Yeremiya 11:16 - Ala Wone Peenok Peebi Mbanak

¹⁶ Eyo tayitun abe kwit agan lagangge logonet, anggen abu obeelom mban yege menggi kwak, At Aliku ALA nen kinendage ti aret toonogo pinagareegerak kwe, O wiya nggwok alik negen wage logonet, Eyo kani wuninogo pege, eno'mbak kani wunuk agan nenet nage, eeke menggi kwak eerogo pinagagin o.

Yeremiya 11:16 ပူးပေါင်းရင်းမြစ်များ

Ayup 8:16

Iri'ngga mo paga wonage nogo, Engga mili lagangge logonet, omanggen yarak me ndoonogo nagabit nage,

Ndawi 52:8

Togop yugun kwe, an perak, Eyo tayitun mili kwit agan lagangge menggi kwak Ala awi wurik me logonet, togop aret agarik o. Ala iniki kunik ee'nabit wundi wage menggerak nogo paga Niniki mondok-mondok panggonak aret logogin o.

Ndawi 80:16

Eyo yareegindak nogo muurogo punuk kani kunggwi, Kenete aagi eeppunuk mberiragagindak paga It kat kapuri inenggaawak lek eerogo piigwi, Eekwi me,

Ndawi 80:17

At kat keenggi abe'nggan paga mi'ndak wonage nogo, Aap aret nda'nagagerak leenogo mippateegindak nogo, Eebe op logowak nduk arum logot o.

Ndawi 83:2

It kinom wim mbanak nogo noone-koone yogwe, Ineebi kombakwi nen kat ari keenok inuut nimik yogwe,

Yetaya 27:11

Ndi, eyo eno'mbak ti mbuk age kenok, it kumi nen wogo logomenggaarik, Kalembunuk, wonok nanuk, kani kunggo logogun o. It aakumi yi ti, iniki lek kobak aret wonogwe me, at ogobakkigirogo piiga nen inabuwa mbake, At ogobakkigirinaka nen obeelom eeppiige, Eerigin lek aret o.

Yeremiya 2:21

Eyo anggur awi abu abe kero leenogo yako mengga kwak it togop aret eerogo piyareegirak kwe, Yogondak an mbakirak ndak-ndak aga'lek eyo anggur abe lek ogun penaame mendek kwak ogogwaarak ti, Nonggop eeginabeegerak paga ogogwaarak?

Yeremiya 21:14

At eerit nege ndak-ndak aret aaninggin oba pigin o,” yinuk, Aliku ALA nen aret yegerak me, yokkiragi o. “At agayoongga kani wuninogo piminggirak nenet nage logonet, Enaagan-ambokan yi mendek ndi mendek wonage nogo pup eerogo nenet nagin o, yinuk, yo'negerak me, yokkiragi o,” yinuk, yoragagerak.

Yeremiya 7:20

Yo'nege nagaarik, Aliku Itok Menggerak ALA nen yegerak nogo yi aret. “Nanini kani kunik pogom o yi paga wuppi woraminggirak paga aakumi ineebe inom, inaanggumi inom, inageyo inom, ineyabu yarak anggen mbanak inom, abok aret nenet nage logogin me, nogonogo puurak meek aret kaagun,” yegerak o.

Oteya 14:6

Konaananggen luurogo punuk, yarak ki eerogo pege menggi kwak, it Iterali obeelom eerogo piige neenok, Waambi anggen yikit nduk, kemenogo nippege menggi kwak, it togop aret wonogwe, Eyo nggabina Libanon mendek omanggen wurabit nage menggi kwak, it togop aret wonogwe, Eyo agarip wunggetak nogo kwit agan lagangge menggi kwak wonogwe, Eeko logogun o.

Matiyut 3:10

Ye eyo alom muk kundugu agaarak me, yi eyo ndi eyo anggen obeelom mendek yege lek kenok, muurogo kani kunik me mambigin o.

Yaya 15:6

Eno'mbak mbanogo mbo nappegaatak mbuk age kenok, aakumi nen kuwak eerogo kani kunik me mbo mambugwi iinok, kani nen nengge menggi kwak, kit an ninom kunik lek kiinok, togop aret eeppinagagin o.

Pelaareegerak 28:40

eyo tayitun awi kinanggween paga apit aret yarak wonage kwe, anggen yugu mono-mono wambemenggerak me, kit nen amburu aambiranogo tookkolaga'lek wonogwe,

Wayu 11:4

Eyo tayitun mbere inom, ndi, ndi wuninogo pegak mbere inom, at yi mendek ndi mendek alom unde ninogoba abu'me menggerak nogo pogom ti, it Ala wone yorogo menggaarak ineebe mbere nogo aret o.