Yeremiya 13:11 - Ala Wone Peenok Peebi Mbanak

¹¹ kobee'le aap ambi agabee'le yikkolage menggi kwak, an nen it Iterali paga wiganak abok aret inom, it Yekura paga ndarak abok aret inom, napuri a'nuk logonet, nendage wiganogo pugwi, nendage tiyappanugwi, nayuk wukwi, eeko logowak nduk, nagabee'le pogom yikkolagagirak kwe, it nen an yorage nogo inaruk konenulik mbo pereegwaarak o,” yinuk, an yo'negerak o.

Yeremiya 13:11 ပူးပေါင်းရင်းမြစ်များ

Ndawi 147:20

Ndi, eeko logorak wone nogo Yi aakumi ndi aakumi abok aret togop yoraga'lek Iterali mendek kenok mban yorage, Eereegerak o. Aliku ALA tiyappogo logowok o.

Ndawi 81:11

Kit an napuri noone kinaruk konenggwi, Kit Iterali an noone liirogon waganggwi, Eeriyak, Nineebi o, Yinuk, yogo mbareegup,

Yetaya 62:12

Inom wogwe inendage ti, “At Kikak Naka'lek Alik Leenak Apuri o,” yorogwe, “Aliku ALA Wondet Eerogo Piiga o,” yorogwe, Eeko logonet kwe, Kat Yerutalem yi perak, kendage ti, “Kwaakkabit Waga! O Kota Kugume Lek Aakumi Menggam o,” yinuk, yokkogo logogun.

Yeremiya 13:1

At Aliku ALA nen an yo'negerak nogo yi aret. “Kat nage logomenggendik, kobee'le ligi yawenak mendek paga penggaarak kumbunuk niyo nggulungga'lek logonet, yikkolage logot o.”

Yeremiya 13:10

It aakumi inobaabut maluk logonet, noone konembunuk, eeriyak ineebi mbakwi, inogogumbuk logonet, it eeriyak mbakwi mban mugurok nogwe, an wonage neegak, kugi mugurok nogo logonet, ayuk wukwi, alut eekwi, eeko menggaarak nogo ti, kobee'le nibik yegerak ambi eeriyak meek ti pogom aret wonogwe me,

Yeremiya 13:12

Aliku ALA nen ari logonet, “It aakumi Iterali inogoba Naliku ALA yagarak yoroorak nogo yi aret. Inalitak lombok inaniyowa'na anggur eno korok togon toologo patuwak, yegerak o. Yorage keenok, it nen, Ninalitak lombok ninaniyowa'na anggur eno korok togon toologo patiyak nineenggo'lek me, nduk yo'nirage agandik ya? Nineenu aret o, yinuk, yokkugwi iinok,

Yeremiya 19:15

“At Omaawi Lombok Menggerak Iterali inogoba Aliku ALA nen yegerak nogo yi aret. It o kota yime menggaarak inom, o Yerutalem enaagan-ambokan yaga'lelo-yaga'lelo wonogwe inom, inanobak yugum pogom kumbunuk iigak, yorage nagarak nogo, Koneniyak nineebi o, yinuk, yagaarak me, aaninggin-paaninggin inoba piyoorak yoragarak nogo abok aret inoba kwippiigak eeke logogin, yegerak me, yokkiragi o,” yinuk, yoragagerak.

Yeremiya 32:20

Aa'nduk o Metit paga ineenu agak iya eeriyak mendek inom, eerubok mendek inom, eerit wundi wagagindak nen nok, o yogondak yi kuli it Iterali inenggela'me inom, it aakumi abok inenggela'me inom, eeke yi paga o yogondak kendage wigak yegerak yi aret o.

Yeremiya 33:9

Ti eerogo piyaminggirak paga it o kota yime menggaarak nogo nen, yi aakumi ndi aakumi nggween paga wonogwe abok aret an obeelom eerogo piyaminggirak inaruk konenggwi nogo inenggaanom paga iya nombakwi, nendage tiyappanugwi, nayuk wukwi, eekwi iinok, an nale'nggen nggwok aret mbarigin o. O Yerutalem yi, ineebe abu obeelom wonogwe, iniki ugun tayenak wonogwe, eeko logowak nduk, eerogo piige neenok, inogut nanuk, inaganak warigin, yegerak o.

Yeremiya 6:17

Inarum logowak nduk, aap mippiinok, Oone nggwok eeka trompet oone pu ari kenok inaruk liirogon konenggo logowak o, yinuk, yoragagirak kwe, It nen, Ninaruk koneniyak nineebi o, yinuk, yogwe, Eereegwaarak nogo o.

Yeremiya 7:13

It maluk eekak mban eekwi iinok, Naliku ALA nen, Kinomaluk mbo pinip o, yoragak mban eekitak kwe, inaruk konenggwi, wiiragatak kwe, onggo yo'nugwi, eeka'lek iinok,

Yeremiya 7:23

Ata, wone eeko logorak lengganogo yoragagirak nogo yi aret. An noone ari inaruk liirogon konembunuk eekwi iinok, an it inogoba age, ndi, it an napuri ogwe, eeko logogun o. Ndi, ineebe obeelom inale'nggen paga logowak nduk, an nen, Yogop ee'nu, ndogop ee'nu, yorage nogo ndak-ndak eerit nogo logowak o, yinuk, yoragagirak kwe,

Yeremiya 7:24

it nen an noone inaruk konenggwi, liirogon eekwi, eerulik inogogumbuk logonet, maluk eeriyak iniki koonggwi nogo mban mugurok nogo nogogwaarak me, an ari nogo inengga loolo punuk, mugurok naga'lek inambokan yungguninuk nogo nogogwaarak.

Yeremiya 7:26

an yorage nogo inaruk konenggwi, iniki liippugwi, eeka'lek inogogumbuk logonet, inombomini maluk eeko nogogwa kwak lek it yogondak wonogwe yi, abunuk nggwok lombok eeko menggaarak,” yegerak me, yokkiragi o.

Amot 3:1

Kit Iterali mendek yi wae. Kit o Metit nen wokkiren wundi wagagerak at apuri abok aret Aliku ALA nen eeppinagarak yokkirage yi, kinaruk liirogon aret konenggo logonip o.

Lukat 10:11

Kinoba arigin nogo ti, Kinobaalombok, kineenu arubagip nduk, nit kiname logonet, liirubu niniyok paga lenggenggerak nogo yumbunogo pinagago ogoorik o. Ala abu'me pinagarak muk kinowagam panggo yi wagaarak, abet aret mbako logonip o, yinuk, yoranu o.

Pelaareegerak 4:7

Togop aret me, at Aliku ninogoba Ala korotok wonage me, nit kulinik-kalinik nggino yogo monggo kwak, aakumi ineebe nggwok wiganak ambi ngge nen inogoba togop yogwi wonage mbakop?

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.