Yeremiya 13:9 - Ala Wone Peenok Peebi Mbanak

⁹ “Naliku ALA nen yokkege yi aret. Kobee'le agaarak kagandak nogo ti ndak-ndak it aakumi Yekura iniki wogoppakwi, it Yerutalem wonogwe nen, Nit iya lombok, mba'nuk, iniki tiyappakwi, eekwi nogo an nen lek eerogo piyaagin o.

Yeremiya 13:9 ပူးပေါင်းရင်းမြစ်များ

Kini Wuppiige 16:18

Aa'nduk iniki tiyappatit nogo nagaatik, irip paga eebe aret lek eerogo pakwi, Aa'nduk, “Wi!” niraawak nugu nagaatik, irip paga yigeebu aret wambi nogwe, Eeko menggaarak.

Yetaya 16:6

Nit mban iya o, yinuk, it aakumi Mowap iniki wogoppakwi nogo nit Yekura ninaruk konenggwi, Nit mban nineenu, mbakak iniki worokot linik agan nugwi nogo liippiigwi, Eekoorak nogo ti, We nineenu mbakak agan nugu nagaarak iigo o.

Yetaya 23:9

Lek o! It aakumi eerit nugwi paga inendage tiyak ari kenok, wogoppakwi nogo abok aret tebenogo piige, It aap o nggween paga inendage warak wonogwe nogo lek eerogo piige, Eerikit nduk, Nomaawi Lombok Minggirak Naliku an ALA nen aret koonogo pege nagarik, lek eerogo pigirak o.

Yeremiya 13:8

Ti'nuk, at Aliku ALA nen an yo'nege logonet,

Yeremiya 25:18

Amburu nawak nduk, “Wogoret,” yo'negerak nogo ti, o Yerutalem inom, o Yekura kota-kota inom, it aap inoweewi inendagembogut inom, inawuri inom eeka inom, maluk eerogo piigwi, Inogole o, yogwe, inagi'ndok kanggwi, pulunogo piigwi, eeko logowak nduk, yogondak eeppiigwi ndak-ndak eerogo piyoorak toolak kwak aret o.

Yeremiya 48:29

At Mowap iniki wogoppatit nege ti, Mondok iya lombok wogoppake, iniki tiyappake, An mban iya, mbake, Wi, niruwak agan nege, Iniki tiyappatit nege, eeke ti, konenggoorak o.

Yetikiyen 16:50

It nen, Nit iya, mbako logonet, an nenggaanom paga ogole warak mendek eerit nugwi an nenegen iinok, mbo piyareegirak.

Yetikiyen 16:56

At omaluk awo kin aga'lek kagak aa'nduk iniki tiyappake logonet, at awuluk o Torom aaninggin oba agagerak kenok, abok mbanit nege nagagerak nogo lek a? Nogo ndak-ndak yogondak o Erom aagalogwe komologwe inom, it at inom koorok wonogwe inom, o Pilitin aagalogwe komologwe inom, yi o ndi o at enaagan-ambokan wonogwe abok aret, At ogole o, yinuk, yogwe nogo nen at meek eerogo pogo agaarik o.

Ala Unde 26:19

It Iterali nen inogogumbuk wogoppakwi me, mayu wambi worookwak mbogut yugum negen kunogo pege, inanggween paga yugum tembaga negen kunogo pege, eerigin o.

Nakum 2:2

Eyo anggur anggen yenenak-menenak eerogo mbanggwi, Eno'mbak kalenak-pugunik eerogo pugwi, Eeko mengga kwak Aap maluk eerogo pega nen it Yakup mendek wonogo menggam togop eerogo pogo nogogwaarak kwe, It Iterali wonogo menggam aa'nduk iya lombok iinok, “Wi!” irogo nogogwa pogom It Yakup mendek wonogo menggam togop aret eerogo pigin o.

Tepaniya 3:11

Ne ti eyom paga it an noone taganogo mbo punuk, maluk eerogo panugo nogogwaarak nogo, inenggali wappiyaagin lek o. It inoreewi, Nit iya o, yinuk, iniki wogoppako logomenggaarak nogo, o yime nen mbo wumbiyaagin me, It ando perak, nabuut alik leenak paga yime wonogo logonet iniki wogoppako logogun lek aret o.

Lukat 18:14

Imbirak tamban togop aret eereegwaarak kwe, at tamban aa'nduk eereegerak nogo lek o. Ata, peebi eereegerak nogo mban Ala nen, Aap ti, iniki obeelom aret kagi o, mbake kagak, ame aret nagagerak. Aap ambi iniki tiyappake kenok, tebembege, ndi, iniki tebeppake kenok perak, tiyappege, eeke menggerak o, yinuk, yokkiragi o,” yoragagerak.

Yakobut 4:6

Aberiniki iniki togop aret wakkolage kagak kwe, maluk mbo puwak nduk, Ala iniki kunik nen eeppinanegak mban eeke menggerak. Ti kenok, Ala nen ari logonet, “It aakumi iniki wogoppako menggaarak nogo, an nen tebenogo piige minggirak kwe, Iniki tebenak menggaarak nogo perak, niniki kunik nen eeppiige minggirak o,” yinuk, yereegerak Ala wone liiru mbanak wonage o.

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.