Yeremiya 14:3 - Ala Wone Peenok Peebi Mbanak

³ It aap nagawan-nagawan nen inayeloman niyo kwaari nawak nduk nappiigaatak Niyo nggween kabunik me kwaari nagaatak kwe, lek kenok, Niyo toolak lek niyoowak we aret wonok wogo logonet, Nonggop eeruwi? yinuk, inenggali nen inete wandunik aret iniyokan wogo menggaarak.

Yeremiya 14:3 ပူးပေါင်းရင်းမြစ်များ

2 Tamuwen 15:30

Ndi, at Ndawut nogo iyok ogut nggoorogo pege, ayum anobak paga nobakkolage, ee'nuk, le agan puut Tayitun lagi nage mbareegi, it aakumi inom nogwe nogo kunduk, abok aret togop mban inayum inanobak paga nobappunuk, le agan lagi nogogwaarak.

2 Tamuwen 19:4

Ndi, aap endagembogut nogo etenggen yum nobappatinuk, leenggu maake logonet, “Ai, napuluk Abatalom o! Ai, napuluk Abatalom o. Napuluk o. Napuluk o,” yinuk, le yereegerak.

1 Endagembogut 17:7

Ti eeppunuk, ne mande negen wonage kagak, mayu ambi woroolik me, niyo mbuuluk Kerit nage nogo porok yereegerak.

2 Endagembogut 18:31

At aap Atiyut endagembogut nen ari logonet, It o kota nen neya wundi wogo logomenggaarik, ninom lambunuwok o. Ninom lambumbunuk, inalitak lombok ineyabume anggur yarak anggen mbanogo nunggwi, inageyo wuliinggen mbanogo nunggwi, inanggween kabunik me, inaniyo toologo nunggwi,

Etet 6:12

Nage nagagerik, at Morekayi nogo iyokan aap endagembogut oore'nggam tu unggwogo menggam ari wage kagak, at Kaman nogo enete nobakko'nok enggali mbakak mbet-mbet aret ame nagagerak.

Ayup 6:20

Niyo wonage mbakak panggonak wagaarak nogo, Lek kenok inenggali ogwe, nggiinggo aago puk ogwe, Eeko mengga kwak

Ndawi 109:29

Yum yiko mengga kwak, Inoone liirit yo'nugwi nogo nen meek inombakwi, Yum nggorek lenggenggo mengga kwak, Inenggali mban ineebe paga ninggirik wonage, Eeko logowak o.

Ndawi 40:14

It aakumi an nooriyak koonggwi nogo inenggali ogwe, Iniki kobak a'nuk ma'nogwe, Eeruwak o. Ndi, it maluk eeppaniyak mbakwi nogo inenggali a'nuk yungguninuk nogwe,

Yeremiya 14:4

It inanggween paga o mayu waga'lek kenok, nggween ya'lek-ndi'nduk eerogo pit nagaarak paga It yi mendek ndi mendek awi yaka nen, Nonggop eeruwi o? yinuk, iniki wakkologo logonet, Inayum inanobak paga lenggembatinuk wonogo agaarik o.

Yeremiya 15:18

An andi-pandi mban eerogo panugwi yi, lek aga'lek kunik aret wonage, Ndi, nawin mondok kunuk nenet unggwage nogo, Obeelom aga'lek kundugu tit wonage, Eeke ti nonggop nduk o? Niyo nage menggerak kwe, poronak wonage, Yi eneeri wungge menggerak kwe, wungga'lek wonage, Eeke menggi kwak Kat ti kwak me, eeppanega'lek agandik ya?”

Yeremiya 2:13

“An napuri maluk eekaarak alom mbere yi aret. Ambi, niyo ineenik eeginake minggirak alom an nogo inambokan mbo panugwi, Ndi, ambi, niyo yenggenak logorak nggween kabunogo pakwi kwe, eno mbanak me, wundi nage logorak mendek kagak kabunogo pakwi, Eekaarak o,” yinuk, yegerak o.

Yeremiya 2:37

It an napuri iniki inoba panggonak wonogwe nogo, Naliku ALA nen mbo piyareegirak paga yeenggwaaraagun lek me, Napuri inenggali mbakak inuut wandunik o Metit nen wundi woraagun o,” yinuk, yegerak me, yokkiragi o.

Yeremiya 20:11

It togop aret yogwe kwe, aap wim wakaa'ngget menggi kwak Kaliku ALA nimbirak aret wonage me, It an piyak-payak ee'nabit nugwi nogo nen ambi eeppanega'lek it aret iniyogobit lik togon yigeebu wambugun o. Eeppaniyak mbakwi nogo mbeyok yemenggerak paga inenggali ogwe, Inendage maluk aremenggerak nogo kobak aga'lek aberak mban wonogwe, Eeko logogun o.

Yeremiya 3:3

O mayu wage kero, ko wappunuk wonage, O mayu wage menggim kunduk waga'lek wonage, Eeke kagak kwe, Kumi mbabilu inete paga yelok niyaawak, eeko mengga kwak eerit nugwi, Inenggali lek worokot aret nugwi, Eeko agaarik o.

Leendawi 4:4

Elege ngget ndarak elak abu nen inamili lobok ari, Elege-aabologwe mbi nggino yorogwe kwe, wogoraga'lek aret wonogwe, Eerak aret agaarik o.

Oteya 2:3

At togop aret eerit nege kenok, an nen at agabolo kin eerogo pege, At nda'nage logonet, agabolo kin nda'nagagi kwak togop eerogo pege, At karume kwak eerogo pege, Nggween ka'let-nggaganak kwak eerogo pege, Eerigin me, At niyo abu nen kambuwak nduk mbo pigin o.

Yowen 1:20

Niyo nage menggim abok aret porok yi'nage, Inagari'ngga mbanogo nenet nogo menggam karume time kani nen pup eerogo nengge, Eekerak me, Ndiimbu-nggwiya kunduk, Eeppinanuwak lak, ao, yinuk, kat pekkeego logonet, iniki tat warit nogo agaarik o.

Amot 4:7

“Tut kenagan penembunuk, anggen mbaniyak aret kwe, o mayu wura wage kero, tu nake, O kota ambime mayu wuppi wage logonet, o kota ambime mayu wuppi waga'lek mbo piige, Ineyabu ambi yagat wurik me o mayu wogorage logonet, ineyabu ambi yagat wurik me o mayu wogoraga'lek mbuk eerogo piige, Eereegirak paga

Amot 4:8

It aakumi o kota ambime nen kota ambime niyo kwaarit nagak eeko logonet, niyo mbuuluk nenggak eereegwaarak kwe, Niyo abu mban aret wonogogwaarak o. Ti eereegirak kwe, inomaluk mbo punuk iniyokan yungguninuk neya waga'lek aret menggaarak o,” yinuk, at Aliku ALA nen aret yegerak o.

Takariya 14:17

Ndi, it yi aakumi ndi aakumi o nggween paga yime logogun nogo, inowe endagembogut at Omaawi Lombok Menggerak Aliku ALA alut eeruwok nduk, o Yerutalem wogwe lek iinok perak, it menggam o mayu wambi waga'lek aret logogin o.