Yeremiya 15:16 - Ala Wone Peenok Peebi Mbanak

¹⁶ Komaawi Lombok Menggendak Kaliku Ala wae. An paga kendage wiganit nege me, koone ari konengge nagarik, abu liirogon waganggirak paga Ninikime mondok lik yi unggwage logonet, nale'nggen nggwok ee'nabit unggwage, eeriyak ninikilom mbake, Eekirak o.

Yeremiya 15:16 ပူးပေါင်းရင်းမြစ်များ

Nekemiya 8:12

Ndi, it aakumi wone yorogogwaarak nogo abu liippunuk, waganeegwaarak me, iniki ale'nggen nen mbi nunggwi, yi nunggwi, eeko logonet, ando it aakumi ineenggi lek kenok, tumburirogo logowak nduk, iname nogogwaarak.

Ayup 23:12

At lombok nen, Yogop ee'nu ndogop ee'nu, yo'nege nogo, Mbo pega'lek ti mban mugurok nage, At oone ari menggerak nogo niniki kunik eekko'nok li'lak mban eeke, Eeke agarik o.

Ndawi 119:111

Kat koone aberak logorak yugu nogo nen Nale'nggen eerogo panege menggerak me, Yate kwak an unde logonet, mondok eeke logogin o.

Ndawi 119:16

Koone lengganak nogo ninikilom mbake, Eeke minggirak me, An nen kat koone kobak eerogo pigin lek o.

Ndawi 119:72

Mbuti perak inom, mbuti emas inom, ambik lombok me, lingginiyak meek ti, Niniki kundugu lek negen aret kwe, Koone wumbereegindak Muta nen liiru mbaneegerak perak, Niniki kundugu lombok minggirak o.

Ndawi 119:97

Koone yugu Muta nen liiru mbaneegerak nogo Niniki kunik lombok minggirak me, Ninikime mbininit nage neegak, Kubondendok nen nok oonikiya ari nage menggerak o.

Ndawi 19:10

Mbuti emas onggo iya kenok kwaarit nugwi, Abinak pindan-pindan eeke kenok iniki kunik eekwi, Eeko menggaarak ti, iya kwe, Kaliku ALA kawone yugu nogo perak, Mondok iya lombok aret agaarik o. Ndi, nggiin amburu ombat abe kogwe, Nggiin pugunik me nen amburu puk wanggak eeke nogo ombat tele kogwe, Eekwi ti iya negen kwe, Ti kunduk meek o. Kaliku ALA kawone yugu nogo ti, Ombat abu abe mondok alik lombok agaarik o.

Yeremiya 14:9

It aakumi iniki kobak a'nuk wonogwe, It aap wim wakaa'ngget kwe, inagap ndaganaburak meek age, Eeko mengga kwak, Kat nonggop nduk togop aret wonage agandik? Kaliku ALA wae. Kat ninenggela'me wonage, Ndi, nit nen kat kendage wiganinuk nogwe, Eeko monggoorak me, Mbo pinaniyak ti mage obak!

Yetikiyen 2:8

Aakumi nen ndarak yi wae. It ti, an yorage eeriyak ineebi mbaka mendek me, kat ti kwak logorak mage o. Ata, an wone yokkege nogo karuk konengge, an nano mendek wokkege neenok, Kambe a, yinuk, nengge, eeke logot o,” yinuk, yo'nereegerak.

Mika 2:7

Yakup paga wiganak kit yi wae. “Aliku ALA iniki liippega'lek anini nen perak togon eeppiige, At togoti mendek eeppiige, eeke menggerak o,” yinuk, yuurak op mbakop? “Aap ambit ambi iniki abe koonak logonet, obeelom eerit nage nogo nen, Ala wone ti, obeelom aret o, yinuk, mbake menggerak.