Yeremiya 12:17 - Ala Wone Peenok Peebi Mbanak

¹⁷ aakumi inanebunu ambi mendek nen noone inaruk liirogon konenggwi lek iinok perak, an nen nggiginogo wumbiinok, ineebe lek eerogo piyaagin o,” yinuk, at Aliku ALA nen aret yegerak me, yokkiragi o.

Yeremiya 12:17 ပူးပေါင်းရင်းမြစ်များ

Yetaya 41:11

It aakumi abok aret nen inanini kinombakwi nogo inenggali a'nuk inendage maluk age, Kit tebenogo pinagarak mbakwi nogo, it ambi eeriyak lek aret inenggaawak lek ogwe, Eerugun o.

Yetaya 60:12

It aakumi inanebunu lombok inom, it aap aakumi inabu'me piinok menggaarak inom, Ayeloman a'nuk ake eeriyak ineebi mbakwi iinok, mondok maluk aret age, lek age, eerigin o.

Yeremiya 18:7

“Ne ambi eyom paga it aakumi ambi mendek ilik, it aap inabu'me piigo menggam ambi a, an nen eyo omanggen kwak kinogo wumbiige, o wurik kwak minogo piige, lek eerogo piige, eerigin o, yoraminggirak kwe,

Yeremiya 31:28

Aa'nduk eyo alom kinggwi kwak eerogo piigwi, o minggwi kwak minogo piigwi, pak langgunogo pugwi kwak eerogo piigwi, ineebe lek eerogo piigwi, maluk eeppiigwi, eeruwak nduk, eekwi iigak, nenegen wogoren nege nagagirak ndak-ndak, yogondak o wukwi kwak eekwi, awi yakwi kwak eekwi, eekwi iigak, nenegen wogoren nege logogin o,” yinuk, Aliku ALA nen aret yegerak o.

Yetikiyen 19:12

Togop aret kwe, aakumi inanini nen kinogo nggween paga nggimbogo mbareegwa, O wiya oonegen wundi wage menggim pa'nggwe nen warit wage logonet, aganggen nen eyo nogo teebat eerogo pege kenok, Anggen yugu nogo mono-mono wambit nagagerak o. Ndi, eno'mbak omaawi nogo kalenak-pugunik nagagerak mbuk age mbareegi, kani nen tigitogon nenggegerak.

Ndaniyen 11:4

Togop aret eerit-eerit irip paga at abu'me piinok logowam ti, mbogut oolo ya'i o wiya agi-ogu, aru-ogwe, warit wage menggim pa'nggwe o nenaarak time mogonik-mogonak arit namenggerak me, at paga wiganak nen o 4 mogonnarigin time wone lengganogo yorogwe, aa'nduk at abu'me piinok logowam omaawi logomenggi kwak wonogwe, eeko logogun lek o. Ata, at abu'me piinok logowam ti, abu lek age kagak, aap alik unde eeppiyaagin o.

Mika 5:14

Yi aakumi ndi aakumi noone koneniyak ineebi mbakwi nogo onggo nanini eeppiige, Nanini kani negen wunuk ari logonet, eekwi onggo inoba kwippiige, Eeke logogin o,” yinuk, yegerak me, yokkiragi o.

Takariya 1:6

An noone ari, wone lengganogo pege, eeke nagagirak nogo, it wone yorage neegak, yoraga nayeloman mini nen yorogo logowak nduk, wone lengganogo yoragagirak nogo, kombomini ndak-ndak eeppiige neyareegwaarak, ilik, lek a? Ti eeke neenok, inomaluk mbo punuk, yogo logonet, Nit nineraambe maluk logonet eerit nugwi, nit maluk lombok eerit nugwi, eeko monggoorak nogo, at Omaawi Lombok Menggerak Aliku ALA nen onggo eeppinaniyak kooneegerak nogo ndak-ndak eeppinanege me, op aret, yereegwaarak nogo lek a? yinuk, yoret,” yegerak me, yokkiragi o, yoragagerak.

Lukat 19:27

Ndi, it ninom ogoorak logonet, At ninowe endagembogut a'nuk, ninarum logorak, Nineebi o, yagaarak nogo perak, wogoret wogo logomonggotik, nenegen neegak, inoo'nip, yoragagerak o,” yinuk, Yetut nen aakumi nogo yoragagerak.

2 Tetalonika 1:8

it aakumi Ala ineenggo'lek obeelom wone ninowe Yetut eeke nagagerak wone nogo wagangga'lek iinok, maluk onggo wogora woraagin eyom nogo paga niniki tayenogo pinanigin o.