Yeremiya 15:7 - Ala Wone Peenok Peebi Mbanak

⁷ Aliku ALA nen ari logonet, “Iri'ngga ameneno wiya nen wonok nawak nduk yumbunogo nippogo mengga kwak, O it wonogwe me kota-kota togop aret eeginake, An napuri inobaabut alik aga'lek maluk kunik mban eekwi me, ineebe lek eerogo piige, It inapuri kambuwak nduk, eeppiige,

Yeremiya 15:7 ပူးပေါင်းရင်းမြစ်များ

Ndawi 1:4

It aap maluk eeka ti togop lek o. O wiya nen wiiri anggen wonok nage menggi kwak It aap ti togop aret wonogwe o.

Yetaya 41:16

Ameneno wambit nage kenok, o wiya nen wonok nage, Wiya omaawi nabuninuk wage logonet, ameneno wonok nggarek ari, Eeke menggi kwak Togop aret eerogo piyaamunggup kwe, kit perak, Naliku ALA eeppinagage paga kinale'nggen nggwok nombakwi, An Kikak Nakeelik Nalik Leenak kinogoba nendage tiyappanugwi, Eeko logomunggup o,” yinuk, yorage kagarak o.

Yetaya 9:12

It oonegen lagi wage menggim pa'nggwe wonogwe aap Tiriya inom, It oonegen kilu yi nage menggim pa'nggwe wonogwe aap Pilitin mendek inom, nen It Iterali mendek inambeme yonggorinabeegwaarak kwe, At anini inombake nogo lek aga'lek ambinom inoba pikit nduk, “Ndime eeri nanip o,” yinuk, eenggi titik irage agaarik o.

Yetaya 9:13

Togop eeginabeegerak kwe, It aakumi ti nen iniki wakko'nok at inomaluk onggo eeppiiga nogo owagam wogwe, At Omaawi Lombok Menggerak Aliku ALA mugurok wogwe, Eeka'lek aret wonogo agaarik o.

Yeremiya 18:21

Togop me, it aap ti, inapurilogwe mbi abu nen kanggwi, Wooluwak paga ndanuk togon inookwi iinok kanggwi, It inakuwi ti, inaagalogwe kobak ogwe, it kumi togwe aret ogwe, It mendek inowe-inawot aap nogo kugi andi nen kambit nogwe, Inawuri nogo wim eeko logonet, maale paga inoorak kambit nogwe, Eeruwak nduk eeppiyet o.

Yeremiya 5:3

Kaliku nogoba ALA o! It aap iniki abu koonak logonet, li'lak eeko menggaarak nogo kenegen pegiinet nage menggendak nogo lek a? Yawi paga inookendak kwe, it nen andi kogwe, Aan lebenogo piigendak kwe, iniki koonnage, Eeka'lek aret agaarik o. It inanobak yugum pogom eeppatinuk, “Ninomaluk mbo puurak, Nineebi,” mba'nuk agaarik o.

Yeremiya 51:2

Gandum ameneno wiya nen wonok nawak nduk, yumbunogo nippugwi kwak, o Mbaben togop aret eerogo pugwi, Aakumi o time wonogwe nogo mondok pup eerogo piigwi, Eeruwak nduk, O Mbaben aaninggin oba puurak eyom paga aap inambik nappiya woraminggirak wogo logomenggaarik, Wakkumbunuk, agi-ogu nen, aru-ogwe nen, oonda mbanit unggwogo logonet, abok pup eerogo pogo logogun o.

Yeremiya 9:21

Nineebe kambuurak ninawi wurik pugagi ambe mbanak me nen muk unggwi wage, Ninawi nggwok abe wurik kagak unggwi wage, Eeke logonet, Elege-aabologwe tu paga nugwi nogo inoorogo piinet nage, Wologwe tawe o kota-kota nugwi nogo ambeme yonggorinabit nage, Eekerak o.

Yetikiyen 24:25

“Yoranu o,” yo'nege nagagerik, an yo'nege logonet, “Aakumi nen ndarak yi wae. It inom, inapuri wologwe komologwe inom, nen iniki kundugu eekwi, pekkogo logonet iniki aganggen kerek ari, iniki ale'nggen mbako logonet tiyappugwi, Ninomaawi logorak yi aret o, yinuk, yogwe, eekwi nogo, an nen lek eerogo pege eyom paga

Yetikiyen 36:12

It aakumi an napuri Iterali ti, puut-puut ti paga nugwi-wugwi, at paga unde eeppatinuk wonogwe, it ineyate kwak aret age, eeruwak nduk, eerogo pigin me, at paga logonet, nda'naremenggaarak nogo, at puut-puut nen ambinom lek eerogo piige logogin lek aret, yegerak me, yokkiragi.

Takariya 1:4

It aap an Ala nen yorage neegak yoraga nen aa'nduk togon it kombomini yorogo logonet, At Omaawi Lombok Menggerak Aliku ALA nen, Ineraambe maluk menggaarak inom, maluk eerit nugu menggaarak inom, mbo punuk, an mu'neren woraawak, yegerak o, yinuk, yorogo nogogwaarak kwe, it nen an noone inaruk konenggwi, liippugwi, eeriyak ineebi mbako nogogwa kwak, it togop eeko logogwaarik o, yinuk, Naliku ALA nen aret yagi o.

Matiyut 3:12

Gandum anggen ndegeniyak nduk, tenggap at eenggime porogo wonage me, ndegengge menggim abu ndegembunuk, eebe kenok, kuwak eerogo tilaabaga pege, ndi, ameneno kenok, kani noguk ariilik wunuk mban ari menggim nappege, eerigin o,” yinuk, yoragagerak.

Pelaareegerak 28:18

Kinakuwi elege ndaganako menggam pulunogo piige, yi awi ndi awi yarumonggotak pulunogo pege, kinaanggumi lembu-tapi inom, kambin-ndomba inom, inaagalogwe maluk nda'naruwak nduk pulunogo piige,

Pelaareegerak 28:32

Kinapuri wologwe inom, komologwe inom, ndinogo aakumi inanebunu alik mendek wogoramenggaarak wogoret namenggaarak nogo, Wogwe iyaamun ilik, lek a, yinuk, kiniki lunik logonet, ko'lu-kii'me kinigen tu ndogome logomonggotak kwe, waga'lek iinok, kit nen ambi eeriyak meek aret kaamunggup o.

Pelaareegerak 28:41

kinapuri wologwe inom, komologwe inom, apit aret ndaganabumonggotak kwe, aakumi alik nen ndiniren nogo logogun me, kit kinapuri kinom lek aret wonogwe,