Yeremiya 15:11 - Ala Wone Peenok Peebi Mbanak

¹¹ At Aliku ALA nen ari logonet, “Kat obeelom eerit nage logorak mendek mban eeke logonok nduk, an kili ari, It kinom ogoorak aaninggin inoba age, andi-pandi eeginake, eeke kenok, Yeenggwa niret o, yinuk, yokkiruwak nduk, eeppiige, Eerigin aret o,” yinuk, yo'negerak.

Yeremiya 15:11 ပူးပေါင်းရင်းမြစ်များ

Ndawi 106:46

It aakumi keele maarogo piinok wonogwe nogo nen It inabuwa mbaruwak nduk, eeppiige nagagerak.

Ndawi 138:3

An nen, “Yeenggwa niru o,” yinuk, Noone nggwok paga yokkege neenok, aret yeenggwa nege, Nagabiti lek nogogumbuk logonet yorage logokit nduk, Eerogo panege, Eekendak o.

Kini Wuppiige 16:7

Aap ambi eerit nage nogo Aliku ALA inikilom mbake kenok, Aap ti, awim kunduk at imbirak lambunik obeelom logowak nduk eeppege menggerak.

Kini Wuppiige 21:1

Aap endagembogut iniki nogo ti, Aliku ALA eenggi paga wonage me, “Niyo time aret nage logowak o,” yinuk, koonogo pegetak nage menggi kwak, “Aap endagembogut iniki ndogop koonuwak o,” yinuk, eeppege menggerak.

Wone Alom Kibingga 8:12

Aap maluk mendek ambi nen maluk 100 kuli eerit nage kagak, nda'nagagerak nggorek ari namenggerak kwe, it Ala inagabiti ombako logonet ayuk wuko menggaarak nogo Ala nen obeelom eeppiyaagin lek ti lek, obeelom lombok eeppiyaagin neenu kwe,

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Yeremiya 37:17

Ari nage mbareegi, ne ambi paga aap endagembogut Terekiya nen aap endagembogut awi o nggwok abe wurik me at Yeremiya nogo pi woraawak nduk, yoragagerak wonok pi wogo mbareegwa, kote yoge logonet, “Aliku ALA nen wone ambi yokkegerak ilik?” Yoge mbareegi, “Ambi wonage o! Kat keebe waganogo aap endagembogut Mbaben mendek eenggime pagagun, yegerak o.”

Yeremiya 37:3

Togop aret wonogogwaarak kwe, ne ambi paga aap endagembogut Terekiya nen aap Telemiya aput Yukan inom, Maateya aput Ala unde Tepaniya inom, imbirak Ala nen yoge kagak yoraga Yeremiya yori nawak nduk, nappiige mbareegi, nogo nogogwaarik, “Nit ninake ninogoba Aliku Ala yo'nok nduk, yokkiri wogo o,” yoreegwaarak.

Yeremiya 38:14

Ne ambi paga Terekiya nen Ala yoge kagak yoraga Yeremiya nogo wonok, Aliku ALA awi wurik me tungga mbere mbanak kagak ambi mbanak me nogome pi woraawak nduk, yoragagerak pi wogo mbareegwa, Yeremiya yoge logonet, “An wone ambi yokkege me, yokkege neenok, kinikime teppuurak mondok mage o.”

Yeremiya 42:2

Ala yoge kagak yoraga Yeremiya nogo ka wogo nogogwaarik, at yogo logonet, “Nit aa'nduk aakumi ambik aret wonogogurak kwe, nineebe we mbuuluk mban yumbunogo pinaneegwaarak wonogwe nogo kenegen abe nen niigendak me, nit yumbunik abok aret ninake nen kogoba Aliku Ala nggino yo'nok nduk, kat kowagam ari wogo o.