Yeremiya 15:8 - Ala Wone Peenok Peebi Mbanak

⁸ Mbini niyo aa'nggi paga wonage ti nggwok aret kwe, Kumi togwe nggininik inenggela'me mondok alik negen eerogo piige, Inagalomini iniki wakkolaawak nduk, wologwe awo tawe inoori woroorak o liingge-liingge nappi wage, Iniki ma'nage, inamineeri ne agan nage, eeruwak nduk, aberak lek me, maluk inoba kwippiige, Eerigin o.

Yeremiya 15:8 ပူးပေါင်းရင်းမြစ်များ

Yetaya 3:25

Kinawuri nogo wooluwak nen nengge, Kinapuri aap wakaa'ngget wim nambuko logonet inookwi, Eerugun me,

Yetaya 3:26

O Tiyon tu unggwogo menggam nen inerabun ndoongge, inale'nggup maake, Ndi, kumi inakom kin kenok, yinduk-wanduk nggween paga kwi'nogo mengga kwak, o kota ti togop aret age, Eerigin o.

Yetaya 4:1

Ne ti eyom paga kumi ineebe 7 nen aap ambit-ambi ineenggi pippunuk, yogo logonet, “Nit ninogonggelomini lek me, ninenggali mbakak nugwi nogo lek aruwak nduk, kat nen, An nakuwi kit aret, yo'niret o. Yo'nirage keenok, ninambi noorak inom, ninayum yikkoloorak inom, ti, ninalik ninobaalombok nen aret kwaakkologo logogun o,” yinuk, yogo logogun o.

Yeremiya 16:3

O yime wologwe-komologwe ndarak inom, inagalomini-inogobamini inom, eeppiyoorak Aliku ALA nen yegerak nogo yi aret.

Yeremiya 18:21

Togop me, it aap ti, inapurilogwe mbi abu nen kanggwi, Wooluwak paga ndanuk togon inookwi iinok kanggwi, It inakuwi ti, inaagalogwe kobak ogwe, it kumi togwe aret ogwe, It mendek inowe-inawot aap nogo kugi andi nen kambit nogwe, Inawuri nogo wim eeko logonet, maale paga inoorak kambit nogwe, Eeruwak nduk eeppiyet o.

Yeremiya 22:7

It aap o minogo pega nen o minogo pegak yi mendek ndi mendek ineenggime lombok logonet, Minogo puwak nduk, nappiya woraagin o. Nappiya woraminggirak woraanuk, eyo nggabina abu abe poorak paga wurik at ti, Minogo kani kunik me mbo mambugun o.

Yeremiya 4:16

Aliku ALA nen ari logonet, “Wone yi, it yi aakumi ndi aakumi yorage, It kota Yerutalem wonogwe nogo yorage, Eeke logorak nogo yi aret. At kota Yerutalem nen, Ala yo'nege nogo eeriyak neebi o, yinuk, an mbo paneegerak me, Yerutalem oonda mbaniyak aap wim eeka o nda nen wogwe, It Yekura inawi kota-kota tebenogo piyaawok nduk, Nawim yi o, yinuk, nggomookwi, Eeppunuk, Aap ambi eyabu yarak anggen mbaniyak arum wake menggi kwak, at aret wakkunggo agaarik o,” yinuk, yegerak o.

Yeremiya 5:6

Togop me, it Ala wone taganogo punuk, alik lombok eerit nugwi, Tu abe kagak alik paga nomo agan nogo logonet, maluk alik negen eekwi, Eekwi iinok, Singa negen eyonggaame nen wundi wage logomenggerik, ineebe inoorogo piige, Nggeewo owo negen karume nen wundi wa'nuk ineebe nibinogo nengge, Aakumi wundi wogwe iyo, inoorogo ineebe nibinogo pegak nawok nduk, Nggeewo kwak ineeruwak yabenggek-ndabenggek aago nen inawi kota-kota inigen wo yagak nugwi, Eerugun o.

Yeremiya 6:26

Nawuri yi wae. Ninooriyak nduk yini-panip ninoba kwi'narigin me, aap ambi apuluk ambolom ndarak kangge kenok, ale yimbegeelik-mbambegeelik ari menggi kwak, Kinayum nibinik maluk mendek yikkologwe, Wun paga lagak-mbagak yogwe, Kiniki puru yinuk, kinale yikkologwe, Eeko logonip o.

Leendawi 5:3

Nit ninogobamini lek moono aret wonogwe, Ninagalomini nogo nanu pugu aret wonogwe, Eerak aret ogoorik o.

Yetikiyen 22:25

It aakumi inoweewi nagawan o time wonogwe nogo nen iniki ambit eeppunuk koonggo logonet, singa nen at noorak tebembunuk nibinogo nengge logonet, oone maluk ndi wuke menggi kwak, it aakumi inambeme yonggorinakwi, yi mendek ndi mendek onggo nggwok inom, iniki kundugu inom, ndinggologwe, eekwi paga o time it kumi nanu ambik eerogo piigo agaarik o.

Oteya 4:5

It nen o liingge paga, oonikiya paga, iniyogobit lik togon wanggwi, Ndi, aap an Ala nen yorage neegak yoraga nogo kunduk, inom iniyogobit lik togon wanggwi, Eekwi me, It inagalo Iterali ti, lek eerogo pigin o.