Yeremiya 11:11 - Ala Wone Peenok Peebi Mbanak

¹¹ it apit aret inagap ndakko'nok mbaganiyak meek aaninggin nggwok mendek inoba kwippiyaagin o. Kwippiige neenok, Ninagap ndaru o, yinuk, inoone nggwok paga yo'nirugun kwe, an nen it yo'nugwi ti, naruk konenigin lek aret o,” yinuk, Aliku ALA nen aret yegerak o.

Yeremiya 11:11 ပူးပေါင်းရင်းမြစ်များ

2 Endagembogut 22:16

At Aliku ALA nen ari logonet, It aakumi Yekura nen an mbo paninuk, nobaane'me kugi inake warogo kani kunggwi, ineenggi paga inagugiwak ogobakkigirogo tiyappugwi, eereegwaarak paga nanini mbareegirak me, an nanini lek aga'lek kani omoonuk negen itok kunik o Yerutalem oba wonage me, at aap Yekura inowe endagembogut nen mbuku mbanak malenggerak nogo ndak-ndak, o kota yi paga inom, it aakumi yime menggaarak inom, aaninggin mondok alik negen inoba kwippiyaagin, yegerak o.

2 Mbinineegwaarak 34:24

At Aliku ALA nen ari logonet, It aakumi Yekura nen an mbo paninuk, nobaane'me kugi inake warogo kani kunggwi, ineenggi paga inagugiwak ogobakkigirogo tiyappugwi, eereegwaarak paga nanini mbareegirak me, an nanini lek aga'lek kani omoonuk negen itok kunik o yibaga wonage me, at aap Yekura inowe endagembogut nen mbuku mbanak paga pulunogo piinet noorak mbanak malenggerak nogo ndak-ndak, o kota yi paga inom, it aakumi yime menggaarak ineebe paga inom, aaninggin mondok alik negen inoba kwippiyaagin, yegerak o.

Ayup 35:13

At aret konenuwak o, yinuk, yogwe lek inoone we ugun, Ai ao, yogwe me, Ala aruk konengge, At Omaawi Lombok Menggerak nen liippiige, Eerigin lek abet aret mbake logot o.

Ndawi 18:41

Inoone nggwok paga, “Ninagap ndari woraanip o,” Yagaarak kwe, inagap ndari wogwe, “Kaliku ALA o,” yokkegaarak kwe, Karuk konembunuk, onggo yorage, Eerulik o.

Ndawi 66:18

An maluk eeriyak ninikime koongge logonet, Nogoba Ala yo'netak en, at aruk konenenetak lek kwe,

Kini Wuppiige 1:28

Ne ti eyom paga it aap ti nen an yo'neremenggaarak kwe, an wone onggo yoraga'lek puk age, An kwaa'nabit namenggaarak kwe, kwaa'neega'lek aret wonogwe, Eerugun o.

Kini Wuppiige 29:1

Aap ambi aruk waketak kwe, konengga'lek ogogumbuk mban wonage kenok, Yinip-panip at eebe aret lek eerogo patigin me, aap ambi nen at obeelom eeppuurak meek aret o.

Yetaya 1:15

It ineenggi paga aap inamiya wonage kagak eekwi me, Tamban eeko logonet, ineenggi nippunuk eekwi iinok, an nena nomok ari, Ko'lu-kii'me tamban eekak mban eeremenggaarak kwe, an naruk konengga'lek mbo pege, Eerigin o.

Yetaya 24:17

Kit aakumi o nggween paga wonogwe yi wae. Kinamineeri ne agan noorak mendek ari wage, Labu pugu ambe pan ari wonage, Yilungginaburak keele pugu wonage, Eerak aret agaarik o.

Yeremiya 11:14

Togop me, aaninggin inoba ariyak eyom paga, Yeenggwa niret o, yinuk, yo'nugwi iinok, inoone an konenigin lek me, it aakumi yi, inake nen tamban eeke, Ndogop eeppiyet o, yinuk, an nggino yo'nege, Inagap ndaru o, yinuk, an yo'nege, eeriyak mage o.

Yeremiya 11:17

Kit Iterali paga wiganak inom, Yekura paga wiganak inom, maluk eerit nogo logonet, kugi Mba'an ake obari abe kaga kani kunggo monggotak paga at awi mbilanogo kwippinagareegerak Omaawi Lombok Menggerak Aliku ALA anini mbake me, aaninggin mondok kinoba kwippinagarak koonogo pereegerak o.

Yeremiya 14:12

It nen inambe mage negen logonet, Yeenggwa niret o, yinuk, nggino yo'nirimenggaarak kwe, inoone yogwe an naruk konengge, ndi, ndomba warogo nake kani kunggwi, gandum anggen yigirik niri wogwe, eeremenggaarak kwe, nale'nggen nen wagangge, eerigin lek o. Ata, wooluwak paga, mbi noogelo paga, kugilingga paga, ineebe lek eerogo piyaagin o.”

Yeremiya 14:2

“It Yekura mendek iniki puru yogwe, Inawi kota-kota aakumi nebet-ndalok agan nega'lek wonogwe, Nggween paga nden-wan yogo logonet le yogwe, It Yerutalem wonogwe nen yeenggwaaraawak nduk, inoone nggwok paga Ala yogwi, Eeko agaarik o.

Yeremiya 15:2

Yorage keenok, it nen, Nit nggeeme nawi o? Yokkugwi iinok, kat nen, At Aliku ALA nen yegerak nogo yi aret o, yinuk, yorage logonet, It andi paga nen kambuurak kenok, andi paga nen aret kanggwi, Wooluwak paga inooriyak kenok, wooluwak paga nen aret inoorak kanggwi, Mbi noogelo paga kambuurak kenok, mbi noogelo paga nen aret kanggwi, Ndi, keele maageren piya noorak kenok, keele maageren piya nogwe, Eeruwak, yegerak, yoraamunggun o,” yinuk, yo'negerak.

Yeremiya 18:11

It aakumi Yekura mendek inom, it o Yerutalem wonogwe nogo inom, wone yoroorak nogo yi aret. Naliku ALA nen it Yekura mendek inom, it o Yerutalem mendek inom, abet aret aaninggin nggwok mendek ambi eeppiyoorak pipuk eerogo pege, inoba kwippiyoorak koonogo piige, eeke me, it inalitik-inalitak maluk eekwi nogo mbo punuk, inobaabut alik ogwe, alik ngget mendek eekwi mamunggologwe, eeruwak, yegerak, yoret o. Ndi, yoramenggendak kwe,

Yeremiya 19:15

“At Omaawi Lombok Menggerak Iterali inogoba Aliku ALA nen yegerak nogo yi aret. It o kota yime menggaarak inom, o Yerutalem enaagan-ambokan yaga'lelo-yaga'lelo wonogwe inom, inanobak yugum pogom kumbunuk iigak, yorage nagarak nogo, Koneniyak nineebi o, yinuk, yagaarak me, aaninggin-paaninggin inoba piyoorak yoragarak nogo abok aret inoba kwippiigak eeke logogin, yegerak me, yokkiragi o,” yinuk, yoragagerak.

Yeremiya 19:3

Aakumi Yekura inoweewi inendagembogut inom, it Yerutalem mendek inom, ti, Naliku ALA nen wone ari yi, inaruk konenggo logowak o. Nomaawi Lombok Minggirak Iterali inogoba Naliku an ALA nen aaninggin mondok nggwok lombok ambi o yi paga nappi woraagin me, it apit aret inaruk konembunuk, iniki mondok ma'narugun abet aret mbako logowak o.

Yeremiya 23:12

“Togop me, o apit paga nogo logonet tu eraabin ambik me, perak togon yigeebu wanggo mengga kwak, It eerit nugwi ti paga iniyogobit lik togon yigeebu wanggo logowak nduk, eerogo piige, Ndi, aaninggin inoba piyoorak eyom panggoni wage ti paga aaninggin abu alik negen aret inoba piige, eerigin o,” yinuk, Aliku ALA nen yegerak o.

Yeremiya 25:35

Aap ndomba ndegeninaka ti, kole mbaganit o ambime ari nogwe, It ndomba inarum waka ti, inagap ndakko'nok kole ambime nogwe, Eerugun mondok lek aret o.

Yeremiya 35:17

Togop me, at Omaawi Lombok Menggerak Iterali inogoba Aliku Ala nen yegerak nogo yi aret. It Yekura mendek inom, o kota Yerutalem wonogwe inom, an nen wone yorage nagagirak kwe, inaruk konenggwi, wiirage nagagirak kwe, Wae, yinuk, yo'nugwi, eeka'lek iinok, Aaninggin mondok alik negen kinoba kwippinagagin o, yinuk, yoragagirak nogo aret inoba kwippiyaagin abet aret mbako logowak, yegerak, yora nak o,” yinuk, an yo'nereegerak.

Yeremiya 36:31

Ndi, at inom, at paga wiganak inom, at ake eeko menggaarak inom, maluk eekwi paga aaninggin mondok nggwik togon inoba piige logonet, it o Yerutalem menggaarak inom, it aakumi Yekura wonogwe me inom, an ari inaruk konenggo logolik me, aaninggin-paaninggin inoba kwippiinet noorak yoragagirak nogo aret inoba kwippiyaagin, yegerak, yori nak o,” yinuk, yoreegerak.

Yeremiya 6:19

It aakumi o nggween paga wonogwe ti, inaruk konenggwi, Eeko logowak o. It an napuri yi wone ndi wone yoragatak nogo liirogon konengga'lek taganogo pugwi, Eeko logorak wone yoragatak nogo mbo pugwi, Eeko logonet, Iniki koonogo punuk eerit nugwi paga an nen aaninggin mondok nggwok lombok it aakumi ti, inoba pege agarik o.

Leendawi 2:22

Inale'nggen paga lariyak inayonggo pogo mengga kwak Kat nen inamineeri ne agan noorak mendek nenaagan-nambokan wanggeri woraawak nduk, inayonggo piyareegindak o. Kaliku ALA kanini eeppaneegindak eyom paga aap ambit ambi mbagangge, agap ndakkolage, eerulik aret o. It an nen yanggoninake, tawe eeginake, eereegirak nogo nawim nen lek eerogo piyareegerak o,” yinuk, yoreegerak.

Yetikiyen 14:3

“Aakumi nen ndarak yi wae. It aap yi nen, Kugi eeko logowok o, yinuk, koonogo punuk eekwi, iniyogobit lik togon yigeebu wambuwok nduk ti mban inenggaawak paga punuk eerit nugwi, eeko logonet, yo'nugwi iinok, inoone an nonggop togon koneniyak? Lek aret me,

Yetikiyen 7:5

Aliku Itok Menggerak ALA nen yegerak nogo yi aret. “Aaninggin ambi inoba ari wage, ambi inoba ari wage, eekak eeke kaagun o.

Yetikiyen 8:18

Togop aret me, inoone nggwok paga nabinik-nabenak an yo'nirimenggaarak kwe, inoone konengge, inabuwa mbake, inabuwa nen teppiige, eerigin lek nanini inoba kwippiyaagin o,” yinuk, yo'nege kagagirak o.

Amot 5:19

Aap ambi singa nen mugurok nage kenok, kole mbagangge me, beruang imbirak aabuk age menggi kwak, Aap ambi ame unggwi nanuk, eenggi kobat nabenak paga, “Piga,” yinuk, eeke me, waalo nen eenggi nogo eyak mbangge menggi kwak, Aliku ALA woroorak ne ti, togop aret o.

Mika 3:4

“Yeenggwa niru o,” yinuk, Aliku ALA yoriyak eyom ari woramenggerak yorumonggotak kwe, at nen kinoone konengge, Maluk eeko monggotak me, ne ti eyom paga kit tamban eekwi nogo, at etenggen kumaappatinuk wonage, Eeke logogin o.

Takariya 7:13

At Omaawi Lombok Menggerak Aliku ALA nen ari logonet, “It wiirage neenok, Ninaruk koneniyak nineebi o, mba'nuk mbo pereegwaarak me, it nen nggino yo'nugwi iinok, an naruk koneniyak neebi o, yinuk, mbo pereegirak o.

1 Tetalonika 5:3

It aakumi nen, “Wone ambi ninoba aga'lek nit abok obeelom aret me, niniki ale'nggen aret ogoorik o,” yogwe iigak, kwe abila aagaluk nda'nariyak eenggo'lek me, enegen pagak ari nogo pogom, ninowe abera'lek me wage logonet, mondok lek eerogo piya woraagin me, it ambi mbo nagun abu lek aret o.

Iberani 1:3

Ogoba mondok tiyanak eebe eya ndelenak-welenak aago kenok, “Wi!” ugwi nogo kokwak, aput ndak-ndak aret menggerak. Aput nogo ti, ogoba iniki ndak-ndak aret. Yi mendek ndi mendek wakkagagerak nogo abok aret, at oone omaawi paga pipporogo menggerak. Ninomaluk abok aret lek eerogo mbo nappege nagagerik, at agi mbogut paga mondok tiyanak menggerak nogo, eenggi abe'nggan paga tiyarogon kwi'nari laganeegerak wonage o.