Yeremiya 12:1 - Ala Wone Peenok Peebi Mbanak

¹ Kaliku ALA wae. An wone noba agaatak yokkiri wage neenok, nawone abu abe amburu mbanogo mban yo'nege menggendak kwe, Kat a'me nggelok eeppiige menggendak wone mbuura'luk ambi yokkiriyak mbakirak nogo yi aret. It maluk eeka ineebe obeelom logonet, inale'nggen mban wonogwe, Ndi, it kat koone liirogon eeka'lek nogo nen inambi abe mban nunggwi, Eekwi nogo ti, nonggop nduk?

Yeremiya 12:1 ပူးပေါင်းရင်းမြစ်များ

Wakkagagerak 18:25

Kat nen it aakumi obeelom eeko menggaarak inom, maluk eeko menggaarak inom, Ndak-ndak aret o, yinuk, abok lambuk togon inooriyak ti mage o, nogoba. Yi aakumi ndi aakumi inomaluk inom, abe inom, inowak loongga kat aret me, yiluk-yiluk inowak loongge menggerak kombarukwak me, togop eerugun o, nogoba.”

Etara 9:15

Togop lek aret kwe, kat Iterali ninogoba Kaliku ALA wae. Kat abu obeelom a'me nggelok mban eeke menggendak me, ninooka'lek ando iluk yumbunogo teppinaneegindak o yogondak wonogwe nit yi aret o. Maluk eekoorak kagak nit ambi kat kenggaanom paga ya'i mi'ndak logorak meek aret kwe, maluk ninoba lenggenak kagak mi'ndak ogoorik o,” yinuk, tamban eereegirak.

Nekemiya 9:33

Yi wone ndi wone ninoba age kagak kwe, a'me nggelok eeppinanege, ndi, nit maluk lombok eekwi niigak, kat nen li'lak aret eeppinanege, eeke nagagindak o.

Ayup 12:6

It aap o piyangga nogo iname op aret wonage, Inagugi yonggolak wonok nugwi nen Ala anini wunduwak nduk eeppugwi nogo, Iniki ugun tayenak aret wonogwe, Eeko agaarik o.

Ayup 13:3

Togop aret kwe, At Omaawi Lombok Menggerak nogo an nimbirak wone mbangge, Ala enggaanom paga naana'le mbanggolage, Eerikit mbake me,

Ayup 24:12

Kambuwok nduk, iniki oone agan nugwi, Andi-pandi logonet, Obeelom ee'ninabu o, yogwe, Eekwi nogo It kota wonogwe nen konenggo menggaarak kwe, Ala nen, Kit maluk eeppinagagwi nogo, onggo it eeppiyaakit o, yinuk, Yoraga'lek aret wonage agaarik o.

Ayup 24:23

Nit op wonogwe mbakwi nogo, Mbako logowak nduk Ala nen teppiige logonet kwe, It eerit nugwi nogo enegen wogonake menggerak.

Ayup 8:17

Yugum logonak me yerek-perek eerogo nappit nage, Yugum ambe nggaganak me mambit nage, Eeke menggerak kwe,

Ndawi 116:5

At Aliku ALA ti, Iniki yanggo yinuk eeppinanege, Eekwi ndak-ndak eerogo pinanege, Ninogoba Ala ti, ninabuwa lombok mbake,

Ndawi 119:137

Kaliku ALA wae. Kat kiniki abe koonak mban menggendak me, Eekaatak ndak-ndak eeppiigo logorak koone yugu ti, Abet mban aret wonage menggerak o.

Ndawi 119:75

Kaliku ALA wae. Eekaatak ndak-ndak eeppiige menggendak wone neenu me, Kat liirogon eeppanege logonet, Aaninggin-paaninggin noba paneegindak keege agarik o.

Ndawi 145:17

Aliku ALA eerit nage menggerak abok aret A'me nggelok mban eerit nage, At eeke menggerak abok aret ti, Aakumi inabuwa mba'nuk eeppiinet nage, Eeke menggerak.

Ndawi 37:1

Mbaa'mbuk ndoonak tebat arit nage, Iri'ngga-kale'ngga mbet-mbet mbuk age, Eeke menggi kwak, Aap maluk eeka ti, togop aret aganake menggerak me, It maluk eerit nugwi paga kinanini age, It wone taganogo punuk eekwi ti, “An eerikit lak it mban eekwi yi ao!” Yinuk, kineebi inombakwi, Eerugup o.

Ndawi 37:35

Eyo anggen wangge me, taati nen mbilambunuk Kwit agan lagangge nagaatik, mbuk age menggi kwak, Aap maluk eeka inogogun worokot ambi togop aret wonagaatik,

Ndawi 51:4

Kat aret maluk eeppagage, Aap alik lek kat lombok maluk eeppagage, Maluk eeriyak keebi mbake menggendak nogo kagak aret eeke, Eekirak me, Eekirak onggo eeppaniyak nogo ti op aret mbake, Ndi, nowak loonogo punuk, Aaninggin noba paniyak mbake nogo ti, a'me nggelok aret eeppanumunggun kombake, Eeke agarik o.

Ndawi 51:6

Aap iniki ambit mban wonogwe iinok, Kat kinikilom mbake menggendak me, Niniki warak lombok logokit nduk, Liirogon mamunnege logot o.

Ndawi 92:7

Iri'ngga awi mbilangge menggi kwak, Aap maluk mendek nogo togop aret awi mbilanit nugwi, It maluk eeko menggaarak abok nen Maluk wone mban wiganit nugwi, Eeko menggaarak kwe, Ineebe lek eerogo piyamenggerak mondok aret logogin o.

Kini Wuppiige 1:32

It aap iniki yuundurak nogo nen tu abe mbo punuk nomo agan nogwe paga it aret ineebe wakkologwe, Ndi, aap iniki wi nen eeriyak kagak eeka'lek paga it ineebe aret lek eerogo pakwi, Eeko menggaarak kwe,

Wone Alom Kibingga 8:14

Ambi o nggween paga yime we aanom warogo age kagagirak nogo yi o. It aap maluk mendek nen eekwi paga eeppiyoorak nogo, aap iniki abe koonak nogo inoba age, ndi, it iniki abe koonak nen eekwi paga eeppiyoorak nogo, it aap maluk mendek inoba age, eeke kagagirak o. Ti kunduk, we aanom warogo liippit ungguurak kagagirak.

Yetaya 41:21

Aliku ALA nen, “Kit eekotak wone nogo yinip o,” ari, At Yakup ogoba nendagembogut nen, “Alom yogop nduk eekoorak, kin paga mbinininip o,” ari, Eeke agaarik o.

Yetaya 48:8

An yorage nogo inaruk konenggwi, liippugwi, eeka'lek aret agaarik o. O aa'nduk nen inaruk logu negen eeppunuk wonogwe iinok, Nda'nogogwaarak kuli nen nok yogondak kuli aakumi nen, Inogogun ambik o, yinuk, yorogwe iige, Ndi, an kunduk, wone yorage taganogo punuk, alik agan nugwi abet aret iige, Eeke minggirak kwe,

Yeremiya 11:20

Togop eeppaniyak yagaarak kwe, eekaatak a'me nggelok eeppiige logonet, inowak loongge, Nit niniki mbakwi, Ndogop eerikit, niniki koonggwi, eekwi nogo ninabut mbangge, Eeka Komaawi Lombok Menggendak Kaliku ALA wae. Nawone amburu mbanenok nduk, neebe aret wokkigirak me, kanini nen it eeppiige keyaakit o.

Yeremiya 12:6

Koreewi inom, kowe-kawot lombok inom, nen maluk eeppagarak koonggo logonet kwe, inoone yanggok-yanggok yokkugwi, Pikkabuwok nduk yonggo piinok, inoone yina-yina yokkugwi, Eekwi me, Inoone amburu ndik-ndik yokkugwi iinok, Yi abet aret yo'nogo agaarik o, yinuk, koneniyak mage,” yegerak o.

Yeremiya 3:20

It Iterali paga wiganak ti, Kwe ambi ogonggelo mbo punuk ugun-ugun eerit nage menggi kwak, an mbo paninuk ugun-ugun eerit nogwe iigi o,” yinuk, yegerak me, yokkiragi o.

Yeremiya 3:7

Ti eerit nugu logomenggaarik, iniyokan yungguk togon neya woraagun ilik? mbareegirak kwe, neya waga'lek mbo paneegwaarak o. It inawuluk Yekura ogonggelo mbo punuk ugun eerit nage menggi kwak nogo nen oweewi Iterali eekwi nogo enegen iyareegerak o.

Yeremiya 32:16

Nggween onggo pugu liiru mbanak nogo at Neriya aput Mbaruk wogoge nagagirik, Aliku ALA yoge logonet,

Yeremiya 5:11

It Iterali paga wiganak inom, Yekura paga ndarak inom, an ari liippunuk, mondok eeka'lek aret agaarik o,” yinuk, at Aliku ALA nen aret yegerak o.

Yeremiya 9:2

Aakumi tu paga wogwe nogo, nogo yegak inake o karume nawi wurik wonage logowak lak, ao! Togop wonage nen, it aakumi nowe-nawot abok aret ti, Kumi ugun-ugun eeginabit nugwi, Wone yugu liippunuk, eekwi lek taganogo mbo pugwi, Eeko menggaarak me, Time mbo piinok, nalik o karume tayorogon time ari nanetak o,” Yinuk, yagarak o.

Leendawi 1:18

“At Aliku ALA ti, obeelom lombok wonage kagak, an nen at eeriyak yo'nereegerak nogo taganogo pereegirak me, Kit yi aakumi ndi aakumi abok yi wae! An naagalogwe komologwe inom, wologwe tawe inom, keele maageren mbo piya nogogwaarak kenok, Niniki andi negen wonage yi, liippanugwi, Noone yokkirage yi, kinaruk konenggwi, Eeko logonip o.

Yetikiyen 18:25

Togop kwe, it nen yogo logonet, Ninogoba nen eeriyak koongge ti, ndak-ndak lek kagak koongge agaarik o, yogwe iigirak kwe, it Iterali mendek ti, an ari yi, inaruk konenggo logowak o. An eeriyak koongge ti, ndak-ndak lek ilik? It eeriyak koonggwi ti, ndak-ndak lek a? It mban iniki kwaakkolaawak o!

Ndaniyen 9:14

Togop aret me, Kaliku ninogoba Ala eerit nage nogo, a'me nggelok mban eeppiige menggendak me, aaninggin ninoba kwippinaniyak koonak wonage nogo ti, ninoba kwippinanegendak kwe, kat yo'nirage nogo ninaruk liirogon konembunuk eeka'lek aret ogoorik o.

Ndaniyen 9:7

Nogoba wae. Kat obeelom mban eeppinanege menggendak kwe, nit aap Yekura mendek inom, aakumi Yerutalem mendek inom, aakumi nit Iterali mendek nen kat koone liirogon eerulik paga yi o ndi o mbo pinaneegindak aakumi inenggela'me mak aago nda wonogwe inom, koorok wonogwe inom, nit abok aret ninenggali mbakak yogondak wonogo ogoorik o.

Oteya 6:7

“At Aram noone tagambunuk maluk eereegerak nogo kwak, it ninom wone abu nggaruk togon koonogo pereegirak nogo taganogo mbo pugwi, O time nen liirogon mu'neren waga'lek mbo panugwi, Eereegwaarak o.

Abakuk 1:4

Togop aret me, wone eeko logorak yugu nogo omaawi lek eerogo pugwi, A'me nggelok eeppiinet nogo logorak wone nogo eeka'lek tayoppugwi, It aap maluk eeka nen it aap iniki abe koonak nogo, inawone liirogon mbangga'lek yaga-taga eerogo pugwi, Eekwi ti paga A'me nggelok eeko logorak wone yugu nogo a'me ageelik alik aret age menggerak o.

Tepaniya 3:5

Aliku ALA at enggela'me wonage logonet, maluk ambi eeppiigeelik obeelom mban eeppiige, At puk aga'lek ko'lu-kii'me o kubondendok nen inawone amburu mbanogo punuk, a'me nggelok mban eeppiige, Eeke menggerak kwe, It aap maluk eeka iniki nggolawe nogo, inenggali mbaka'lek maluk mban eerit nugu menggaarak o.

Maleyaki 2:17

Kinoone agan nugwi paga at Aliku ALA koneniyak anggon eerogo pogotak kagak kit nen yogo logonet, “Ninoone nonggop yogwe paga at koneniyak anggon eerogo pogoorak?” yogwe ti paga an yokkira o. Kit nen yogo logonet, “It aakumi maluk eeko menggaarak ti, at Ala nen inooka'lek teppiige me, Op aret eekwi, mbake,” yogwe, ndi, “A'me nggelok eeke menggerak Ala nogo ngge o?” yinuk, yogwe, eekwi ti paga at Aliku ALA kinoone koneniyak anggon eerogo pogotak me nduk, yokkirage agaarik o.

Maleyaki 3:15

It aap maluk eeko menggaarak ti, ineenggi warak ogwe, it aap nen, Ala maluk eeppanege kaamun ilik? yinuk, maluk eekwi kwe, ineebe op mban wonogwe, eekwi iigwi me, o yogondak nen it aap iniki wogoppakwi ti, inale'nggen mbako menggaarak yogo logogun, yogwe ti paga niniki andi negen eerogo panugo agaarik o,” yinuk, yegerak me, yokkiragi o.