Yeremiya 16:8 - Ala Wone Peenok Peebi Mbanak

^8-9 At Omaawi Lombok Menggerak Iterali inogoba Aliku Ala nen yegerak nogo yi aret. “Kat awo wonage keegak kenggaanom paga it aakumi inale'nggen nen agan nugwi, inale'nggen inikime nggelok ari logonet, i'ndok wone mban agan nugwi, eekwi nogo lek eerogo pege, o yime kumi-aap lambumbiigwi me, inale'nggen nen ndawi lubuk warit nugwi nogo lek eerogo pege, eerigin me, it aakumi iniki ale'nggen nen laago lappunuk nunggwi me, kat unggwi nage logomenggendik, kinom kwi'na'nuk mbi nengge, niyo nengge, eeriyak mage o.

Yeremiya 16:8 ပူးပေါင်းရင်းမြစ်များ

Ndawi 26:4

It aap inambokan lagangga ninom kwi'nage, Iniki mbere ninom wone koongge,

Yeremiya 15:17

It aakumi kuwak a'nuk inagi'ndok kambuurak agan nogo logonet, ugun-ugun eekwi, Wone i'ndok kambuurak mban yogwe, Eekwi me time An ninom kwi'nageelik o. Ata, koone eeke logokit nduk, keenggi pi'nake, It eekwi ti mendek neebi lombok mbarikit nduk, eeppanege, Eekendak paga Nalik mbeyok togon aret kwi'narit nege minggirak kwe,

Matiyut 24:38

Niyo nggwok ne ambit kilak togon awo yenggenit lagangga'lek kagak, it aakumi nen mbi nunggwi, amburu nunggwi, aap nen kumi kologwe, kumi nen aap kologwe, eerit nugwi tit iigak, at Nu yiiro wurik me unggwagagerak.

1 Korindut 5:11

An liiru mbanggiragagirak nogo ti, it nen, “Nit abok Ala apuri aret,” mba'nuk, “Ninoreewi o,” yokkirogo logonet kwe, kumi paga mban iniki lunik logonet, eeginabit nugwi, uugwe-uugwe mbakwi, kugiwak amili kunggwi, aakumi inabok mbanggwi, amburu nonggo nagaatik, kumili negen agan nugwi, yogoot waganggwi, eekwi iinok ti, “Kinom lambunik logorak lek o. Ndi, mbi makkirogwe iinok kunduk, noorak abu lek o,” yinuk, mbanggiragagirak.

Epetut 5:11

It aap o apit paga logonet, obeelom ambi eekkoloorak lek kagak eerit nogo menggaarak nogo, kinom lambumbunuk eerit nagup o. Ata, it kote eeko menggaarak inabok mbininiyak kineebi mbakwi kwe kagak, nggwok paga aret inenggali wappiigo logonip.