Yeremiya 16:7 - Ala Wone Peenok Peebi Mbanak

⁷ Ndi, kambemenggaarak tabun ndoombunuk inale yogwe me, iniki eyak wappiyaawak nduk, mbi worarogo wogora nogwe, yi toologo ira nogwe, eeko logogun lek mban aret o. Inagalo a, inogoba a, kambemenggaarak kunduk inale yogwe iigak kwe, iniki eyak wappiyoorak lek mbo aret piyaagun o,” yinuk, yegerak.

Yeremiya 16:7 ပူးပေါင်းရင်းမြစ်များ

Ayup 42:11

Wogoge mbareegi, at oreewi-iriwi inom, it aa'nduk inom wonagagerak inom, abok aret ka wogo nogogwaarik, at ame inom laago lako logonet, iniki eyak wappugwi, Aliku ALA nen aaninggin oba pereegerak kenok iniki ale'nggen eeppugwi, inalitak lombok nen inawu mbuti perak mendek wogogwi, mbuti emas paga ogobakkigirik ogobak ayo inom, aruk ayo inom, nogo wogogwi, eereegwaarak.

Wone Alom Kibingga 4:1

Kage nagagirik, oonegen abu'me aakumi abok tebembiinok wonogwe nogo iyareegirak. It tebenak wonogwe nogo nen le yogwe iigak, iniki eyak wappiiga'lek wonogwe, It aap tebenogo piiga nogo inomaawi ambik wonogwe iigak, it tebenak mendek nogo iniki eyak wappiiga'lek wonogwe, Eekwi iyareegirak o.

Yeremiya 22:10

Kit aap Yekura mendek yi wae. At Aliku ALA nen ari logonet, “Aap ogoba obaane'me o Yekura inowe endagembogut logowak nduk, mippereegwaarak kwe, o yi mbo punuk, wonok pi nogogwaarak Yotiya aput Talum eeriyak nogo ti, at iyokan wage, o yi enegen ambinom kage, eerigin lek keele maarogo pi nawam time aret kambigin,” yegerak me, Aap endagembogut kanggerak ti, ale yogwe, Ninowe endagembogut nogo kanggi o, yinuk, tabun ndoombunuk, aleenggu maakwi, Eerugwaarik o. Ata, at aput keele maa'nuk namenggaarak nogo time nen iyokan wage, Ndi, at awi alom paga enegen kage, Eerigin lek me, Kiniki wakkologo logonet, ale yogo logomunggup o, yinuk, yokkiragi o.

Leendawi 1:9

Omaluk nogo ayum irip paga lenggenak wonage, “Peebi ndogop eeppaniyak,” iniki liippega'lek wonage, Eereegerak me, At tebenogo pereegwaarak nogo ti, mondok iya aret o! It ambi nen iniki eyak wappega'lek aret wonogogwaarak me, “Kaliku ALA wae. Nawim ineegin tiyak yegerak paga eerogo panugwi yi, kenegen pe'neyet o,” yinuk, yoge agaarik o.

Yetikiyen 24:17

Waminggirak kangge kenok, aleendawi tiyaniyak mage o. Ata, koone mbabok mban kiniki wakkolage logonet, kayum kanobak paga lenggenak mban wonage, kiyogogut yirik mban wonage, eerak logot o. Ketenggen nobakkolage, tabun ndoombunuk inambi larogo nunggwi nogo kat nengge, eeriyak mage o,” yinuk, an yo'nereegerak.

Oteya 9:4

Kit o time logonet, Aliku ALA ake anggur amburu kilirogo pumunggup lek o. Ndi, at ake warogo wogogwi nogo kunduk, ale'nggen nen waagin lek mban. Ake warogo wogorumunggup ti, aakumi kanggwi iinok, inabugo laago larogo nonggo mengga kwak aret me, Nunggwi kiinok, maluk eerogo patumunggup o. Kit at ake pi wogwe nogo, at waagin lek kit kinalik kinake aret me, Aliku ALA awi wurik me pi unggugup o.