Yeremiya 10:23 - Ala Wone Peenok Peebi Mbanak

²³ Kaliku ALA wae. Ko'lu ee'ninaburak nit aakumi nineenggo'lek ti, neenu aret o. Ndi, ko'lu eerit noorak kunduk, nineenggo'lek mban aret.

Yeremiya 10:23 ပူးပေါင်းရင်းမြစ်များ

Ndawi 17:5

Kat kiyok mugurok mban nage minggirak me, An niyok eraabin perak togon noolik o.

Ndawi 37:23

It tu nogo logorak Aliku ALA nen koonogo piige, Ndi, it eerit nogo logorak nogo at inikilom mbake, Eeke menggerak o.

Kini Wuppiige 16:1

Aakumi nen eeriyak inikime koonogo pogo menggaarak kwe, Eebe eeriyak perak, Aliku ALA nen aret, “Eeriyak op o,” yinuk, yorage menggerak.

Kini Wuppiige 16:9

Aakumi inikime nen, “Yogop eerikit, ndogop eerikit,” mbako menggaarak kwe, Aliku ALA nen perak, “Ti eeppunuk ti ee'nip o. Ti eeppunuk ti ee'nip o,” yinuk, koonogo yorage menggerak.

Kini Wuppiige 20:24

Aakumi iniyok pit nogo logorak nogo ti, Aliku ALA nen aret koonogo piinet nage menggerak me, Aakumi iniki mba'nuk iniyok pit noorak ti, nonggop togon liippuurak mbakop? Meek aret o.

Kini Wuppiige 3:6

Ala nen eeriyak kombake nogo, “Eerikit o,” yinuk, yi eekak ndi eekak eerit nage keenok, At nen eeriyak abok aret karu koonogo pagage logogin o.

Yetaya 26:7

It aap iniki abe koonak nogo tu mot-mot mban nogo menggaarak me, Kat kiniki abe koonak yi wae. It aakumi iniki abe koonak nogo logorak inaru tiyak-tebek kenok ndenenogo pit nage menggendak o.

Ndaniyen 5:23

Tebeppatiyak op kagak kwe, at mbogut unde menggerak enggaanom paga kat nogoba kiniki tiyappake logonet, niyo toologo nenggak abe Ala awi wurik me menggerak kugun wogo nogo, Wonok woraanip o, yoragandak wonok kiri wogo mbaka, kat inom, kawuri nagawan-nagawan inom, kakuwi abe wogo inom, luulu wogo inom, niyoowak ti paga anggur amburu toologo nonggotak o. Nonggo logonet, kat keenik logorak a, kambuurak a, yinuk, koonogo pagage, kat eerit nage logorak nogo, Op eeriyak o, Eeriyak lek o, yinuk, yokkege, eeke menggerak Ala nogo, ayuk wurogo alut eeriyak op kwe, eeka'lek logonet, kat kagugi mbuti perak paga, emas paga, tembaga paga, mbuti owak paga, eyo paga, yugum paga, ogut aago nogo nen inigen kogwe, inaruk konenggwi, yi wone ndi wone liippugwi, eekulik kagak inalut eeke menggendak o.