Yeremiya 15:19 - Ala Wone Peenok Peebi Mbanak

¹⁹ Yoge mbaki, at Aliku ALA nen yo'negerak nogo yi aret. “Kat komaluk mbo punuk, kiyokan yungguninuk neya wage keenok, Aa'nduk eeke nagandak kwak eerogo pagage neenok, nake eerit nage logonok nduk eeppagage, Ndi, koone abe lek ugun-ugun agan nage nogo mbo punuk, wone abe mendek mban agan nage keenok, An ari neegak yoraga mendek eerogo pagage, Eerigin o. Kat nen it iya nagak eerugun o. Ata, it nen mban kat keya wagak eeko logowak o.

Yeremiya 15:19 ပူးပေါင်းရင်းမြစ်များ

1 Endagembogut 17:1

Aap awi o Nggileyat yaga'lelo Titebe mendek Eliya nogo nen aap Akap yoge logonet, “An yaga'lek neegak yi tahun ndi tahun paga mayu wage, miinanggen luurogo pege, eeka'lek aret kaamunggun o, yinuk, at ake eeke minggirak Aliku Iterali inogoba Ala eenik menggerak endage kumbunuk, yokkigi o,” yoreegerak

Wundeegwaarak 4:12

Togop aret me, wone yoroorak nogo an nen wone koonogo yokkege, mamunggege, eeke neegak, yorage logonok nduk nak o.”

Kini Wuppiige 22:29

Aap ambi eenggi amburu paga yabu eerit nage kenok, waganggwi nogo kenegen kage menggendak ilik lek a? At aap ti, aap inendage lek mendek inake eerit nage logogin lek o. Ata, aap inendagembogut inake eerit nage logogin aret o.

Yeremiya 1:9

Yo'nege nagagerik, Aliku ALA nen eenggi nappi wa'nuk nambe mbaanggage logonet, “An noone yoranet nage logonok nduk, kinikime pigi o.

Yeremiya 15:1

Yoge mbaki, Aliku ALA nen an yo'nege logonet, “It Muta Temuwen imbirak kunduk nenggaanom paga mi'na'nuk, It aakumi yi, inabuwa mbaru o, yo'neremenggaarak kwe, an nen, It aakumi yi, inabuwa mbarigin mondok lek o, yoraagin me, kat nen it yi, an wonage me nen nawak nduk wumbiyet o.

Yeremiya 20:9

Togop kwe, an niniki mbake logonet, At Ala endage ambinom kungge, Ala yo'nege kagak yokkiragi o, yinuk, ambinom yorage, Eerigin lek o, mbake paga Koone yorage logorak ninikime kani wuninik kwak nowak enoona nenet unggwage, Yoraga'lek wone nggerembunuk, porogo wonage, Eeke paga Neebe abu ndeyak lombok ee'nake me, puk logorak meek ee'nake o.

Yeremiya 35:19

aap Erekap aput Yonarap paga wiganak nen it nake eekwi nogo, ineebe lek arugun lek mondok-mondok ambi mi'nagak ambi mi'nagak eeko logogun o, yinuk, At Omaawi Lombok Menggerak Iterali inogoba Aliku Ala nen yegerak me, yokkiragi o,” yinuk, yoragagirak.

Yeremiya 4:1

At Aliku ALA nen ari logonet, “It Iterali ti, yungguk togon nowagam woroorak mbakwi iinok, neya woraawak o. Inagugi ogut aago ogole warak ti, nenegen kage neyo, mbo pugwi, Iniki mbere lek ambit eeppunuk wonogwe,

Yeremiya 6:29

Mbuti worako logonet, kani eyak nen mbuti enggela'me mili leennaruwak nduk, Oone puubu ari kagak worako mengga kwak eeginake minggirak kwe, It aap maluk eeka nogo ineebe leennage lek initok wonogwe me, we aanom warogo eeginake minggirak.

Leendawi 1:11

At aagalogwe time menggaarak abok nen mbi kwaarit nugu logonet, “Ai-ao,” yogwe, Kangga'lek ineenik logowok nduk inamendek onggo iya mendek paga mbi kunggologwe, Eeko agaarik o. Eekwi me, “Kaliku ALA wae. Aakumi nen, Ogole o, yinuk, yo'nugwi yi, kenegen pe'neege, liippanege, Eeke logot o.” Yinuk, yoge agaarik o.

Yetikiyen 2:7

It ti, an yorage eeriyak ineebi mbaka aret me, an noone inaruk koneniyak mbakwi kenok konenggwi, mbo puurak mbakwi kenok mbo pugwi, eerugun me, noone yi, yora nak mban o.

Yetikiyen 22:26

It aap an neebe unde o time wonogwe nogo nen an noone yugu liiru mbanak nogo meek eerogo pogo logonet, ugun taganogo pit nogwe, nake alik leenak namendek nogo maluk eerogo pugwi, eeko logonet, Yi mage o, yi eeriyak o, yugu nogo yelok kaga'lek ugun eerit nugwi, Yi ogole warak o, Yi ogole warak lek abe o, yinuk, yogwe nogo, Ti alik lek ambit aret o, yinuk, mamuninabit nogwe, nogo 6 yippunuk, ko'lu paga yonggonggologo logorak leenogo pereegirak kagak eekwi iigak, inigen iyoolik yuwak puk wonogwe, eekwi paga it inenggela'me an nendage nogo ayuk lek aret agagerak o.

Yetikiyen 44:23

It nen yi mendek ndi mendek eraambe liippogo logonet, Ambi ti, Ala ake eekak yuurak leenak kagi. Ambi yi, we ugun eekak yuurak ake kagi, yuwak nduk, napuri mamunirogwe, Ambi eeriyak mage aret kagi. Ndi, ambi eeriyak op aret kagi, yinuk, yelok kaawak nduk yorogwe, eeko logowak o.

Ala Unde 10:10

Kit nen eraambe liippogo logonet, Ambi yi Ala ake eekak yuurak leenak kagi. Ambi yi we ugun eekak yuurak ake kagi. Ambi eeriyak mage aret kagi. Ndi, ambi eeriyak op aret kagi, mba'nuk, liippogo logonip o.

Yunut 3:2

Yoge logonet, “Kat o kota nggwok Niniwe time nage logomenggendik, It ndogop yoret o, yokkege nogo, koone nggwok paga yoraamunggun o.”

Takariya 3:7

“At Omaawi Lombok Menggerak Aliku ALA nen yegerak nogo yokkiri o. An nen eeriyak at yoge nogo ndak-ndak eerit nage, ndi, nake eeke logonet, Yogop eeke logot o, yinuk, yorage nogo, at ndak-ndak eeke, eeke kenok, an nawi wurik me unde wonage, an nawi wurik oore'nggam eekwi nogo inarum wonage, eeke logogin o. Ndi, it an nake eekwi nowagam mi'ndak wonogwe yi, at inom nake eeke logowak nduk, mippigin o.

Lukat 1:19

Yoge mbareegi, malayikat nogo nen, “Ala ake eeke minggirak Nggabiriyen nogo an aret me, wone obeelom wone yi, wonok, Yori nak o, yo'nege mbaki, yokkiri wagi o.

Lukat 10:16

Yorage nagagerik, at oone waganggwi mendek ambinom yorage logonet, “It aakumi kit kinoone konenggwi kenok ti, an noone aret konenggwi, kit mbo pinagagwi kenok ti, an aret mbo panugwi, ndi, it nen an mbo panugwi kenok ti, at nappani wagagerak nogo aret mbo pugwi, eeko menggaarak aret o,” yinuk, yorage nagagerik, nappiyareegerak.

Lukat 12:12

Ti eyom paga wone yoroorak nduk, Aberiniki nen, Ndogop yoret o, yinuk, yokkirage kaamunggup o,” yoragagerak.

Lukat 21:36

Ti eekkinaburak nogo kinomaawi togon kinogogumbuk logonet, waganggo logomonggotik, an aap aret nda'nagagirak nenggaanom paga mi'narubagip nduk, tamban mban eeko logonet, kiniki tum wakkologo logonip o,” yinuk, yoragagerak.

2 Korindut 5:16

Togop me, it aakumi abe iinok mban yorogo mengga kwak, nit togop yorogo logogun lek o. It aakumi nen, “Keritut ndogop o,” yinuk, liippunuk, yogo nogogwa kwak, nit aa'nduk togop aret yogo nogogurak kwe, yogondak nit togop yogwe lek o.

Nggalatiya 1:10

An yokkirage ti, aakumi inikilom nombaruwak nduk ari ilik, Ala inikilom nombaruwak nduk ari a? Ndi, an aakumi nen tiyappanuwak nduk ari minggirak mbakop? Lek o. An aa'nduk aakumi inikilom mbaruwak nduk ari nagagirak nogo ndak-ndak ari logonetak en, yogondak an Keritut ayeloman logonetak lek o.

Nggalatiya 2:5

kit Ala abet aret ari menggerak wone obeelom wone waganeegutak nogo mban enaani porogo logonet, eerit nogo logobagip nduk, it eeriyak nduk unggwi wogogwaarak nogo, “Ambiriluk ambi eeruwok o,” yinuk, “E o.” yoroolik mbo piyareegurak.

Iberani 5:14

omaawi mendek nunggwi iinok perak, aap kole iniki warak pogom, Ala wone mondok liippunuk eekwi me, maluk eeriyak obeelom eeriyak eraambe yelok aret kogo menggaarak.

Yurat 1:24

Ninowe Yetut Keritut eereegerak paga ninagap ndareegerak at Ala nogo nen nit abet mbareegurak nogo mbo punuk, alik eerit nogwe niyo, ninarum liirogon logomenggerik, “Kit wone ambi kinoba wonage lek abu obeelom aret me, nowagam mi'nari woraanip o,” yinuk, yo'nirage mbaremenggi, nit niniki ale'nggen mbakak at mondok tiyanak menggerak enggaanom mi'nari nawok nduk, wo'niren pinani nagin aret me, yi aakumi ndi aakumi aa'nduk nda'nogogwaarak inom, yogondak ndarak inom, peebi nda'nariyak inom, nit abok ninogoba ambit ninagap ndaka kat aret me, kat aap nggwok kendagembogut komaawi ambik yi aakumi ndi aakumi abok kabu'me logonet, kat koone mban konenggwi, kat kendage mban tiyappagagwi, eeko logowak o. Amin.