Yeremiya 10:11 - Ala Wone Peenok Peebi Mbanak

¹¹ Togop me, kit Ala apuri yi wae. “It nen mbogut ogobakkigirogo pugwi, nggween nenaarogo pugwi, eerulik inagugi nogo, o nggween paga yime nen inenggaawak lek ogwe, mbogut abu'me o oolo ya'i nen ineebe lek ogwe, eerugun, yegerak o, yinuk, yi aakumi ndi aakumi yorogo logonip o,” yinuk, yegerak me, yokkiragi o.

Yeremiya 10:11 ပူးပေါင်းရင်းမြစ်များ

Ndawi 96:5

Yi aakumi ndi aakumi inagugi inayuk wukwi ti, Kugiwak ineenggi paga nen ogobakkigirik aret kwe, At Aliku ALA perak, Mbogut aret ogobakkigirogo pereegerak o.

Yetaya 2:18

At mban endage tiyak yigin me, inagugiwak eerak nogo mondok enggaawak lek aret arigin o.

Yetaya 57:12

Maluk kagak, Nit obeelom eekwi, mbakwi inom, eerit nogo menggaarak abok aret inom, kin paga yoroorak kwe, Wone ti, liippugun lek me, we aanom warogo aret yoroorak o.

Yeremiya 10:15

Kugi inogut eerak nogo ti, we aanom warogo aret eerak kenok, aakumi nen meek eerogo pugwi me, Eeko menggaarak onggo inoba piyoorak eyom panggoni wage kenok, inenggaawak lek aret arugun o.

Yeremiya 43:12

Aakumi Metit mendek inagugi awi wurik kani paarogo pit nage, inagugiwak kani kungge, eegu kugun wonok nage, eerigin o. Aap ndomba ndegeninaka nen ndomba inabi inayum paga lenggek yegetak ponggonogo nappogo mengga kwak, o Metit togop aret eerogo pege logomenggerik, o Metit oonegen alut eeko logorak eyak mippugu ayuk warak nogo yigirik-noonom eerogo pege, it Metit mendek inagugi awi wurik nogo kani pit nage, eeppunuk, aru non mbanogo pega'lek kuuri'me aret nagin, yoraamunggun o,” yinuk, yoreegerak.

Yeremiya 50:2

“Aakumi inanebunu lombok inenggela'me yorage, Inaruk liirogon konenuwak nduk wone yoranet nage, Ineenu agak ndiimbu walok eeke logonet, koone nggwok paga yoranet nage, Eeke logonet, Wone ambi kumaarogo puurak lek abok yoroorak nogo yi aret. O Mbaben nogo muk tebenggola unggwogwe, Agugi Mben nogo abu enggali age, Agugi Merorak nogo iniki ma'nage, Inagugi ogut aago nogo inenggali age, Inagugiwak abu yigirik-noonom age, Eerigin o.

Yeremiya 51:18

Kugi inogut eerak nogo ti, we aanom warogo aret eerak kenok, aakumi nen meek eerogo pugwi me, Eeko menggaarak onggo inoba piyoorak eyom panggoni wage kenok, inenggaawak lek aret arugun o.

Leendawi 3:66

Kaliku ALA wae. Kanini nen muguren-magaren nege logonet, o mbogut abu'me yime nen ineebe lek eerogo piyet o.

Yetikiyen 30:13

At Aliku Itok Menggerak ALA nen yegerak nogo yi aret. “O Metit time inagugiwak pup eerogo pege, O Membit time inagugi ogut aago nogo lek eerogo pege, Eerigin o, O Metit time aap inowe endagembogut ambinom logogin lek me, Aakumi o time inagabiti mbakak nugu logowak nduk, eerogo piige,

Tepaniya 2:11

At Aliku ALA nen it aakumi o nggween paga yime inagugi lek eerogo piige kenok, Inagabiti nen, “Aliku ALA ti, iya!” yinuk, yi aakumi ndi aakumi nggween paga wonogwe abok aret inalitik-inalitak menggam logonet, Aliku ALA abu'me tebe yinuk, at alut eeko logogun o.

Takariya 13:2

Ne ti paga an nen o time inagugi inendage kunggo logomenggaarak nogo, inendage ambi kungga'lek logowak nduk, lek eerogo pigin me, abeko logogun lek aret,” yegerak o. “It aap piliret, Ala nen yo'negerak, yaga inom, kugi ayuk wuko logorak mbaka inom, o ti paga wonogwe nogo, ineebe abok lek eerogo piyaagin me,

Wayu 20:2

Wambi wage nagaarik, at waalo nggwok tinambe negen o maan togon aakumi inambokan lagangge menggerak Tile ti, Ibilit aret me, at pigogo mbutigeele nogo paga maappunuk, tahun seribu logowak nduk,

1 Tamuwen 5:4

nogo yinuk, ko'lu kuubondendok pekka wogo nogogwaarik, Aliku ALA aloobut mbanak enaame ambinom enete wanduk nggween paga ngginnage logonet, eebe longgo warak mban taati kagak, eenggi anobak kalenogo tunggambe paga mbo nappi wagagerak kogogwaarak.