Yeremiya 13:16 - Ala Wone Peenok Peebi Mbanak

¹⁶ O apit eerogo pinagi wage, O kiip arit nage logonet, puut-puut yumaak eerit nage paga kiniyogobit linggiraawak nduk, eeppinagage, Eeka'lek kagak, Kinogoba Aliku ALA tiyappogo logonip o. “Eya eeppinanuwak lak, ao,” yinuk, tokkogwe kiigak kwe, Kit mbakwi abut laganogo o apit lombok eerogo pinagage, “Eya eeppinanuwak,” mbakwi nogo obaane'me o yumaak lombok eeppinagage, Eerigin o.

Yeremiya 13:16 ပူးပေါင်းရင်းမြစ်များ

Ayup 3:5

O apit yumaak imbirak nen yogo logonet, Ne ti, nit ninamendek o, yogwe, Ndugwi nen ne nda'nagagirak nogo nobarogo pege, O apit nen ne ti, agabiti eerogo pege, Eeruwak o.

Ndawi 107:10

Ala wone yugu, “Eeriyak nineebi,” mbakwi, At Tiyanak Lombok Menggerak nen inaruk wake nogo, “We agan nege agaarik a!” yinuk, yogwe, Eereegwaarak paga It ando o apit yumaak lombok aago me wonogwe, Mbutigeele maarak yagan wakwi wonogwe,

Ndawi 107:14

O apit yumaak aago me nen wogoren wundi wage, Mbutigeele maarak nogo ndenenak-penenak eerogo piige, Eereegerak.

Ndawi 29:2

Aliku ALA endage abu iya me, tiyappugwi, At kikak nakeelik alik leenak mondok iya lombok menggerak me, Ayuk wuko logonet alut eekwi, Eeko logonip o.

Ndawi 44:19

Kat nen aan lebenogo pinanege, Mba'ngge nugu menggam kwak eerogo pinanege, Nogoyum lenggenggo mengga kwak o yumaak lombok eerogo pinanege, Eekendak o.

Wundeegwaarak 10:21

Ti'nuk, at Aliku ALA nen Muta yoge logonet, “O Metit time o apit lombok aremenggerak paga aakumi Metit mendek inigen yu'nduk agan nogo logowak nduk, keenggi mbogut paga titik eerogo nippu o.”

Kini Wuppiige 4:19

It aap maluk mendek nen eerit nugwi ti perak, O apit lombok aago kwak wonogwe me, Iniyogobit lik togon yigeebu wanggwi nogo, “Yi nano nen ee'ninake,” mbaka'lek ugun kobak aret wonogo menggaarak o.

Wone Alom Kibingga 11:8

Togop aret me, aap ndarak kagak tahun ambik age kenok, inikime nen ale'nggen mban mbake logowak o. Ale'nggen mban mbake logorak ti op aret kwe, o nggween paga yime logonet, o eya kaga'lek apit paga logorak ne ambik aret ariyak abeke logowak o. Yi eeriyak ndi eeriyak abok aret ti, we aanom warogo mban aret wonage menggerak.

Yetaya 5:30

Ne ti eyom paga niyo laut yenggenak oone wo ari menggi kwak, wim nggoguk ari kagak, It wonogo menggam yumaak eerak wonage, iniki ma'nage, Ndugwi nen o eya apit eerogo pege, Eerigin nogo Inigen kaagun o.

Yetaya 59:10

Aap enegen mbuk kwak tu liinggwi agan nogwe, Ninigen wonage kwe, aakumi inigen mbuk kwak yanduk-ndanduk agan nugwi, O liingge aret kwe, o apit paga iniyok lik ari menggi kwak niniyok liinggologwe, Aap ineenik wonogwe inenggela'me aap kambak kwak wonogwe, Eeko ogoorik o.

Yetaya 59:9

Ti eekwi paga nit wone yugu liirogon eekwi, Obeelom mban eerit nugwi, Eeka'lek niinok, Mbo pinaneegerak wonogo ogoorik o. “Nit o eya ee'ninabuwak lak, ao,” yinuk, mbakwi kwe, o apit paga wonogwe, “Eya pindanogo pinanuwak,” mbakwi kwe, tu o yumaak lombok paga nogwe, Eeko ogoorik o.

Yetaya 60:2

O apit nen nggween nobappunuk wonage, Yi aakumi ndi aakumi o yumaak lombok eeppiinok wonage, Eerak ti kaawak o. Togop aret aago kwe, Naliku ALA eya oba pindanogo pege, An nabinak kwindagala aago wonage nogo, at irimbaga eya eeppege, Eerak wonage kenok,

Yetaya 8:22

nggween paga wu'nogwe, eeremenggaarak kwe, yi mendek ndi mendek obeelom mendek ambi inigen kaga'lek aaninggin-paaninggin inoba age, iniki apit age, o yumaak kenok inagabolo kangge, eeke kagak, o apit me time mbo piyaagin o.

Yeremiya 14:19

Kaliku ALA wae. It aakumi Yekura mendek abu mbo piige, It Tiyon mendek mondok keebi inombake, Eeke agandik? Nit obeelom ee'ninaburak meek andi mban kogo logowok nduk, nonggop nduk andi-pandi eerogo pinanege agandik? Niniki ugun tayenak logowok mbakoorak kwe, obeelom eerogo pinaniyak ambi ari waga'lek wonage, Andi-pandi ee'ninake nogo lek eerogo pinanuwak lak, ao, mbakwi kwe, ninamineeri ne agan noorak mban ee'ninake, Eeke agaarik o.

Yeremiya 2:6

It nen yogo logonet, At o Metit nen wo'niren wundi wage, Tu o karume nggween mbuk ti paga wo'niren wage, Eeke logonet, Nggween kunduk amburu lek kagak, Tu tiyak-tebek kagak, Nggween abu woloonak awi yariyak meek tit kagak, Tu aakumi kambit nogo menggam kagak, Aakumi tu ti paga nogolik kagak, O time aakumi wonogolik kagak, Wo'niren wundi wagagerak Aliku ALA nogo ngge o? yinuk, yo'nega'lek aret wonogogwaarak.

Yeremiya 23:12

“Togop me, o apit paga nogo logonet tu eraabin ambik me, perak togon yigeebu wanggo mengga kwak, It eerit nugwi ti paga iniyogobit lik togon yigeebu wanggo logowak nduk, eerogo piige, Ndi, aaninggin inoba piyoorak eyom panggoni wage ti paga aaninggin abu alik negen aret inoba piige, eerigin o,” yinuk, Aliku ALA nen yegerak o.

Yeremiya 4:23

An nen o nggween yi pekkage logonet, Owak mbanak naalop-kaalop aago wonage kage, Mbogut paga nikkage logonet, o eya eeka lek aret kage,

Yeremiya 50:6

It an napuri nogo ndomba kobak aago kwak nugwi, It ndegeninaka nen nomonogo tu alik paga piya nogwe, Puut-puut time iri'ngga kwaarogo nenet nugu logowak nduk, mbo piigwi, Eeko mbareegwa, Iname nogo yogo menggam woroorak kobak a'nuk, puut ambime nen puut ambime agak nugwi, Eerit nugwi me,

Yeremiya 6:21

Togop me, at Aliku ALA nen yegerak nogo yi aret. “Iniyogobit lik togon yigeebu wanggak nogo mendek it aakumi yi, inaru non mbanogo pit naminggirak me, Inogobamini inom, inapuri inom, iniyogobit lik togon yigeebu wanggwi, Inoreewi inom, it inom menggaarak inom, iniyogobit lik togon wanggwi, Eeko logogun,” yegerak o.

Yeremiya 8:15

Nit niniki ugun tayenak logorak niniki lunik wonogoorak kwe, obeelom mendek ambi eeppinanit wage lek Maluk mban eeppinanit wage, Yogondak yi eyom paga andi obeelom eerogo pinaniyak niniki lunik wonogoorak kwe, Ninamineeri ne agan noorak mban ee'ninake, Eeke agaarik o.

Leendawi 4:17

“Nit yeenggwa niraawak lak, ao,” mba'nuk, ninigen na'nagak mban eereegurak kwe, We aanom warogo aret ninigen andi mban ee'ninabeegerak. Aakumi inanebunu ambi nen yeenggwa nira woraagun nduk, o nggayo logorak wurik paga nen toriigo nogogurak kwe, Yeenggwa nira woroolik aret o.

Yetikiyen 21:15

It iniki ma'nage, ineebe ambik inoorak ngginnogwe, Eeruwak nduk, An nen, Wooluwak ti paga kinoorigin o, yinuk, Tu unggwogo menggam abok aret mippit nagarak wonage o. Wooluwak ti, o kimbik pindanggage kwak ogobakkigirik me, Aakumi inooriyak nduk, ambe laambu tup eerogo pigirak ti, iya lombok o.

Yetikiyen 34:12

Aap ndomba ndegeninaka ambi nen andomba ndegeninake me, andomba ma'nogwe iinok, mbo piigeelik kwaarinabit nage menggi kwak, an nandomba togop aret kwaarinabit nagin o. Ndi, o tit narogo pege, o yumaak eerogo pege, eeke paga ma'narit namenggaarak wonogwe me nen inagap ndarogo wogoren piya woraagin o.

Yetikiyen 36:15

Yi aakumi ndi aakumi nen, Kayik a! yinuk, yogwi nogo, puut-puut ambinom konenuwak nduk, an nen eeppiyaagin lek o. Aakumi inanebunu lombok nen puut-puut ti, meek eeppugwi nogo, ambinom meek eerogo pugwi, ndi, puut-puut ti nen at paga ndarak inanebunu nogo ambinom lek eerogo piige, eerigin lek o, yinuk, Naliku Nitok Minggirak an ALA nen aret yagi o,” yinuk, yegerak me, yokkiragi o, yoragagirak.

Yowen 2:2

Ne ti eyom o mondok apit lombok age logonet, iniki miin eerogo piinet nage, Ndugwi apit eerogo pege kenok, o yumaak eerogo pege, Eerigin o. O kilim nagake logonet, puut-puut kin eerogo pit nage menggi kwak, Ne ti eyom paga wim eeka inomaawi ambik lombok ineebe apit aago o aa'nduk nen wogwe inigen iyoolik nogo mendek wogwe, Ndi, peebi nen togop ambi wogwe iyaagun lek nogo mendek wogwe, Eekwi iyaagun o.

Amot 4:13

At puut-puut ogobakkigirogo pit wage, O wiya warit wage logorak eerogo pege, At iniki mbake nogo aakumi kin paga yorage, O weeruwak nduk, eerogo punuk, o kiip eerogo pege, O nggween paga yime puut-puut tiyarogon time iyok pit nage, Eeke menggerak endage ti, Omaawi Lombok Menggerak Aliku Ala aret o.

Amot 5:18

Aliku ALA woroorak ne nogo, “Ari woraawak lak, ao,” yinuk, yogwe nogo, kinabuwa o! Ne ti eyom ti, o eya arigin lek o apit aret ariyak me, Aliku ALA woroorak ne nogo, “Ari woraawak lak, ao,” yinuk, nonggop nduk yogo ogotik?

Maleyaki 2:2

It nen wone an yorage yi, konenggwi, ndi, Endage tiyappogo logonet, ayuk wuko logowok o, yinuk, koonggwi, eekwi lek iinok, it an neebe unde menggaarak nogo pulunogo piige, nale'nggen paga wogorage neenok, waganggwi nogo, non mbanogo pege, eerigin o. It nen, At Aliku ninogoba Ala endage tiyappogo logonet, ayuk wuko logowok o, yinuk, iniki nggaruk togon koongga'lek me, muk pulunik aret agaarik o,” yinuk, at Omaawi Lombok Menggerak Aliku ALA nen aret yegerak me, kit at eebe unde nogo aret yokkiragi o.

Yaya 12:35

Yogo mbareegwa, at Yetut nen it yorage logonet, “Eya eekkinake menggerak nogo ne ambiriluk kinom logogin o. Kiniki o apit pogom eekkinabi wage kero, eya eekkinake kagak, nogo logonip o. Aap ambit ambi nen o apit paga nage kenok, Ndime noorak, at eenggo'lek kagak, nage menggerak.

Yotuwa 7:19

Oba age mbareegi, at Yotuwa nen at Akan nogo yoge logonet, “Kat eekendak nogo kumaapporogo logorak ti abu mage o. Ata, at Aliku Iterali inogoba Ala enggaanom paga ayuk wuke logonet, kat eekendak nogo paganogo yo'niru o, naput.”