Yeremiya 10:13 - Ala Wone Peenok Peebi Mbanak

¹³ At oone ngguurubu negen ari kenok, niyo mbogut paga narak wonage nogo kilak-tamok eeke, Ameraakot o ilin-unggut nen nippit wage, O yabok pindanogo nappege logonet, mayu wuppit wage, O wiya kuwak eerogo pege menggim nen nappit wage, Eeke menggerak o.

Yeremiya 10:13 ပူးပေါင်းရင်းမြစ်များ

Wakkagagerak 2:5

o nggween paga igale inagarip lagit nage, iri'ngga-kale'ngga awo mbilangge, ndi, aakumi kunduk ineebe wonogwe lek me, yabu waganggwi, eeka'lek aret wonogogwaarak. Ndi, ti eyom paga at Aliku Ala nen mayu wurabi waga'lek kagak kwe,

1 Endagembogut 18:41

Inoorogo piige nagagerik, at Eliya nen aap Akap nogo yoge logonet, “O mayu nggwok woraakit nduk, oone ari negen konengge me, mbi inom, niyo inom, mbet na nak o.”

Ayup 38:22

Ndugu-ndugu inom, mayu anggen inom, ambi eeppiyoorak age kenok, inoba wuppit wage, Wim mbanak paga inom, oome ili paga inom, nambukwi iinok, inoba wurabit wage, Eerikit nduk, Ndugu-ndugu pege minggim unggwage, Mayu anggen pege minggim kenegen kage, Eereegindak ilik, lek a?

Ndawi 104:13

Kat kawi wurogo pit lagagenom nogome nen Puut-puut paga niyo ndik-ndik eerogo wuppit wage menggendak o. Kat eeke menggendak paga nggween yi, Abu ki eerak aret wonage menggerak o.

Ndawi 135:17

Inaruk wonage kwe, inaruk konenggwi, Inambe wonage kwe, inambe aagi wunabi wogwe, Eekulik aret menggaarak o.

Ndawi 135:7

At piirogo menggim nen Ndugwi o nggween irip-irip nen nippit wage, Mayu wage kagak o kimbik kilanogo nappit wage, O wiya warit woraawak nduk, wumbit wage, Eeke menggerak o.

Ndawi 147:8

At nen mbogut paga ndugwi lenggenogo pege, O mayu nen nggween miin eerogo puwak nduk, pipuk eerogo pege, Puut-puut paga iri'ngga laganuwak nduk, eeppit nage,

Ndawi 18:13

Aliku ALA mbogut paga nen oone ngguurubu kwak ari, At Tiyanak Lombok nen oone eerogo nappit nage,

Wundeegwaarak 9:23

Yoge mbareegi, Muta nogo waanggun mbogut paga titik ege mbareegi, Aliku ALA nen o yabok mbogut paga nen nggween paga pindangge logonet, mbogut telangge, o mayu kumulinggen yele-kole lubu-lubu wuppi wage, eeke logonet, o Metit nogome mayu anggen mban ndoonogo teppereegerak.

Yeremiya 14:22

It yi aakumi ndi aakumi aanom warogo ayuk wuko menggaarak inagugi nogo nen o mayu wuppi wage, Ndi, mbogut alik nen o mayu lubu-lubu wurabit wage, Eeko menggaarak mbakop? Lek aret o! Kat ninogoba Kaliku Ala kalik nen mban aret eeke menggendak o. Ti abok aret eerit nage nogo ti, kat nen aret eeke menggendak me, nit niniki kat paga lunik aret ogoorik o.

Yeremiya 19:12

Aliku ALA nen ari logonet, “O yime inom, it aakumi o yime menggaarak inom, togop aret eerogo piige logonet, o kota yi ti, o Topet kwak eerogo pigin o.

Yeremiya 5:24

It inikime nen, O mayu wage menggim ari wage kenok, mayu wuppi wage nagaatik, amburu mbangge menggim ari wage kenok, kibi loongge, Ndi, yakootak anggen mbanogo puwok nduk o kibi kagak, Tamban ndi kuli aruwak o, yinuk, koonogo pinanege, Eeke menggerak Aliku ninogoba Ala ayuk wuruwok o, yinuk, iniki me mbariyak kwe, Mbaka'lek aret wonogo menggaarak.

Yeremiya 51:16

At oone ngguurubu negen ari kenok, niyo mbogut paga narak wonage nogo kilak-tamok eeke, Ameraakot o ilin-unggut nen nippit wage, O yabok pindanogo nappege logonet, mayu wuppit wage, O wiya kuwak eerogo pege menggim nen nappit wage, Eeke menggerak o.

Amot 4:13

At puut-puut ogobakkigirogo pit wage, O wiya warit wage logorak eerogo pege, At iniki mbake nogo aakumi kin paga yorage, O weeruwak nduk, eerogo punuk, o kiip eerogo pege, O nggween paga yime puut-puut tiyarogon time iyok pit nage, Eeke menggerak endage ti, Omaawi Lombok Menggerak Aliku Ala aret o.

Takariya 10:1

O mayu nggwok woraawak nduk, Aliku ALA nen ndugwi kuwak eerogo pege, It aakumi inalitak inake mayu nggwok wogorage, Mayu wogoramenggerak paga yi mendek ndi mendek yarak nogo obeelom eerogo pege, Eeke menggerak me, Yi mendek ndi mendek agarit larit nage eyom paga mayu woraawak nduk, Aliku ALA nggino yogo logonip o.