Yeremiya 11:21 - Ala Wone Peenok Peebi Mbanak

²¹ An togop aret yagarak me, it aakumi Anatot mendek nen an nooriyak eeko logonet, “Koorumonggoorak kambukwak, Aliku ALA nen yo'nege kagak yokkirage agarik o, mban agan nage ti mage o,” yinuk, yogwe nogo paga

Yeremiya 11:21 ပူးပေါင်းရင်းမြစ်များ

Yetaya 30:10

Aap inabi kaga nogo, Kinabi ambinom koorak mage o, yinuk, yorogwe, It aap an nen yorage neegak yoraga nogo, Obeelom eeko logorak kinigen kenok, ambinom yo'niroorak mage o. Ata, wone ninikilom mbakwi mendek mban yo'nirogwe, Ndogop kwak ee'ne, mbakwi nogo mban yo'nirogwe, Eeko logonip o.

Yeremiya 1:1

It Mbeniyamin mendek wonogo menggam kota Anatot Ala unde eeke nagagerak ambi endage Kilikiya aput Yeremiya nen wone yereegerak nogo yi aret.

Yeremiya 1:19

It nen tebenogo pagawok nduk eeremenggaarak kwe, kat nimbirak wonage, ndi, an nen kagap ndake, eerigin me, tebenogo pagarak meek aret kaagun o,” yinuk, Aliku ALA nen yo'nereegerak o.

Yeremiya 20:10

It aakumi apit aret nen, Inamineeri ne agan noorak mendek yi o ndi o ndak warit nege o. At eekerak yora nawi, yora nawi, yinuk, Inoone mumun paga yogwe naruk konengge agarik o. Noreewi kunduk nen an ambi eeriminggirak paga yilunnabuwok nduk, to'neego logonet, Ambokan laganemenggaarak paga yigeebu wangge kagak Nit tebenogo punuk, oone omaawi paga yo'nirage nagaarak nogo onggo eeppuwok o, yinuk, yogo agaarik o.

Yeremiya 26:8

Aliku ALA nen, “Yoret,” yoreegerak nogo abok aret it aakumi apit aret yorage mbareegi, it aap Ala unde inom, it Ala nen yorage kagak yoraga inom, it aakumi abok aret inom, nen pippunuk, mba yogo logonet, “Kat mondok koorugun aret o!

Yeremiya 32:7

“At kogobaluk Talum aput Kanamen nogo kat keya wage logomenggerik, An nanggween mbanak o Anatot wonage nogo kuniyak mbakirak me, noreeluk kat nen aret kuniyak op me, yu o, yinuk, yokkiri wage kaamunggun o,” yinuk, yo'nereegerak.

Yeremiya 34:20

it inom wim mbanak nen inooriyak mbakwi nogo ineenggime piyaagin o. Piige neenok, inooremenggaarak ineebe ti, yi towe ndi towe wiga agan nega inom, ndiimbu-nggwiya nggween paga nega inom, inambi-inambiingga aret arugun o.

Amot 2:12

“Ti eereegirak kagak, it aap nake leenak logorak kumbuk mbaneegwaarak nogo, Anggur amburu nawak nduk inoone omaawi paga yorogwe, It an yorage neegak yoraga nogo, Wone yo'niroorak lek o, yinuk, yorogwe, Eereegwaarak o.

Matiyut 10:21

Ore ambi waruwak nduk, ore ambi nen eenggi pigogo wogorage, apuluk waruwak nduk, ogoba nen eenggi pigogo wogorage, inapurilogwe nen inagalomini-inogobamini inom ogooppunuk, inooruwak nduk, yorogwe, eerugun o.

Matiyut 21:35

Nappiya wage mbareegi, it at awi yareegerak arum wonogwe nogo nen at awuri nogo pippiinok, ambi yawi wakwi, ambi mondok miin wakwi, ambi yugum toguurit wakwi, eeginabeegwaarak.

Matiyut 22:6

Ndi, it ando nen perak, at ayeloman mini yonggo nappiyareegerak nogo, ineebe pigogo inenggali wappiinok, inooreegwaarak.

Lukat 4:24

Yorage nagagerik, “It aap inawi alom paga logonet, Ala yoge kagak yorogwe iinok, inowe-inawot inaruk liirogon konenggulik o, yinuk, abet aret yokkiragi o.