutalem menggaarak abok aret inom, ti, Naliku ALA nen wone ari yi, inaruk konenggo logowak o.

Yeremiya 17:20 ပူးပေါင်းရင်းမြစ်များ

Yeremiya 13:18

Aliku ALA nen an yo'nege logonet, “Kit kinanggare-nggare kinanobak paga abinakwi yirik nogo nggoorok togon wanggerak me, Wone lengganogo yorogo monggo'nom nogome nen wambi wa'nip o, Yinuk, at aap endagembogut inom, akwe kwe nggwok nogo inom, imbirak yoret o,” yinuk, yo'negerak o.

Yeremiya 17:19

Aliku ALA nen an yo'negerak nogo yi aret. “It aakumi inaru unggwogo menggam aap inendagembogut Yekura mendek yinggwi-unggwogwe eeko menggam time mi'nari nage, tu o kota Yerutalem unggwit nogo menggam abok aret mi'nari nage, eeru o.

Yeremiya 19:3

Aakumi Yekura inoweewi inendagembogut inom, it Yerutalem mendek inom, ti, Naliku ALA nen wone ari yi, inaruk konenggo logowak o. Nomaawi Lombok Minggirak Iterali inogoba Naliku an ALA nen aaninggin mondok nggwok lombok ambi o yi paga nappi woraagin me, it apit aret inaruk konembunuk, iniki mondok ma'narugun abet aret mbako logowak o.

Yeremiya 19:4

It nen an mbo paninuk, o yime inogoba an wonage neegak kugi eeko menggam eerogo punuk, inombomini inom, it Yekura inoweewi inendagembogut inom, kugi it ineenggo'lek mendek inake warogo kani kunggwi, it aap maluk eerulik ugun iigak kwe, inamiya kilirik o yime yagabit aruwak nduk, eerogo piigwi,

Yeremiya 21:11

Yorage nagagerik, ambinom yorage logonet, “Aliku ALA nen wone yegerak yi, koneninip o, yinuk, it Yekura inowe endagembogut owe-awot inom yoroorak yegerak nogo yi aret.

Yeremiya 22:2

At Ndawut wone lengganogo yorage nagagim logonet, wone yorage menggerak it Yekura mendek inowe endagembogut inom, at inom yabu eeka inom, it at apuri o kota tu unggwogo menggam unggwogo menggaarak inom, it abok ti, Naliku ALA nen wone ari yi konenggo logowak o.

Yetikiyen 2:7

It ti, an yorage eeriyak ineebi mbaka aret me, an noone inaruk koneniyak mbakwi kenok konenggwi, mbo puurak mbakwi kenok mbo pugwi, eerugun me, noone yi, yora nak mban o.

Yetikiyen 3:17

“Aakumi nen ndarak yi wae. It Iterali mendek kenegen wogonake logonok nduk kat aret mippagagirak me, noone yokkege karuk konengge logomenggendik, Aliku ALA nen ndogop yegerak o, yinuk, kurumbi yorage logomunggun o.

Oteya 5:1

Aliku ALA nen ari logonet, “It an neebe unde abok aret ti, wone yi, inaruk konenggwi, It aakumi Iterali mendek ti, yorage yi, liippugwi, Aap endagembogut akuwi-apuri inom ti, inaruk liirogon konenggwi, eeko logowak o. Keele o Mitapa paga pugwi, Puut Tabot paga towe yonggo'naruwak nduk yum mbiganogo pugwi, O Titim nggwiya wambuurak nggween ogurogon kabunggwi, Eeko mengga kwak, It ti, togop menggaarak me, Aaninggin eeppiyoorak wone yi ti, it inake aret yorage agarik o. It abok aret ti, eerit nugwi paga an nen aaninggin inoba kwippiyaagin o.

Amot 4:1

Tapi amok ambik puut Tamariya o Mbatan mendek mengga kwak kit kumi o puut Tamariya mendek kinaanogum anggen yi wae. Kit nen aakumi ineenggi lek wi-wi eerogo piigwi, It aakumi tebenak mendek meek inombako logonet, yeenggwaaraga'lek mbo piigwi, “Anggur amburu nawok nen wo'nira wa'nip o,” yinuk, kinogonggelomini yorogwe, Eeko monggotak yi, Wone yokkirage yi, kinaruk konenggo logonip o.

Mika 3:1

Ti yorage nagagirik, wone ambinom an yorage logonet, “It Yakup mendek inoweewi kit yi wae. It Iterali mendek inarum monggotak kit yi wae. Kit a'me nggelok eeko logorak kineenu ariyak op kwe,

Wayu 2:29

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o, yinuk, wone yagarak nogo abok aret at malayikat Ala apuri o Tiyatira kuwak eekwi inarum menggerak nogo nen apuri yoraawak nduk liiru mbanogo nappu o.”