Yeremiya 10:9 - Ala Wone Peenok Peebi Mbanak

⁹ Mbuti perak aan libik-lebek eerak o Taritit nen wonok wogwe, Mbuti emas o Upat nen wonok wogwe, Eekwi iinok, It eyo paga ogobakkigika inom, it mbuti emas paga ogobakkigika inom, nogo nen, ogut ogobakkigirogo pugwi, Yum maa'ngga amu kunik paga, maa'ngga anggup paga, yugu nogo yirippiigwi, Eeko menggaarak nogo It aap ineenggi amburu warak nen mban eeko menggaarak kwe,

Yeremiya 10:9 ပူးပေါင်းရင်းမြစ်များ

1 Endagembogut 10:22

At endagembogut Talomo inom, at aap Kiram inom, yi mendek ndi mendek kunik wonok nagak-wagak eekak yuurak inayiiro ambik wonagagerak me, inayiiro nogo wonok wundi nogo nagaatik, mbuti emas inom, perak inom, gajah eyak inom, kera inom, towe yaawi inom, kunogo yiiro paga manabit nugwi iigak, tahun kenagan eeppunuk, wonok wagak eeko nogogwaarak.

2 Mbinineegwaarak 9:21

At endagembogut Talomo nogo, yi mendek ndi mendek kunik wonok nagak-wagak eekak yuurak ayiiro ambik wonagagerak me, ayiiro ti, aap Kiram apuri nen wonok wundi nogo nagaatik, mbuti emas inom, perak inom, gajah eyak inom, kera inom, towe yaawi inom, kunogo yiiro paga manabit nugwi iigak, tahun kenagan eeppunuk, wonok wagak eeko nogogwaarak.

Ndawi 115:4

Inagugiwak inayuk wukwi ti, Mbuti perak inom, mbuti emas inom, nogo paga ogobakkigirik wonage o. Ndi, aakumi ineenggi paga ogobakkigirik me,

Ndawi 72:10

It aap o Taritit inoweewi inendagembogut inom, It aakumi niyo ogobak mbanogo pit nagagerak nogo paga menggaarak inom, nen Inarum wonage onggo at wogori wogwe, Aakumi o Tiyeba mendek inom, Teba mendek inom, Inoweewi inendagembogut nen yi mendek ndi mendek onggo lek we aret iri wogwe,

Yetaya 23:6

It inawi niyo aa'nggi paga menggaarak ti, Inale yikko'net mbet-mbet o Taritit nawak o.

Yetaya 40:19

Kugi ogut ti, at aap mbuti paga ogobakkigika nen mbuti worappunuk, longgo warogo ogut ogobakkigirogo pege, At aap mbuti emas ogobakkigika nen emas endekem-akem nabenit wundi wa'nuk, mbuti perak paga yiluk-yiluk eerogo pege, Eeke menggerak o.

Yetikiyen 27:12

At amindik-amendek ambik wonage kenok, it Taritit mendek nen at inom onggo-onggo eeko logonet, it inamendek mbuti perak inom, mbuti owak inom, mbuti timah abinak warak inom, mili inom, wonok at ayigirak-ndigirak wonage nogo kunggola wogwe,

Yetikiyen 27:7

Yugum abu yawenak yabenggek-ndabenggek eerak o Metit mendek paga o wiya nen wonok negak yum nogo pugunogo pugwi, Yum tugunik ti paga, At ti mendek o, yinuk, ineenu agak eerogo pugwi, O Elita ogobak mbanik aa'nggi paga nen yum tabak maa'ngga kunik inom, maa'ngga anggup kunik inom, mo andi wake kero, oo'ngget kwak maarogo pugwi, Eereegwaarak o.

Ndaniyen 10:5

nuut pila ari nagagirik, aap ambi ayum abu yawenak lombok yirik agabee'le mbuti emas at mendek paga mban eerak nggero-nggero aago wonage kagagirak.

Oteya 8:6

Lembu aagaluk ogut aago ti, an Ala lek o. Ata, it Iterali mendek aap eenggi amburu paga eeka ambi nen ogobakkigireegerak me, Lembu aagaluk ogut o Tamariya paga eerogo pugu ti, yigirogo mbo wurabigin aret o.

Yunut 1:3

Yoreegerak kwe, at Yunut nogo, “Aliku ALA nen ambinom, Nak, yo'nirukwak,” mba'nuk, kole mbaganit o Taritit naakit nduk, o Yope wambi nage nagagerik, o time nen yiiro ambi o Taritit noorak nduk eeke kwaakkage nagagerik, “Aliku ALA kwaa'neege kero,” yinuk, o Taritit noorak onggo pege nagagerik, yiiro nogo paga lagi nanuk, it o Taritit nogwe nogo, inom aret nggarek yereegerak.

Abakuk 2:19

Aap ambi nen eyo obate mbanak yoge logonet, “Keenik aru o,” yinuk, yoge, Ndi, yugum oone ariilik kagak, “Kat mi'naru o,” yinuk, yoge, Eeke kenok, abuwa o. At oone lek ti nen, “Ndogop ee'nip o,” yinuk, yoroorak op mbakop? Ogut ogobakkigirik nogo ti, mbuti emas paga inom, mbuti perak paga inom, nabenogo pugu wonage kwe, Nebek-ndalok yaga'lek oone lek aret menggerak.