Yeremiya 10:12 - Ala Wone Peenok Peebi Mbanak

¹² At Ala eenggi omaawi paga o yi ogobakkigike, Iniki warak nen o nggween yi, ena koonogo pege, At eenu paga mbogut mbiganogo nappege, Eereegerak o.

Yeremiya 10:12 ပူးပေါင်းရင်းမြစ်များ

Wakkagagerak 1:1

O maan aa'nduk at Ala nen mbogut inom, nggween inom, wakkagagerak.

Wakkagagerak 2:5

o nggween paga igale inagarip lagit nage, iri'ngga-kale'ngga awo mbilangge, ndi, aakumi kunduk ineebe wonogwe lek me, yabu waganggwi, eeka'lek aret wonogogwaarak. Ndi, ti eyom paga at Aliku Ala nen mayu wurabi waga'lek kagak kwe,

1 Mbinineegwaarak 16:26

Yi aakumi ndi aakumi inagugi inayuk wukwi ti, Kugiwak ineenggi paga nen ogobakkigirik aret kwe, At Aliku ALA nen perak, Mbogut aret ogobakkigirogo pereegerak o.

Ayup 26:7

At Ala nen o oolo yi kagak, O omarip paga pa'nggwe nen mbogut mbiganogo nappi wage, O nggween yi, eenggi ya'lek tugunogo pege,

Ayup 37:18

Mbuti tembaga woraappunuk, Pugagi abu omaawi ogobakkigirogo pogo mengga kwak At Ala nen o yi nenaarogo pege logonet, Ndugwi ndak warogo pit nage menggerak nogo Kat togop aret eeriyak mbaken?

Ayup 9:8

At alik nen mban mbogut mbiganogo pege, Niyo laut kilaarak-mogonik eeke paga iyok pit nage,

Ndawi 104:2

Kabinak paga keebe lenggembatinuk wonage, Yum tabak paga ooliya lenggenogo punuk mengga kwak, Kat togop aret mbogut mbiganogo punuk wonage,

Ndawi 104:24

Kaliku ALA wae. Kat yi eekak ndi eekak ambik lombok eeke menggendak o. Kiniki warak nen yi mendek ndi mendek ogobakkigirogo Piyareegindak nogo O nggween paga ndak warak wonogo menggaarak.

Ndawi 119:90

Kat liirogon eeppiinet nage menggendak nogo ti, Aa'nduk ndarak inom, yogondak nda'nogwe inom, Peebi nda'narugun inom, Mondok eeppinanit wundi wage menggendak o. O nggween yi, alom yarogo pereegindak me, Mondok aret wonage menggerak o.

Ndawi 33:6

At Aliku ALA oone ari kagak, Mbogut-nggween aret age, At ambe aagi wungge kagak, Laaluguragan ninggirogo piinet nage,

Ndawi 65:7

Niyo nggwok yenggenak laut oone wo ari, Kilaarak-mogonik eerogo nippit wage, Eeke nogo abolok lek eerogo pege, Aakumi noone-koone agan nogwe ti, inoone mbanogo piige, Eereegindak o.

Ndawi 78:69

At logowam abu abe tiyarogon wuke, Nggween alom yarogo pereegerak mondok menggi kwak, at awi togop aret nu'lek wurogo pege, Eereegerak.

Ndawi 93:1

At Aliku ALA ti, endagembogut aret o. Aap inendage tiyanak inayum yikwi iinok, “Wi!” irogo mengga kwak, At endage abu tiyanak me, “Wi,” ugo menggaarak o. Aap wakaa'ngget eegin-omaale li'luk aago kwak, At omaawi togop aret wonage menggerak o. At o nggween mondok nu'lek eerogo pereegerak wonage agaarik o.

Kini Wuppiige 3:19

Iniki warak paga Aliku ALA nen o nggween yi, alom ndoonogo pege, Wone alom eenu paga nen mbogut ti koonogo nappege,

Kini Wuppiige 30:4

Ta nen mbogut paga lagi nanuk, wambi wage, Ta nen o wiya eenggime kuwak eerogo porogo wonage, Ta nen ayum irip paga yi kole laut nogo nggeremborogo wonage, Ta nen o nggween yi irip-irip kuli mbanogo pege, Eeke menggerak mbakop? At ti endage ta o? Ndi, apuluk kunduk, endage ngge o? Kit kineenu me, yo'ninip nda!

Yetaya 37:16

“Komaawi Lombok Menggendak Iterali inogoba Kaliku Ala o. Malayikat kwak kerub aru-ogwe iigak, kat oolo wone lengganogo yorage menggenom wonage, kat Ala kalik aret me, o nggween paga yime yi aakumi ndi aakumi abok aret inabu'me piigo menggam kat mban kabu'me piinok wonage, eeke menggendak o. Mbogut-nggween kunduk, kat nen aret wakkagagindak me,

Yetaya 40:22

At nggween yimun-namun agago pereegerak aakumi wurin kwak wonogo menggam irimbaga at wone lengganogo yorage menggim wonage, Yum tabak mbiganogo nappogo mengga kwak mbogut nenaarogo pege, Ooliya wuppunuk, oo'ngget maako mengga kwak mbogut mbiganogo pege, Eereegerak o.

Yetaya 42:5

At mbogut nenaappunuk wiganogo pege, Nggween ogobakkigirogo punuk, iri'ngga-kale'ngga mban enete kuurik lek eerogo pege, It aakumi o nggween paga yime ineenik ndelenak-welenak nugu logowak nduk, ambe aagi inikime mambege, Eereegerak Aliku Ala nen yegerak nogo yi aret.

Yetaya 44:24

Kat kagalo inikime nen keenggi-kiyok warak eerogo pagage, Wondet eerogo pagage, eereegerak Aliku ALA nen wone yegerak nogo yi aret. “Yi mendek ndi mendek apit aret wakkage, Mbogut nenaarogo pege, nggween ambe wiganogo pege,

Yetaya 45:12

An nen aret o nggween yi wakkage, Aakumi nggween yi paga logowak nduk ogobakkigirogo piige, An neenggi lombok paga nen mbogut neyanogo pege, Oonegen inom, tut inom, laaluguragan inom, mbogut paga ninggirik logonip o, yorage, Eereegirak o.

Yetaya 45:18

At mbogut wakkage, nggween wakkage, eereegerak nogo ti, Ala aret me, O we tenak logowak nduk wakkoolik o. Ata, nggween yi, aakumi wonogo logowak nduk wakkagagerak Aliku ALA nen yegerak nogo yi aret. “Naliku ALA an aret me, an neegak Ala alik ambi wonage lek aret o.

Yetaya 48:13

An lombok neenggi paga nen nggween alom kwippege, Neenggi abe'nggan paga mbogut mbiganogo pege, Eereegirak me, Inendage kunogo wiirage neenok, kin ari wundi wogo menggaarak o.

Yetaya 49:8

At Aliku ALA nen yegerak nogo yi aret. “An nen kabuwa mbariyak eyom paga kat yo'nege nogo onggo yokkege, Kat kagap ndariyak eyom paga yeenggwa kege, Eerigin o. Ndi, nggween aa'nduk wonagagi kwak eerogo pege, Yate kwak lek agagerak nogo obaane'me wogorage, It keele maarak wonogwe nogo, Wundi woraanip, yorage, It o yumaak me wonogwe nogo o eya kaawak nduk wumbiya wage, Eeke logonok nduk, Napuri ninom wone koonogo pereegirak nogo kat eeremenggendak paga ndak-ndak aruwak nduk, karum logogin o. Ti eeke keenok, ndomba tu ambet paga iri'ngga ndonggorogon nenet nugu mengga kwak, Puut iri'ngga wunggeelik puluk ko aago wonagagerak kwe, wungge kenok, nenet nugu mengga kwak, It togop aret logonet,

Yeremiya 10:13

At oone ngguurubu negen ari kenok, niyo mbogut paga narak wonage nogo kilak-tamok eeke, Ameraakot o ilin-unggut nen nippit wage, O yabok pindanogo nappege logonet, mayu wuppit wage, O wiya kuwak eerogo pege menggim nen nappit wage, Eeke menggerak o.

Yeremiya 10:16

At Yakup iniki kunik mbake nogo perak, togop lek o. At yi mendek ndi mendek apit aret wakkage nagagerik, Eyate kwak inanebunu Iterali mendek warak eerogo piyareegerak nogo ti, Endage, Omaawi Lombok Menggerak Aliku ALA aret o.

Yeremiya 14:22

It yi aakumi ndi aakumi aanom warogo ayuk wuko menggaarak inagugi nogo nen o mayu wuppi wage, Ndi, mbogut alik nen o mayu lubu-lubu wurabit wage, Eeko menggaarak mbakop? Lek aret o! Kat ninogoba Kaliku Ala kalik nen mban aret eeke menggendak o. Ti abok aret eerit nage nogo ti, kat nen aret eeke menggendak me, nit niniki kat paga lunik aret ogoorik o.

Yeremiya 27:5

Neenggi omaawi paga nggween inom, aakumi nggween paga wonogwe inom, nggween paga wonogwe ndiimbu-nggwiya towe-pagi inom, abok aret ogobakkigirogo piyareegirak me, niniki koombunuk, wogoroorak mbake kenok mban wogorage minggirak me,

Yeremiya 32:17

“Kaliku Kitok Menggendak ALA ai. Kat nen eeriyak meek ambi lek ti lek abok op mban aret o. Keenggi omaawi paga eeriyak kobam aret me, nggween inom, mbogut inom, wakkagagindak o.

Takariya 12:1

It Iterali eeppiyoorak Aliku ALA nen yereegerak nogo yi aret. O mbogut mbiganogo pege, nggween alom wurabit nage, aakumi ogobakkigirogo piinok, iniki warak eerogo piige, eereegerak Aliku Ala nen ari logonet,

Yaya 1:3

Ala nen at Wone nogo yoge kagak, mbogut-nggween yi mendek ndi mendek abok aret wakkagagerak. Yi mendek ndi mendek wakkagagerak nogo at lek kagak, wakkoolik o.

Kolote 1:16

Ala nen eeriyak yoge kagak, mbogut paga mendek inom, nggween paga mendek inom, ninigen kogwe mendek inom, ninigen kaga'lek mendek inom, yi mendek ndi mendek abok aret aput nen mban wakkagagerak. Wakkage logonet, kugi nggween abu'na mendek inom, eyonggaame mendek inom, mbogut abu'na mendek inom, yi kugi ndi kugi yi mendek ndi mendek abok aret, at mban endage tiyappogo logowak nduk, ogobakkigirogo piyareegerak.