Yeremiya 13:20 - Ala Wone Peenok Peebi Mbanak

²⁰ Kat Yerutalem yi wae. It aakumi o omarip paga pa'nggwe nen wogwe yi, kuut pila yinuk, kenegen pegiyet o. Ndomba kwak kaagalogwe unde eeppagareegerak nogo ineebe ngge o? Ndomba kwak kaagalogwe nen eerit nagaarak paga kale'nggen mbake nagagindak nogo ineebe ngge me agaarik o.

Yeremiya 13:20 ပူးပေါင်းရင်းမြစ်များ

Kini Wuppiige 14:28

Aakumi ambik aap endagembogut abu'me wonogwe iinok, at endage tiyak ari menggerak kwe, Aakumi at abu'me wonogwe lek iinok perak, endage lek aret age menggerak.

Yeremiya 1:14

Yoge mbareegi, Aliku ALA nen an yo'nege logonet, “O omarip paga pa'nggwe nen aaninggin mondok iya lombok aakumi o yime wonogwe abok aret inoba kwi'narigin,” yo'nereegerak o.

Yeremiya 1:15

At Aliku ALA nen ari logonet, “An nen it yi aakumi ndi aakumi o omarip paga pa'nggwe wonogwe inabu'me piinok menggaarak abok aret inayonggo piyaakit nduk, eeke agarik o. Inayonggo piige neenok, wogo logomenggaarik, It wone lengganogo yorogo menggam inalitak lombok o Yerutalem tu unggwogo menggam ogobakkigirogo pit wogwe, O Yerutalem pak wurik eraanu endekem yendok-wandok ogobakkigirogo pugwi, O kota-kota Yekura wonogo menggam abok aret unde eekkolaawok nduk, eekwi, Eerugun o.

Yeremiya 10:22

Kinaruk o! Wone ambi agan wage yi, kinaruk koneninip o. O omarip paga pa'nggwe nen keekok agan wogo agaarik o. Wone ti agan wogwe paga nen o Yekura kota-kota yi oone ndi oone lek age, Nggeewo owo iname aret age, Eerigin o.

Yeremiya 13:17

Kit an yokkirage kinaruk konengga'lek kiniki wogoppakwi paga nalik kumaarak logonet, le ari, Aliku ALA andomba kit keele maakkiren nagun me, Niniki wakkolage logonet, nale yi wurik kwak wurabit wage, Eeke logogin o.

Yeremiya 23:2

Iterali inogoba Aliku ALA nen it aap at apuri ndegeninaka yoroorak mbakerak nogo yi aret. Aliku ALA nen ari logonet, “It an nandomba liirogon ndegeninaka'lek wumbiigwi, mak eerogo piigwi, eekaarak me, maluk eekaarak onggo aaninggin inoba kwippiyaagin o,” yinuk, yegerak me, yokkiragi o.

Yeremiya 25:37

Iri'ngga mili mban me ndomba inagabiti lek logonet, ugun nenet nogo menggaarak kwe, Aliku ALA anini kani kunik negen paarogo pemenggerak paga yi oone ndi oone lek aret arigin o.

Yeremiya 6:22

At Aliku ALA nen yegerak nogo yi aret. “It aap wim eeka aago o omarip paga pa'nggwe nen wogwe, It aakumi inanebunu nggwok ambi o irip-irip nen woraawak nduk, inikime manabit nugwi, Eekwi ti, abet aret o.

Abakuk 1:6

Ti eerigin nogo ti, inogogumbuk worokot nogo nen it inanggween lek kwe, Unde eeppatinuk logowak nduk, o nggween yi abok aret it mban tebeni nogwe aakumi Mbaben mendek aret mippiyaagin o.