Yeremiya 17:10 - Ala Wone Peenok Peebi Mbanak

¹⁰ “Naliku ALA an perak, aakumi inobaabut eeko logomenggaarak nogo ndak-ndak onggo wogorage, Ndi, eerit namenggaarak nogo ndak-ndak eeppiige, Eeke logokit nduk, It aakumi iniki koonggwi nogo liippiige, iniki mbakwi nogo inabut mbangge, eeke minggirak o,” yinuk, yegerak.

Yeremiya 17:10 ပူးပေါင်းရင်းမြစ်များ

1 Endagembogut 8:39

yi aakumi ndi aakumi abok aret iniki keenu me, kat wonage menggenom mbogut paga nen inoone karuk konembunuk, o it ninombomini logowam wogoragaginom nogome wonogo logonet, kat paga inagabiti kombako logowak nduk, it inalitak lombok iniki keenu me, maluk eeremenggaarak ti mugurok inowak loongge, inomaluk lek eerogo piige, eeke logomunggun o.

1 Mbinineegwaarak 28:9

Yorage nagagerik, aput Talomo yoge logonet, “Ndi, kat naput Talomo wae. At Aliku ALA nen yi aakumi ndi aakumi inikime maloppiige, Ndogop eerikit, koonggwi nogo, Nonggop nduk koonggwi, yinuk, eenu age, eeke menggerak me, kat nen Aliku ALA kwaake keenok, kimbirak lambunumunggun kwe, at mbo pege keenok perak, at nen kat mondok-mondok mbo pagagin o. Togop me, kogoba an nogoba Ala ti, An nogoba aret o, mbake logomenggendik, kiniki nen, Ala ake eeke logokit o, yinuk, kiniki-keebe nggaruk togon Ala wogo'nuk, ake eeke logomunggun o.

1 Mbinineegwaarak 29:17

Nogoba Ala o. Aakumi inabut mbangge, it iniki abe paga kiri wogwe iinok, kinikilom inombake, eeke menggendak neenu me, yi mendek ndi mendek kuwak eerogo pi wagarak yi, niniki abe paga ale'nggen logonet, kake pege, ndi, it aakumi kat kapuri yi kunduk, iniki ale'nggen paga inamendek kuwak eerogo pi wogwe iige nagarik, an togon niniki ale'nggen mbake, eeke agarik o.

2 Mbinineegwaarak 6:30

yi aakumi ndi aakumi abok aret iniki keenu me, kat wonage menggenom mbogut paga nen inoone karuk konembunuk, o it ninombomini logowam wogoragaginom nogome wonogo logonet, kat paga inagabiti kombako logowak nduk, it inalitak lombok iniki keenu me, maluk eeremenggaarak ti, mugurok inowak loongge, inomaluk lek eerogo piige, eeke logomunggun o.

Ayup 34:11

At Ala nogo nen Aakumi eekaatak ndak-ndak aret onggo wogorage, Inalitak lombok ineraambe mugurok onggo eeppiige, Eeke menggerak me,

Ndawi 44:21

Kat aakumi inikime kote koonggwi nogo Abok liippinanege menggendak me, Kat keenu aret logonetak nogo lek a?

Ndawi 44:22

Nit kapuri ogogurak paga Kubondendok nen nok oonikiya ari nage kagak, “Ninooremengga ilik?” mbarit nugu monggoorak. Ndomba wariyak wonok nogo mengga kwak, “Togop aret eeppiyaawok,” ninombako menggaarak.

Ndawi 62:12

Ndi ambi, Nogoba wae. “Kat aakumi inabuwa lombok mbarit nage, Eeke menggendak,” Konenggirak me, Aakumi eekaatak ndak-ndak aret Onggo eeppiige logomunggun abet mbake agarik o.

Ndawi 7:10

An nanggeemu kwak ti, Ala aret me, It iniki koonak menggaarak nogo Inagap ndake menggerak o.

Ndawi 7:9

Kiniki abe koonak Ala wae. Aakumi inabut mbangge, Inikime lombok koonggwi nogo liippiige, Eeke menggendak me, Inanini nen maluk eeko menggaarak nogo lek eerogo piige, Ndi, it obeelom eeko menggaarak nogo iniki nu'lek eerogo piige, Eeru o.

Kini Wuppiige 12:14

Aap inoone abe agan nugwi paga aakumi inale'nggen mbakwi iinok, it aret iniki ndonggo ari, Ndi, ineenggi eeppiinet nogwe paga onggo it aret inoba ari wage, Eeke menggerak.

Kini Wuppiige 17:3

Kani eyak paga mbuti perak abut mbanggwi, Kani aganggen paga mbuti emas abut mbanggwi, Eeko menggaarak kwe, Aliku ALA nen perak, Aakumi iniki abut mbangge menggerak.

Wone Alom Kibingga 9:3

Oonegen abu'me yime yi mendek ndi mendek arit nage logonet, irip paga maluk arit nage kagagirak nogo ti, yi aap ndi aap abok aret inoba ariyak ti, ambit aret. Togop tit kwe, it aap ti, inikime maluk yagabit eerak wonage, ndi, ineenik logonet iniki mbanak eeko mengga kwak eeriyak inikilom mbarit nugwi, eeko nagaatik, kambunuk nogogwam inom ari nogo menggaarak.

Yetaya 59:18

Eeke nagagerik, aakumi eereegwaarak onggo ndak-ndak eeppiinet nage logonet, awim nogo anini inoba piige, Inom ogoorak nogo eereegwaarak ndak-ndak onggo wogorage, It aakumi inawi niyo oolo ku'mbanak paga nda wonogwe nogo eereegwaarak onggo ndak-ndak eeppiige, Eerigin o.

Yeremiya 11:20

Togop eeppaniyak yagaarak kwe, eekaatak a'me nggelok eeppiige logonet, inowak loongge, Nit niniki mbakwi, Ndogop eerikit, niniki koonggwi, eekwi nogo ninabut mbangge, Eeka Komaawi Lombok Menggendak Kaliku ALA wae. Nawone amburu mbanenok nduk, neebe aret wokkigirak me, kanini nen it eeppiige keyaakit o.

Yeremiya 12:13

Naliku ALA nanini kani kunik negen inoba piige me, It an napuri nen gandum awi yumbunogo pegaarak kwe, anggen abe yege lek iri'ngga alok-palok mban lagangge, It yabu ta'liila eekaarak kwe, anggen maluk mban yege, Eeke paga Inenggali mbakak nugu agaarik o,” yinuk, yegerak o.

Yeremiya 20:12

It aakumi iniki abe koonak nogo iniki maloppiige, It inikime koonggo menggaarak nogo liippiinet unggwage, Eeke menggendak Komaawi Lombok Menggendak Kaliku ALA wae. Nawone amburu mbanogo nowak looniyak kat aret koba pereegirak me, It an eeppaniyak mbakwi ti, onggo eeppiige keyaakit mbake agarik o.

Yeremiya 21:14

At eerit nege ndak-ndak aret aaninggin oba pigin o,” yinuk, Aliku ALA nen aret yegerak me, yokkiragi o. “At agayoongga kani wuninogo piminggirak nenet nage logonet, Enaagan-ambokan yi mendek ndi mendek wonage nogo pup eerogo nenet nagin o, yinuk, yo'negerak me, yokkiragi o,” yinuk, yoragagerak.

Yeremiya 23:2

Iterali inogoba Aliku ALA nen it aap at apuri ndegeninaka yoroorak mbakerak nogo yi aret. Aliku ALA nen ari logonet, “It an nandomba liirogon ndegeninaka'lek wumbiigwi, mak eerogo piigwi, eekaarak me, maluk eekaarak onggo aaninggin inoba kwippiyaagin o,” yinuk, yegerak me, yokkiragi o.

Yeremiya 32:19

Kat eeriyak kiniki koonit nage nogo ti, abu iya o! Ndi, eerit nage menggendak kunduk nggwok lombok aret o! It aakumi inalitak lombok iniki koombunuk eerit nugwi nogo abok aret kenegen wogoren nege, it aakumi maluk eerit nugwi paga, eerit namenggaarak anggen yugu paga, onggo ndak-ndak eeppiige, eeke menggendak o.

Yetikiyen 11:5

Kage mbareegi, Aliku ALA Aberiniki noba age nagagerik, yoroorak yo'nege kagagirak nogo yi aret. “At Aliku ALA nen ari logonet, It Iterali mendek yogwe ti, an muk konenggirak o. Ndi, inikime nen koonggwi kunduk, abu iigirak kwe,

Yetikiyen 14:5

Ti eerigin nogo ti, it aakumi Iterali mendek nen yi kugi ndi kugi ambik mugurok nogo logonet, an mbo paneegwaarak nogo, iniki yungguk togon nowagam woraawak nduk, eerigin o.

Mika 7:13

Aakumi o yime menggaarak nogo nen maluk eerit nogo nogogwaarak paga o yi, o wogo aret arigin o.

Matiyut 16:27

An aap aret nda'nagagirak yi, an nogoba amindik-amendek li'luk eekko'nok, malayikat ninom wogo logomonggoorik, yi aap ndi aap eeko menggaarak onggo ndak-ndak aret wogora woraagun o.

Matiyut 6:4

Ata, aakumi inenggaanom lek me, kumaarogo wogorogo logonip o. Ndi, kote kumaarogo wogorogwe kiinok, kinogoba kote eekwi enegen kage menggerak nogo nen onggo wokkiraagin aret o, yinuk, yokkiragi o,” yoragagerak.

Yaya 2:25

It aakumi iniki mbakwi nogo ti, Yetut eenu menggerak me, aap ambit nen at ambi eeke abok paganogo at yoriyak mondok lek aret o.

Nappiigak 1:24

eeppogo nogogwaarik, tamban eeko logonet, “Ninogoba o. Yi aakumi ndi aakumi iniki mbakwi abok keenu me, at Yurat ninom kat keyabu eerit nugu logowok nduk leenogo pinaneegindak kwe, teppinaninuk at noorak miikkolagagim nogome aret nagaarak me, it aap mbere punogo pigoorak yi, at obaane'me mippuurak koonogo pegendak nogo, yo'niret o,” yinuk,

Oroma 6:21

“Nit maluk eeko nogogurak ti paga ninagabiti o,” yinuk, yogondak kit yogwe nogo ti, eerit nogo logonet, irip paga obeelom ambi ngge eekkologo nogogutak? Lek aret o. Ti abok aret eerit nogo nogogutak paga kanggo nogogutak.

Oroma 8:27

Aberiniki nogo nen Ala iniki mbake mugurok at apuri alik leenak inake tamban eeke menggerak me, aakumi iniki liippiige menggerak Ala nogo nen Aberiniki mbake nogo eenu aret o.

Wayu 2:23

Kwe ti, aagalogwe nogo abok aret inoorit nage neenok, it an napuri yi awi ndi awi kuwak eeko menggaarak nogo abok nen, Nit niniki mbakwi inom, niniki koombunuk eerit nogwe inom, abok aret liippinaninuk onggo ndak-ndak wo'nirage menggerak ti, at aret kogo o, yinuk, an neebe ineenu arugun o.

Wayu 20:12

Lek age mbaki, it aap inendage lek inendage warak kambeegwaarak inom, it niyo nen ndonggoninabeegerak niyo yenggenak laut inikime wonogwe inom, kambit nogogwaarak kambunuk nogo menggam wonogwe nogo inom, abok aret, wone lengganogo yorage menggim eyo nggwok ogobakkigirik yanggwi lombok lan ari nogo paga aap ambi kwi'ndak wonage nogo, owagam mi'nari wogo mbaka, at eyo ndoonak paga kwi'ndak wonage nogo nen it inalitik-inalitak eeko nogogwaarak inom, aakumi mondok-mondok ineenik aganaburak inendage inom, mbuku alitak paga mbanak wonage me, imbirak waganogo piingge nagaarik, it kangga'lek ineenik logonet eeko nogogwaarak liiru mbanak nogo pekkagak inowak loonogo onggo ndak-ndak eeppiige kagarak.

Wayu 22:12

Yo'nege kage nagarik, at Yetut nen, “O maan aa'nduk togon wonagagirak alom Alpa inom, peebi irip paga mondok logorak Omega inom, ti an mban aret me, an logonuk lek mbet-mbet wage logominggirik, yi aap ndi aap eeko logomenggaarak paga onggo wogoroorak mbakirak nogo inalitik-inalitak ndak-ndak wogora woraagin me, liippogo logowak o,” yinuk, yo'nege kagarak.

1 Tamuwen 16:7

Aliku ALA nen Tamuwen yoge, “An nen aap ti, miirulik me, kat nen aap etenggen inom, eebe nggorek paga inom, liippunuk, mippugun o. An liippege minggirak nogo ti, aakumi nen liippiigo menggaarak ndak-ndak lek o. It aakumi nen ineebe paga liippiigo menggaarak kwe, an perak, aakumi inikime lombok liippiige minggirak o,” yoreegerak.