Yeremiya 10:18 - Ala Wone Peenok Peebi Mbanak

¹⁸ At Aliku ALA nen yegerak nogo yi aret. “Ne yogondak yi aret it o yime wonogwe abok aret mbo wumbiige, It o yime wonogwe nogo aaninggin-paaninggin kaawak nduk, inoba piige, Eerigin o,” yinuk, yegerak o.

Yeremiya 10:18 ပူးပေါင်းရင်းမြစ်များ

Yetaya 22:17

Kat aap yi wae. At Aliku ALA nen keebe waganogo o nda time nappagarak nduk, eeke me, liippake logot o.

Yeremiya 16:13

an nen inabuwa mbarigin lek, o yime nen wumbiinok, o ambi it inom, inombomini inom, ineenggo'lek me time mbo piyaminggirak wonogo logonet, an neegak kwe, liingge-kii'me inagugi mban mugurok nogo logogun, yegerak, yoraamunggun o,” yinuk, yo'negerak.

Yeremiya 22:26

ndi, agalo ndareegerak imbirak o at amulok paga lek, o alik me mbo pi naminggirak time logonet, Name niyokan naakit lak, ao, mbaremenggim nogome woraagin lek time aret kambuwak nduk, mbo pege, eerigin o, yinuk, yorumunggun,” yegerak me, yokkigi o.

Yeremiya 23:20

Naliku ALA nen eeriyak ninikime koonogo pereegirak nogo awo ndak-ndak eeppiiga'lek neegak, Nanini ti, tayok yigin lek eeppiinet nage logogin aret me, Ti eerigin nogo ti, peebi abu kin aret kaagun o.

Yetikiyen 6:10

It nen Naliku ALA an aret ineenu ogwe, ndi, aaninggin inoba piyareegirak yi nogo ti, we aret eeppiyoolik it eereegwaarak paga eeppiyareegerak ineenu age, eerugun o,” yinuk, yo'negerak me, yokkiragi o.

Tepaniya 1:17

Aliku ALA nen ari logonet, “It aakumi nen Naliku an ALA maluk eerogo paneegwaarak me, An nen it aakumi ti anggon-panggon lombok eerogo piige neenok, aakumi inigen mbuk yu'nduk agan nogo mengga kwak nugu logogun o. Liirubu kale'ngga eerogo mbo pogo mengga kwak, aakumi inamiya togop aret eerogo pugwi, Inaan wurik ogole o, yinuk, mbo pogo mengga kwak, inaanagale togop aret kilirogo mbo pugwi, Eerugun o.

Takariya 1:6

An noone ari, wone lengganogo pege, eeke nagagirak nogo, it wone yorage neegak, yoraga nayeloman mini nen yorogo logowak nduk, wone lengganogo yoragagirak nogo, kombomini ndak-ndak eeppiige neyareegwaarak, ilik, lek a? Ti eeke neenok, inomaluk mbo punuk, yogo logonet, Nit nineraambe maluk logonet eerit nugwi, nit maluk lombok eerit nugwi, eeko monggoorak nogo, at Omaawi Lombok Menggerak Aliku ALA nen onggo eeppinaniyak kooneegerak nogo ndak-ndak eeppinanege me, op aret, yereegwaarak nogo lek a? yinuk, yoret,” yegerak me, yokkiragi o, yoragagerak.

Pelaareegerak 28:52

ndi, at Aliku kinogoba Ala nen yi o ndi o wokkirage nogome kinawi yaga'lelo kota-kota abok aret owa'nagat yugum paga irip tiyarogon omaawi ambik pak wuppunuk, kiniki ti paga panggonak wonogwe nogo abok aret punggagak mban eeko logonet langgunogo pinagagwi, eeko logogun o.

1 Tamuwen 25:29

Aap ambi nen kat kooriyak nduk, mukkeren woramenggerak kwe, aap ambi amendek nggerenogo kumaappatinuk menggi kwak, yi aap ndi aap iigak, at Aliku kogoba Ala nen togop aret kumaappaganuk wonage, ndi, aap ambi yugum keele paga nabembunuk, namburogo nappege menggi kwak, kawim togop aret mugogo nappiige, eeke logogin o.