Yeremiya 11:14 - Ala Wone Peenok Peebi Mbanak

¹⁴ Togop me, aaninggin inoba ariyak eyom paga, Yeenggwa niret o, yinuk, yo'nugwi iinok, inoone an konenigin lek me, it aakumi yi, inake nen tamban eeke, Ndogop eeppiyet o, yinuk, an nggino yo'nege, Inagap ndaru o, yinuk, an yo'nege, eeriyak mage o.

Yeremiya 11:14 ပူးပေါင်းရင်းမြစ်များ

Ndawi 66:18

An maluk eeriyak ninikime koongge logonet, Nogoba Ala yo'netak en, at aruk konenenetak lek kwe,

Wundeegwaarak 32:10

kat paga nen kanebunu nggwok ariyak nduk kat kalik teppagage logonet, nanini nen it apit aret lek eerogo piyoorak mbakirak me, kat nen non mbanogo paniyak mage o.”

Yeremiya 11:11

it apit aret inagap ndakko'nok mbaganiyak meek aaninggin nggwok mendek inoba kwippiyaagin o. Kwippiige neenok, Ninagap ndaru o, yinuk, inoone nggwok paga yo'nirugun kwe, an nen it yo'nugwi ti, naruk konenigin lek aret o,” yinuk, Aliku ALA nen aret yegerak o.

Yeremiya 14:11

Ari nagaarik, an yo'nege logonet, “It aakumi yi, obeelom eerogo piyaakit nduk, inake tamban eeriyak mage o.

Yeremiya 14:12

It nen inambe mage negen logonet, Yeenggwa niret o, yinuk, nggino yo'nirimenggaarak kwe, inoone yogwe an naruk konengge, ndi, ndomba warogo nake kani kunggwi, gandum anggen yigirik niri wogwe, eeremenggaarak kwe, nale'nggen nen wagangge, eerigin lek o. Ata, wooluwak paga, mbi noogelo paga, kugilingga paga, ineebe lek eerogo piyaagin o.”

Yeremiya 15:1

Yoge mbaki, Aliku ALA nen an yo'nege logonet, “It Muta Temuwen imbirak kunduk nenggaanom paga mi'na'nuk, It aakumi yi, inabuwa mbaru o, yo'neremenggaarak kwe, an nen, It aakumi yi, inabuwa mbarigin mondok lek o, yoraagin me, kat nen it yi, an wonage me nen nawak nduk wumbiyet o.

Yeremiya 7:16

Aliku ALA nen an yo'nege logonet, “It aakumi yi, inake tamban eeke, Yeenggwaaret o, yinuk, an nggino yo'nege, it ambi mendek lek kenok, Eeppiyet o, yinuk, yo'nege, eeriyak mage o. Kat nggino yo'nirimenggendak nogo an konenigin lek o.

Oteya 5:6

At Aliku ALA ninom lambunuwok o, yinuk, Inaanggumi tapi-ndomba wonok nake pi woramenggaarak kwe, an ninom lambungga'lek aret wonogwe, It inenggela'me nen mbo piinok mbaganggirak neegwi, Eerugun o.

Takariya 7:13

At Omaawi Lombok Menggerak Aliku ALA nen ari logonet, “It wiirage neenok, Ninaruk koneniyak nineebi o, mba'nuk mbo pereegwaarak me, it nen nggino yo'nugwi iinok, an naruk koneniyak neebi o, yinuk, mbo pereegirak o.

Maleyaki 2:13

Ndi, ambi eekwi kiigirak nogo ti, at Aliku ALA ake warogo wogogo menggaarak eerak nogo paga kinale amburu paga miin nggulu eerogo pogo monggotak. Pogo logonet, Nit Aliku ALA wogori wogwe nogo liippege, nineenggi lombok paga nen iri wogwe kwe, ale'nggen nen wagangge, eeka'lek o, yinuk, le yogwe, kiniki wakkologo logonet, leenggu maakwi, eeko monggotak o.

1 Yaya 5:16

Aap ambi nen maluk eeriyak iniki miippatinuk eerit nage kinigen kogo logomonggotik, at kani omoonu'me noorak nduk, eekwi nogo mendek eerit nage me, ake Ala yorubagip nduk, yokkirage ti lek o. Ata, kinore ambi Ala nen ninomaluk lek eerogo pinaniyak nogo mendek eeke kinigen kogwe kenok, Ala nen omaluk lek eerogo punuk, eenik mondok logorak mendek unde logowak nduk, “Ake Ala yogo logonip o,” yinuk, yokkiragi o.