Yeremiya 11:15 - Ala Wone Peenok Peebi Mbanak

¹⁵ It an napuri niniki kunik nogo nen an nawi wurik me logonet, Inoreewi ambik inom maluk eeriyak koonogo pit nogwe ti, nonggop nduk eeko agaarik o? Ndomba nake nggomoorak titik nugwi ti paga Maluk eekwi onggo eeppinanigin lek teppinanigin, mba'nuk inale'nggen mbako agaarik ya?” yinuk, yegerak o.

Yeremiya 11:15 ပူးပေါင်းရင်းမြစ်များ

Ndawi 50:16

“Kit maluk eeka yi, eeko logorak wone yugu mbininggwi, Wone abuk nggaruk togon koonogo pereegirak nogo We kinambe paga mban yogwe, Eeko monggotak nogo ti, Nonggop eeriyak nduk eeko ogotik?

Ndawi 60:5

Nit aap kiniki kunik ee'ninake menggendak nogo Ninagap ndarak logowok nduk, “Yeenggwa niret,” yokkugwi yi, karuk konembunuk, Kat keenggi abe'nggan paga ninagap ndaru o.

Kini Wuppiige 10:23

Aap iniki lek wi nen maluk eeriyak inikilom mbako menggaarak kwe, Aap iniki ngget nen perak, iniki warak logorak inikilom mbako menggaarak.

Kini Wuppiige 15:8

Aap maluk mendek nen ake warogo Aliku ALA wogogwi nogo, at eebi lombok mbake menggerak kwe, Aap iniki koonak nen tamban eekwi iinok perak, koneniyak inikilom mbake menggerak.

Kini Wuppiige 21:27

It aap maluk mendek nen Aliku ALA ake warogo wogogwi iinok, eebi lombok mbake menggerak me, Iniki maluk ambi koombunuk ake warogo pit wogwe iinok perak, abunuk eebi lombok mbake menggerak o.

Kini Wuppiige 26:18

Aap ambi nen ore ambokan lagangge logonet, “An ti, we noonewak aret yagarak o,” yinuk, yoge nogo ti, Aap kumili nen kani kunik maale paga nggelembunuk namburogo nappege, maale irip paga mbeeli perenak nambuke, Eeke menggi kwak aret wonage menggerak.

Kini Wuppiige 28:9

Aap ambi nen wone yugu nogo, “Naruk koneniyak neebi o,” yinuk, aruk nakkolage kenok, At tamban eeke nogo Ala nen, “Koneniyak mondok neebi,” ari logogin o.

Yetaya 50:1

At Aliku ALA yegerak nogo yi aret. “Kwe yi neebi o, yinuk, wumbege logonet ninarum wonogwe inenggaanom paga liiru mbanogo kagalo wogoreegirak ngge o? Ndi, an nanomat mbanak porogo wonogwe me lek aruwak nduk, keebe waganogo ayeloman logonok nduk wogoreegirak aap ta o? Lek aret o! Kat maluk eeke keenok, aakumi inayeloman logonok nduk, keebe waganogo aakumi wogorage, Kat maluk eeke keenok, Kagalo neebi o, yinuk, mbo pege, Eereegirak o.

Yeremiya 12:7

Aliku ALA nen ari logonet, “An napuri aret kwe, mbo piige, Neyate kwak unde wonage nogo teppiige, An napuri niniki kunik aret kwe, it inawim ineenggime piige, Eereegirak o.

Yeremiya 13:27

At mbabilu eekko'net nage, Iniki aganggen nen, Ee'nabinip o, agan nage, Enggali mbaka'lek, Ee'nabinip, mban aap ugun-ugun yoranet nage, Eyoongga ku'mbanak me inom, yabu nggulaame inom, ogole warak lombok eerit nage nogo abok aret kagaarak me, At Yerutalem ti, abuwa o! Yiluk-maluk eerak kagak, ne mande logogin o?” yinuk, Aliku ALA nen yegerak me, yokkigi o.

Yeremiya 15:1

Yoge mbaki, Aliku ALA nen an yo'nege logonet, “It Muta Temuwen imbirak kunduk nenggaanom paga mi'na'nuk, It aakumi yi, inabuwa mbaru o, yo'neremenggaarak kwe, an nen, It aakumi yi, inabuwa mbarigin mondok lek o, yoraagin me, kat nen it yi, an wonage me nen nawak nduk wumbiyet o.

Yeremiya 23:11

“It aap an noone yoraga inom, neebe unde inom, An noone liippega'lek ugun eerit nugu logonet, nawi wurik me kunduk maluk eerit nugwi iigirak o,” yinuk, Aliku ALA nen aret yegerak o.

Yeremiya 3:14

Aliku ALA nen ari logonet, “Kwe ogonggelo mbo punuk eerit nega kwak it napuri ti, inogonggelo kwak an aret me, iniyokan neya woraawak o. Inawi kota lombok nen it ambi nggigik, inanebunu lombok nen it mbere nggigik, eerogo piinok, wogoren o Tiyon piya woraagin o.

Yeremiya 3:8

Ogonggelo mbo punuk ugun-ugun eerit nage kenok, Kwe yi mbo pigi o, yinuk, liiru mbanogo wogo'nuk nappogo mengga kwak, it ugun eerit nugwi Iterali nogo togop aret mbo piyareegirak o. Iterali ugun eerit nugwi inawuluk Yekura nogo nen enegen iyareegerak kwe, agabiti mbaka'lek wundi nanuk, togop aret ugun-ugun eerit nege kagagirak o.

Oteya 3:1

Aliku ALA nen an yo'nege logonet, “Kat kakwe ti, terak wuka aap alik nen iniki kunik eekwi iigak kwe, wa nanuk, kiniki kunik eeke logomunggun o. It aakumi Iterali mendek inogoba an aret wonage neegak kwe, mbo paninuk, kugi ayuk wukwi, anggur anggen woloonak paga oroti worarogo punuk, kugi ake pugwi nogo noorak inikilom mbakwi, eekwi iigak kwe, Naliku ALA nen it Iterali mendek niniki kunik eeginake minggi kwak, kat kakwe ya wukak ti, kiniki kunik eeke logonok nduk, wa nak o,” yinuk, yo'nereegerak.

Matiyut 22:11

Laago nawok nduk, o yagabit ari unggwogogwaarak wonogwe me, aap endagembogut nogo nen enegen yambeninabi unggwage nagagerik, kumi lambumbiigo logonet, laago noorak nduk, inayum yikkologo menggaarak nogo mendek aap ambi yirik lek kage nagagerik,

Lukat 8:28

At nen Yetut kage nagagerik, abu'me ngginnari nage logonet, oone nggwok paga, “Yetut wae! At Tiyanak Lombok Menggerak Ala aput kat Yetut yi, an nonggop ee'nabikit nduk wagan o? An nooke keyo nduk, yokkigi o,” yoreegerak.

Oroma 11:28

It aakumi Iterali nogo nen “Obeelom wone woorak, nineebi o,” mbako mbareegwa, Ala inom ogoorak wonage paga kit endekem konenggulik mendek obeelom wone aret waganggo ogotik kwe, Ala nen Iterali miirinake nagagerik, it aap Abarakam inom, Itak inom, Yakup inom, eeppiyoorak wone abok yoragagerak nogo paga nen perak, inom iniki kunik wonage agaarik o.

1 Korindut 13:6

It aakumi inabuwa mbako logonet, eekwi ti, maluk eeriyak inikilom mbakulik o. Ata, Ala ari menggerak eerit noorak mban inikilom mbako menggaarak.

Titut 1:15

It aakumi iniki obeelom menggaarak kenok, it inigen me yi mendek ndi mendek obeelom mban aret kogo menggaarak. Ndi, it aakumi abet mbaka'lek maluk mban eeko menggaarak kenok ti, eeriyak inikime abe'nage inom, koonggwi inom, ti maluk mban aret me, it inigen me yi mendek ndi mendek maluk mban aret kogo menggaarak.

Yakobut 4:16

Ko'lu eeriyak kineenggo'lek kagak, kineenu negen eekko'nok wogoppakwi ti, maluk aret eekwi kiigi o.