Togop lek aret kwe, kat Iterali ninogoba Kaliku ALA wae. Kat abu obeelom a'me nggelok mban eeke menggendak me, ninooka'lek ando iluk yumbunogo teppinaneegindak o yogondak wonogwe nit yi aret o. Maluk eekoorak kagak nit ambi kat kenggaanom paga ya'i mi'ndak logorak meek aret kwe, maluk ninoba lenggenak kagak mi'ndak ogoorik o,” yinuk, tamban eereegirak.
Yeremiya 14:7 - Ala Wone Peenok Peebi Mbanak7 Kaliku ALA wae. Nit nomo agan nogo logonet, mbo pagagak mban eekwi, Maluk lombok eerogo pagagwi, Eekwi me, Ninomaluk ti nen, “Kit maluk eekotak o,” yinuk, ninenggali wappinanege menggerak kwe, Kendage maluk arukwak obeelom logowak nduk, yeenggwa nirage logot o. အခန်းကိုကြည့်ပါ။ |
Yeremiya 14:7
30 ပူးပေါင်းရင်းမြစ်များ
Ti eeke minggirak nogo ti, nendage maluk age, nendage lek age, eeke kero, eeke minggirak o. An nendage maluk eerogo pugwi iigak, nonggop togon mbo piyoorak mbakop? Meek aret me, An nendage abu tiyanak minggi kwak, it ambi inendage ndak-ndak tiyak yuwak nduk eekwi iinok, an, E-wa, yigin lek aret o,” yinuk, yegerak me yokkiragi o.
It maluk eekwi nen aret maluk eeginake, It an noone ineebi mbakwi nen aret ineebe andi-pandi eerogo piige, Eerigin o. Togop me, it nen, Ninogoba Aliku Ala mbo pugwi, At ayuk wukwi, eeka'lek niinok, Abu maluk aret eekwi, niniki andi eekkoloorak mendek eekwi, eeko ogoorik kogo o, yinuk, Ineenu ogwe, iniki liippugwi, eeko logowak o,” yinuk, at ninogoba Omaawi Lombok Menggerak Aliku ALA nen yegerak me, yokkiragi o.
Nit inom, ninombomini inom, nen ninogoba Kaliku Ala maluk eerogo pagagwi, Nit tawe paga nen nok, yogondak kuli ninogoba Kaliku Ala koone yugu nogo eeka'lek mbo pugwi, Eerit wogo ogoorik me, Ninenggali nen ninuut kuru agan wanggwi, Ninendage maluk agaarak ninagabiti nen ninayum ninenete paga nobakkologwe, Eeruwok o,” yinuk, yoreegwaarak.
At Yotiya aakumi inowe endagembogut a'nuk wonage kagak, at Aliku ALA nen an yo'nege logonet, “Kwe ogonggelo mbo punuk, ugun eeke menggi kwak, it Iterali eerit nugwi nogo kenegen iigendak ilik, lek a? Puut-puut abok aret inom, yi eyo ndi eyo eno'mbak wiganak abu'me inom, ari nanuk aap inom ugun-ugun eerit nugu mengga kwak, eerit nogo agaarik o.
Togop me, it Ala wone taganogo punuk, alik lombok eerit nugwi, Tu abe kagak alik paga nomo agan nogo logonet, maluk alik negen eekwi, Eekwi iinok, Singa negen eyonggaame nen wundi wage logomenggerik, ineebe inoorogo piige, Nggeewo owo negen karume nen wundi wa'nuk ineebe nibinogo nengge, Aakumi wundi wogwe iyo, inoorogo ineebe nibinogo pegak nawok nduk, Nggeewo kwak ineeruwak yabenggek-ndabenggek aago nen inawi kota-kota inigen wo yagak nugwi, Eerugun o.
It Ala apuri nen yogo logonet, “Nonggop nduk nit yime kwi'ndik-kwi'ndak mban ogoorik? Nit nen at Aliku ninogoba Ala maluk eeppogoorak paga at nen niyo kanggo menggaarak mendek toologo wo'nirage, Ninenggaawak lek eerogo pinanikit nduk koonogo pege, Eereegerak me, Nit mbet-mbet kuwak eekwi, Kuwak eeppunuk, o kota-kota yugum pak wurik me time unggwi nogo logomonggoorik, kambit nogwe, Eeruwok o.
Kuwak eerogo piyareegerak nogo, “Nenet nanip o,” yorage mbareegi, wurin ti nen iri'ngga o time wonage abok aret pup eerogo nenet nugwi iige nagagirik, “Kaliku Kitok Menggendak ALA wae. Kapuri inomaluk kami eerogo piyet o. It Yakup mendek ineebe mbuuluk me, inenggaawak lek arukwak nonggop togon eeko logogun o?”
Nit Ala abet aret maluk eeppogoorak me, Aliku ALA ninawone mbangge, “Eekaarak onggo ndogop eeppiyoorak o,” yinuk, a'me nggelok eerogo pinanege, Eeka'lek kagak, At anini eeppinanege nogo, “Op aret o,” yinuk, waganggo logogun o. Nit o apit me nen wo'niren o eya paga pinani wage, A'me nggelok eeppinanege, Eeke kaagun o.
ကြော်ငြာတွေ