Yeremiya 10:24 - Ala Wone Peenok Peebi Mbanak

²⁴ Togop me, Kaliku nogoba Ala o. Niniki koonogo paniyak ti, op aret kwe, Kanini nen niniki koonogo panege keenok neebe lek eerogo panukwak, Kanini nombake logonet, niniki koonogo paniyak ti mage o. Ata, eekirak ndak-ndak eeppanege logonet, niniki koonogo panege logot o.

Yeremiya 10:24 ပူးပေါင်းရင်းမြစ်များ

Ayup 6:18

It aakumi unta paga yi mendek ndi mendek wonok nega nogo Tu nogo menggam nen nomoninuk niyo porok yege'nom karume time nagaatak me, kambit nogwe,

Ndawi 38:1

Kaliku ALA wae. Kanini paga mbe'nege, Kiniki aagi mi'nage logonet, Niniki koonnaruwak nduk eeppanege, Eeriyak mage o.

Ndawi 6:1

Kaliku ALA wae. Kanini nombake logonet naruk wake, Kiniki aagi paga niniki koonogo panege, Eerugun o.

Ndawi 6:2

Kaliku ALA wae. Niniki lek ee'nabit unggwage me, nabuwa mbake, Ndi, Kaliku ALA wae. Nowako nenet unggwage me, obeelom eeppanege, Eeke logot o.

Yetaya 28:28

Ndi, gandum anggen nogo ti paga oroti worariyak me, agabolo mbelangge logonet, Abu yigirik-noonom eekeelik o. Ata, yigirik-noonom nage kero, Gandum agabolo mbelangge menggerak ogobakkigirik iyok warak nogo woppunuk, At paga mbawok aret mbelangge menggerak.

Yetaya 40:23

It aap inendage warak wonogwe nogo inendage lek eerogo piige, Aakumi inarum waka o nggween paga wonogwe nogo tebenogo piige, Eeke menggerak o.

Yeremiya 30:11

An ninom wonogwe me, inagap ndake logogin o. Yi aakumi ndi aakumi abok aret inenggela'me mak eerogo piyareegirak nogo it lek eerogo piyaagin kwe, It an napuri perak, lek eerogo piyaagin lek o. Iniki koonnaruwak nduk, maluk eekwi onggo inoba piyaagin lek ti lek, piyaagin aret kwe, Eerumenggaarak ndak-ndak mban inoba piyaagin o,” yinuk, yegerak me, yokkiragi o.

Yeremiya 46:28

At nayeloman Yakup paga wiganak ti, ninom logogin me, inagabiti mbarugwaarik o. Tak-mak eerogo yi aakumi ndi aakumi wonogo menggam inenggela'me It Yakup mendek nappiinet naminggirak logowam nogome ineebe lek eerogo piyaagin kwe, It perak, lek eerogo piyaagin lek o. Eerit nogo nogogwaarak onggo aaninggin inoba piyaagin lek ti lek, eeppiyaagin aret me, Iniki koonnaruwak nduk, eeppiige ti, eekaarak ndak-ndak aret eerogo piige logogin o,” yinuk, Aliku ALA nen aret yegerak me yokkiragi o.

Abakuk 3:2

“Kaliku ALA wae. Kat eeke menggendak nogo an muk konengge, Kaliku ALA o. Kat eerit nage nogo paga an nagabiti mbake, Eeke agarik o. Kat eeke menggendak ti, nit kaawok nduk, ambinom eeke, Kat eeke menggendak nogo, nit yogondak wonogwe yi paga kin eeppege, Kanini ninoba pinanege logonet kwe, ninabuwa mbake, Eeru o,” yinuk, tamban eereegerak.