Yeremiya 15:5 - Ala Wone Peenok Peebi Mbanak

⁵ At Yerutalem ti, ta nen at abuwa mbake, At le ari me, ta imbirak le ari, Eebe op wonage ilik, lek a, yinuk, ta nen at kin wokkage, Eerigin mbaken? Lek aret o.

Yeremiya 15:5 ပူးပေါင်းရင်းမြစ်များ

Ayup 19:21

Togop aret me, noreewi yi wae. Ala nen yombak togon nookerak me, nabuwa nombakwi, narigi mbakwi, Ee'nip o.

Ndawi 69:20

Meek mban eerogo panugwi ti paga nen niniki wakkolage, Niniki abu lek ee'nake, Eeke kenok, Nabuwa nombaruwak nduk toorinakitak kwe, Nabuwa mbaka'lek aret wonogwe, Niniki eyak wappani woraawak lak, “Ao,” mbakitak kwe, Niniki eyak wappani waga'lek aret wonogwe, Eeko logonet,

Wundeegwaarak 18:7

Owagam wogo mbareegwa, at Muta nogo awooliyana nen wundi nage nagagerik, Yitoro abu'me tebe yinuk, keyage warogo inagandin eyak mbambiinok, it inalitak lombok ineebe nonggop wonogwe nogo kin wogiinok awooliyana nogome wogoren unggwi wagagerak.

Yetaya 51:19

Alom mbere eekkakerak ti paga kiniki aaninggin keenok, ta nen kiniki eyak wappagarak mbaken? Keebe nogo maluk eerogo pagagwi, yigirogo pagagwi, Ndi, mbi noogelo koba age, wooluwak paga keebe kookwi, Eereegwaarak nogo Aap ta nen kiniki kwippagagin mbaken?

Yeremiya 13:14

Anggur amburu toolak ambi waganogo, anggur amburu toolak ambi paga yigirogo pogo mengga kwak, inogobamini inapuri ineebe paga yigirogo piige, inapuri inogobamini ineebe paga yigirogo piige, eerigin o. Inabuwa mbake, inabuwa nen teppiige, niniki yanggo yinuk, inomaluk mbo piige, eerigin mondok lek inenggaawak abu lek eerogo piyaagin o, yinuk, yoret,” yegerak me, yokkiragi o.

Yeremiya 16:5

Aliku ALA nen yegerak nogo yi aret. “An napuri yi, nale'nggen inoba piige nogo ndinogo wagangge, ninom kunik logonet, obeelom eeppiige nogo kuli aret pege, ndi, inabuwa mbake nogo inabuwa mbaka'lek mbo piige, eekirak me, it aakumi kambemenggaarak tabun ndoombunuk wonogwe me, iniya unggwage, inale yi nage, inabuwa mbake, eeriyak mage o,” yinuk, Aliku ALA nen aret yegerak o.

Yeremiya 21:7

Aliku ALA nen ari logonet, Ti eeke logominggirik, it Yekura inowe endagembogut Terekiya inom, aap endagembogut awuri inom, it aakumi kugilengga paga kanggwi, wooluwak paga warak kanggwi, mbi noogelo paga kanggwi, eeka'lek teppiyamenggerak it o kota yime menggaarak inom, nogo waganogo aap Mbaben inowe endagembogut Nebukanetat inom, it inooriyak eekwi inawim nogo inom, ineenggime piyaminggirak at aap endagembogut ti nen inabuwa mbake, ambi teppiige, obeelom eeppiige, eerigin mondok lek abok aret inoorogo piyaagin, yegerak, yori nabagip nduk, yokkiragi o.

Leendawi 1:17

“Yeenggwa niruwak o,” yinuk, o Tiyon nen eenggi ndek ari kwe, it ambi nen at iniki eyak wappega'lek aret agaarik o. It Yakup paga wiganak inom koorok wonogwe nogo nen, inom ogookkolaawak nduk, Aliku ALA nen wone lengganogo yoragagerak me, “Kota Yerutalem ninenggela'me wonage ti, ogole warak aret o,” yinuk, yogo agaarik o.

Nakum 3:7

Kat togop aago wonage keenok, aakumi abok aret kat mbo paganuk kole mbaganggo logonet, O kota Niniwe nogo, muk maluk agaarak me, ta nen aleenggu maarigin o? yinuk, yugun me, Kiniki eyak wappagawak nduk, aap ngga nen kwaarogo nappiya woraagin, mbaken? Lek aret o,” yinuk, yokkege kagarak me, yagi o.

Owak Loongga 18:15

Yorogo nogogwaarik, aap Mika ame taa'nogo ari nanuk, aap tawe Lewi mendek nogo, “Keebe op aret wonage me wa,” yo'nuk,

1 Tamuwen 10:4

it nen keyage wappaganuk, oroti mbere wokkugwi iinok, ti aret kolaamunggun o.

1 Tamuwen 17:22

Iige nagagerik, at Ndawut nen yi mendek ndi mendek wonok nagagerak nogo, it ineegin warak inamendek arum wonage me nogome pege nagagerik, at owewologwe wim nambukwi me nogome mbe agan nage nagagerik, owewologwe keyage wappiyareegerak.

1 Tamuwen 25:5

wologwe tawe ineebe 10 o Karemen time nappiyaakit nduk, wone yorage logonet, “Kit aap Naban o Karemen wonage me nogo logomonggotik, yoriyak nogo yi o. At Ndawut nen, Wa, yokkege agaarik o.