Yeremiya 10:10 - Ala Wone Peenok Peebi Mbanak

¹⁰ Kaliku ALA perak, kalik Ala aret! Kat kanggeelik mondok keenik wonage, Kendagembogut kitok mondok wonage, Eeke menggendak o. Kanini mbake keenok, nggween yi nuk-nuk ari, Kanini yi aakumi ndi aakumi inoba piige keenok, ko wappunuk, wonaga'lek iniki ma'nogwe, Eeko menggaarak.

Yeremiya 10:10 ပူးပေါင်းရင်းမြစ်များ

Wakkagagerak 21:33

Ndi, at Abarakam nogo o Mberetiyeba nogome eyo endage tamarika awi yappunuk logonet, “Kaliku Kitok Mondok Menggendak Ala o,” yinuk, endage alut eeke nagagerak.

1 Endagembogut 18:39

Pup eerogo nengge nogo it aakumi inigen kogo nogogwaarik, ina nggween paga yinduk-wanduk a'nuk yogo logonet, “At Aliku ti, Ala aret o. At Aliku ti, Ala aret o,” yinuk, yereegwaarak.

1 Mbinineegwaarak 29:11

Kaliku nogoba ALA o. Mbogut-nggween unde wonage kat aret me, Yi aap ndi aap iigak, Kat mondok iya, komaawi ambik, Kendage tiyanak, kayuk warak, Aakumi nen wiigugo agaarik o. Kaliku nogoba ALA o. Yi aap ndi aap inabu'me piinok, Wonogo menggam tebenak iigak, Kat kabu'me piinok, Wonage menggenom abu tiyanak aret o. Yi mendek ndi mendek abok tebenak iigak, Kalik mban tiyanak inarum wonage o.

2 Mbinineegwaarak 15:3

It Iterali nogo Ala lek alik kagak mugurok nogwe, aap Ala unde nen mamuniroorak inenggela'me lek aret wonogwe, ndi, eeko logorak wone yugu liiru mbanak nogo pekkaga'lek wonogwe, eekwi iigak, yi tahun ndi tahun eereegerak kwe,

Ayup 9:6

O nggween yi, ya langgok eerogo nappege, Nggween alom yarak na'ndo-wa'ndo eeke,

Ndawi 10:16

Kat Kaliku ALA Mondok-mondok kendagembogut aret menggendak me, Yi aakumi ndi aakumi kanggween paga wonogwe nogo Lek eerogo piyaamunggun o.

Ndawi 100:3

At Aliku ti, Ala aret me, kineenu a'nip o. At nen aret nineebe ogobakkigirogo pinaneegerak me, Nit at mendek aret ogoorik o. Ndomba ndegeninako mengga kwak, Ndegenninake menggerak at apuri nit aret o.

Ndawi 114:7

Yugum obaane'me niyo yenggenogo pege, Yugum lunik me nen yi eneeri wungge logorak eerogo pege, Eereegerak me, Kat o nggween yi wae. Kat kogoba enggaanom paga, At Yakup ogoba Ala enggaanom paga, Kat kaganak wake logot o.

Ndawi 145:13

Kat kabu'me piige menggenom ti, o maan nen lek ageelik mondok aret wonage, Wone lengganogo yorage menggendak ti, lek arigin lek At ambi oba agak eerit wundi wage, Eeke logogin o. Kaliku ALA nen wone koonogo yoraga'ndak Abok aret liirogon eeppiinet nage, Kat eeke menggendak abok aret Aakumi inabuwa mba'nuk eeppiinet nage, Eeke menggendak o.

Ndawi 146:6

Mbogut inom, nggween inom, niyo kole laut inom, Yi niyo ndi niyo inikime menggaarak abok inom, Ogobakkigirogo piyareegerak inogoba Aliku Ala aret o. Aliku ALA yorage nagaatik, Li'lak mondok-mondok eeppiinet wundi wage,

Ndawi 18:7

Aliku ALA anini mi'nage mbaki, O nggween yi nogo, nuk-nuk eeke logonet ndipuk eeke, Puut-puut nogo, alom na'ndo-wa'ndo eeke, Eekerak o.

Ndawi 29:10

Niyo wu'nuk wage paga Aliku ALA ogombaga kwi'na'nuk wone lengganogo yoranet wage, At endagembogut mondok-mondok logonet, wone lengganogo yorage, Eeke logogin o.

Ndawi 31:5

Kaliku ALA yaga'ndak nogo Ndak-ndak aret eeke menggendak me, Kat nen aret wondet eerogo panenok nduk, Niniki kat unde logonok nduk, wokkigi o.

Ndawi 42:2

Niyo abu ee'ninake menggi kwak, Kat mondok-mondok keenik menggendak Ala, “Ao,” lombok kombake minggirak me, “Kat wonage me mandenom keya woroorak?” mbake agarik o.

Ndawi 68:11

Ninogoba nen, “An noone yi, wonok nanip o,” ari kenok, Kumi ambi aago ineebe ambik lombok nen wone ti yoranet nogwe,

Ndawi 68:8

Puut Tinayi paga eeke kat Ala nogo kenggaanom paga, Aakumi Iterali inogoba kat Ala kenggaanom paga, O nggween ndipuk eeke, Mbogut paga nen mayu lubu-lubu wurabit wage, Eereegerak o.

Ndawi 74:12

Togop aret kwe, Ala wae. O aa'nduk nen nowe kendagembogut kat aret wonage, O nggween paga yime kat nen aret ninagap ndake,

Ndawi 76:7

It aakumi abok aret kat keenok, Inamineeri ne agan nage menggerak me, Kat kanini inoba piige keegak, Aap ta nen ko wappunuk logogin mbaken? Lek aret o.

Ndawi 76:8

Ala wae. It aakumi nggween paga tebenak wonogwe nogo, Abok aret inagap ndarikit nduk, mi'nage nagagindik, Mbogut paga nen, “Maluk eekotak onggo an yogop aret eeppinagagin o,” yinuk, yorage nogo, It nggween paga wonogwe inaruk konembunuk, inagabiti nen inoone lek aret agagerak o.

Ndawi 77:18

Ndi, o wiya nombok-kombok warit wage, Kangguurubu eerogo nappit nage, Kimbik pindanogo nappegendak nogo paga o nggween yi eya eerogo pege, O nggween yi nuk-nuk eeke logonet, na'ndo-wa'ndo eeke, Eereegindak o.

Ndawi 84:2

Kaliku ALA kawoore'nggam logokit lak, “Ao,” mbake, Niniki mondok nenet unggwage, Ineenik aganaka kat Ala aret me, Nimbirak lambunikit nduk, Niniki inom, neebe inom, uugwe lombok mbarit unggwage, Eeke agarik o.

Ndawi 9:8

Aakumi nggween paga wonogwe nogo a'me nggelok inowak loongge, Yi aakumi ndi aakumi inawone ndak-ndak koonogo yorage, Eerumunggun o.

Ndawi 90:11

Kanini mondok iya lombok menggendak nogo, Aap ta nen eenu age, Kat kanini mondok iya eeppiige ndak-ndak it aakumi inagabiti kombakwi me, Ta nen aganak nuk ega'lek lambek puk wonage, Eerigin mbaken? Lek aret o!

Ndawi 90:2

Puut-puut alom awo kwippega'lek logonet, O nggween yi, awo wakkaga'lek logonet, Mbogut-nggween awo wakkaga'lek logonet, O aa'nduk nen nok, age yobok kuli kitok mondok-mondok menggendak kat Ala aret o.

Ndawi 93:2

At wone lengganogo yorage menggim nogo O maan aa'nduk nen mondok wonagagerak. At eebe kunduk, itok mondok menggerak aret o.

Ndawi 97:4

At nen o yabok pindanogo nappege paga o nggween eya age, O nggween yi nen enegen kenok, aganak wake,

Yetaya 37:17

Kaliku nogoba ALA wae. At yo'nege yi, naruk koneni o, yinuk, karuk konengge, ndi, it eeppiigwi yi, nenegen pegiya o, yinuk, kenegen pe'niige, eeke logonet, at Tanerip nen kat keenik menggendak nogoba Ala meek eerogo pagage yi, abok aret liippege logot o.

Yetaya 37:4

aap endagembogut Atiyut mendek nen at aput aap wim eeka inowe ambi at eenik menggerak Ala nogo, meek eerogo puwak nduk, nappi wagaarak yi wone ndi wone agan nage nogo, Aliku kogoba Ala aruk konembunuk, wone agan nage onggo maluk eeppuurak mbakerak kero, it eegu pugu ineenik wonogwe nogo, inake tamban eeke logowak nduk, yori nanip o, yo'niragaarak kenok, yokkiri wogo o.”

Yetaya 40:15

Niyo ne ambit puk togon yiwa'na to'nage kwak, Liirubu aaninggin wakkagak paga wonage kwe, aaninggin ari nage menggim ari naga'lek kwak, Yi aakumi ndi aakumi ti, togop aret wonogwe inombake, Ndi, niyo oolome nggween kup mbanogo pit nagagim aaninggin wakkage ti, liirubu aaninggin kwak aret mbake, Eeke menggerak o.

Yetaya 40:28

O nggween alom nen nok irip kuli ogobakkigireegerak mondok-mondok menggerak Ala ti, Aliku ALA aret keenu age, karuk konengge, Eeka'lek agandik ya? At aret eereegerak me, at omaawi lek age, ta'liila eeke, eekeelik o. Ndi, at yi wone ndi wone eenu menggerak nogo aakumi nen liippugulik aret o.

Yetaya 57:15

At endage Kikak Nakeelik, Alik Leenak, Abu Tiyanak, Ayuk Warak, Mondok Itok Menggerak nen ari logonet, “An o abe alik leenak abu tiyanak minggim wonage minggirak kwe, It aap, An maluk eekirak, ao, mbakwi nogo iniki ale'nggen eerogo piige, Iniki tebenak wonogwe iinok, iniki eyak wappiige, Eerikit nduk, It aap, An maluk eekirak, ao, mbakwi inom, iniki tebenak inom, ninom wonage minggirak o.

Yetaya 65:16

Aa'nduk aaninggin-paaninggin inoba piige nagagirak nogo mari eerogo pigin me, aberak wonage, Ndi, lek arigin me, nenegen kage, Eerigin lek me, It aap o time wonogwe nen, Ale'nggen ninoba pinanuwak, mbako logonet, Liirogon mban eeke minggirak an Ala nendage kumbunuk, yo'nugwi, Ndi, it aap o time wonogwe nen ambi eeriyak nduk, kumbuk mbaniyak mbako logonet, Liirogon mban eeke minggirak an Ala nendage kumbunuk kumbuk mbanggwi, Eeko logogun o,” yinuk, yegerak me, yokkiragi o.

Yeremiya 23:36

at Mondok Eenik Omaawi Lombok Menggerak Aliku ninogoba Ala nen yegerak o, yinuk, agan nogo logonet, abut laganogo yorogwe, ndi, aap inalitak lombok iniki aaninggin logonet, yorogo mengga kwak alik-alik agan nugwi, eeko logokwak, Aliku ALA iniki aaninggin logonet, yegerak me, yagi o, yinuk, yorogo logorak ti, mondok mage o.

Yeremiya 4:2

Ndi, Nit a'me nggelok mban eeppiinet nugwi, Obeelom mban eerit nugwi, Pilit lek abet aret eeko logogun o, yinuk, Neenik Minggirak Naliku ALA nendage kunogo kumbuk mbanggwi, Eekwi iinok, It aakumi inanebunu lombok nen, It eekwi ti, nit togop aret eeko logowok o, yinuk, Nale'nggen-kale'nggen yogo logonet, nendage tiyappanogo logogun o,” yinuk, yegerak me yokkiragi o.

Yeremiya 4:24

Puut-puut tiyarogon nakkanet nage logonet, ndipuk eeke kage, Puut-puut teberogon pekkanet nage logonet, abok aret na'ndo-wa'ndo eeke kage,

Yeremiya 50:46

O Mbaben tebenggola unggwi waga o, yinuk, keekok yogwe paga nggween nuk ari, Le yi-yi wo-wo yogwe nogo, yi aakumi ndi aakumi wonogwe me ari nage, Eerigin o.

Yeremiya 51:29

At Aliku ALA nen o Mbaben time aakumi wonogo logokwak pup eerogo puurak koonogo pereegerak nogo aret eerigin me, O Mbaben ti, aganak wake, andi nen yagan yobak-nggolak wake, eeke agaarik o.

Ndaniyen 4:3

Ineenu agak abu alik negen eeke, Eerubok mendek mondok iya lombok eerit nage, Eeke kagagirak nogo ti, iya! At abu'me piinok menggim ti, mondok-mondok wonage, Aakumi nda'narit wundi wogwe iigak, aa'nduk nen nok, peebi at wone lengganogo yoranet wundi wage, Eeke logogin o.

Ndaniyen 4:34

Ndi, “Tahun ndogop logorak,” yugu nogo abu aret ari wage mbareegi, an Nebukanetat nena mbogut paga ni'nage neegak, niniki nambokan agagerak nogo nenaame ari wage mbareegi, at Tiyanak Lombok Menggerak nogo alut eeke, at eenik mondok menggerak nogo ayuk wuke, endage tiyappege, eereegirak o. At wone lengganogo yorage menggim omaawi menggerak ti, lek arigin lek mondok omaawi aret wonage, Aakumi nda'narit wundi wogwe iigak, at abu'me piinok menggim nogo mondok wonage, Eerak logogin o.

Ndaniyen 6:26

At Ala ti, kanggeelik mondok-mondok eenik wonage, At abu'me piinok menggim lek ageelik mondok wonage, At wone lengganogo yorage menggim kuli pugu lek itok wonage, Eerak aret agaarik o. At nen wondet eerogo piige, inagap ndarogo piige, Mbogut paga inom, nggween paga inom, ineenu agak eeke, Eerubok mendek iya tit eeke, Eeke menggerak o. At Ndaniyen singa inambeme yonggoliyak nduk aago me, agap ndakerak o. Togop me, an wone lengganogo yokkirage yi, kit yi o ndi o an nabu'me pinaganuk minggim wonogwe abok aret nen at Ndaniyen ogoba Ala kinagabiti mbakwi, at mban ayuk wukwi, eeko logomunggup nduk, wone yi liiru mbanogo wumbigi o,” yinuk, liiru mbanogo wumbereegerak.

Ndaniyen 7:14

Pi wogo mbaka, at ayuk warak logonet, wone lengganogo yorage logowak nduk eerogo pege, endage tiyappege, endagembogut logonet unde logowak nduk eeppege, eeke mbaki, yi aakumi ndi aakumi inom, aakumi inanebunu lombok yi o ndi o wonogwe inom, aakumi inoone alitak inom, abok aret at abu'me tebe yinuk, alut eekwi iigirak o. At ayuk warak logonet, wone lengganogo yorage logorak ti, lek arigin lek mondok-mondok yorage, ndi, at abu'me piinok menggim ti, tebenogo pugun lek mondok omaawi wonage, eeke kagarak o.

Yowen 2:11

Aliku ALA awuri ineegin warak inaame nggwe a'nuk oone ngguurubu kwak wone lengganogo yorenet nage, At awuri aap wim eeka ineebe ambik aago nogo yorage, It at yorage konenggwi nogo, inomaawi ambik aret me yorage, Eeke agaarik o. Aliku ALA woroorak ne ti, mondok iya aakumi inamineeri ne agan nage nogo mendek aret me, Aap ta nen ko wappunuk logorak mbakop? Lek aret o.

Mika 1:4

Kundali kani nen tigi-tigi eerogo pege menggi kwak, Puut-puut paga nen niyo taga-taga wambit nage menggi kwak, At iyok pit nage kagak, puut-puut amburu a'nuk, taga-taga wambit nage, Aluk-aluk nggogu-nggogu wambit wage, Eeke agaarik o.

Nakum 1:5

At wage kagak puut-puut na'ndo-wa'ndo eeke, Puut-puut teberogon amburu tigi-tigi wundit nage logonet lek age, At wage kagak o nggween inom, yi mendek ndi mendek nggween paga wonage nogo abok aret inom, inaganak wake, Eeke kagak,

Nakum 1:6

Aliku ALA anini nen eeppiige nogo, aap ta nen ko wappunuk, logogin mbakop? At anini kani kunik negen eeke kagak, aap ta nen ogogumbuk puk arigin mbakop? Lek aret o. At anini kani kunik negen yumbunogo wuppi wage nagaarik, Enegen kagak, puut-puut yanggu-yanggu wambit wage kagagirak o.

Abakuk 3:10

Puut-puut nen inigen keenok, inaganak warit nage, Kat keegak niyo wu'nuk nage, Niyo kole yenggenak laut kiiniki lombok paga anggut-nggut oone ari logonet, Kilaarak-mogonik eerogo nippit wage, Eereegerak o.

Abakuk 3:6

At mi'nage kagak, nggween na'ndo-wa'ndo eeke, At enegen enaagan-ambokan pi'nage kagak, yi aakumi ndi aakumi inaganak warit nage, Puut-puut aa'nduk lombok nen itok negen wonage nogo, yigirogo wurabit wage, Puut-puut teberogon o maan nen wonage nogo, aambira-mbira wangge, Eeke kagarak o. Ti eeke kagarak ti, o aa'nduk lombok eeke nagagerak nogo aret eeke kagarak.

Maleyaki 3:2

Woraagin aret me, aap mbuti at mendek mban aruwak nduk kani woraka kwak, aap yum kooka erabun omaawi ambik kwak, eerogo piyaakit nduk woraagin me, wage ti eyom paga aap ta nen ko wappunuk wonage, kin ari wage eyom ti paga aap ta nen ogogumbuk mi'ndak puk wonage, eerigin mbakop? Lek aret o.

Matiyut 16:16

Yorage mbareegi, at Timon Peterut nen, “At eenik menggerak Ala aput Mesias nogo kat aret o.”

Matiyut 26:63

Yoreegerak kwe, at Yetut nogo oone lek puk wonagagerak. Puk aret wonage mbareegi, at Ala unde inowe nggwok nen, “Kat Keritut Ala aput kenok, paganogo yo'niraanok nduk, at Ala eenik menggerak endage kumbunuk yokkigi o.”

Yaya 17:3

It aakumi mondok-mondok ineenik logorak nogo ti, kat Ala abet aret kalik menggendak inom, ndi, kat nen nappani wagagindak an Yetut Keritut inom, ineenu ogwe ti aret o.

Nappiigak 14:15

“Wologo wae. Nit kit kokwak abe aakumi aret me, kit nonggop nduk yogop eeko ogotik? Kit yi eekak ndi eekak aanom warogo eeko monggotak yi, mbo punuk, at mbogut inom, nggween inom, yi nggwok yenggenak laut inom, yi mendek ndi mendek abok wakkagagerak Ala eenik menggerak nogo wone waabagip nduk, obeelom wone wonok yokkira wogoorak kagak kwe, eeko ogotik o.

Pelaareegerak 5:26

At eenik menggerak Ala nogo kani wunuk ari enggela'me nen oone ari nit konenggwi kwe, kangga'lek nineenik wonogwe yi kwak, aap kanggo menggaarak mendek ambi ta nen togop konembunuk, kangga'lek wonage mbakop?

1 Tetalonika 1:9

Nit kiya wogo mbareegu, wo'ninabeegutak nogo inom, kugiwak eeko nogogutak nogo mbo punuk, Ala abet aret eenik menggerak nogo mugurok nogo logobagip nduk miikkologogutak nogo inom,

1 Timotiyut 1:17

Ndi, yogondak, naput o. Yi o ndi o aakumi aa'nduk wonogogwaarak inom, yogondak wonogwe inom, peebi logorak inom, ninogoba endagembogut kanggeelik mondok itok eenik menggerak ninigen kogolik alik menggerak Ala nogo endage mondok-mondok tiyanak ayuk warak logogin o. Amin!

1 Timotiyut 6:17

It aakumi o yogondak ineenggi warak wonogwe nogo ti paga iniki wogoppako logonet, yi mendek ndi mendek lek ariyak kagak, iniki ti paga lunik logokwak, yorage logot o. Nit ale'nggen mbaruwok nduk, at yi mendek ndi mendek ngginu-ngginu eerogo wo'nirage menggerak Ala paga mban iniki mondok lunik logowak nduk, yorage logot o.

Iberani 10:31

At eenik menggerak Ala nogo nen nit maluk eekwi onggo abera'lek me ninoba kwippinanege nogo ti, mondok iya ninamineeri ne agan nage kagak eeppinanege kaagun o.

Yotuwa 3:10

Yorage nagagerik, panggo yi wogo mbareegwa, it yorage logonet, “At eenik menggerak Ala nogo kinenggela'me wonage logonet, it aakumi Kanan mendek inom, Ket mendek inom, Kewi mendek inom, Perit mendek inom, Nggiragati mendek inom, Amori mendek inom, Yebut mendek inom, it apit aret at Aliku ALA aa'nduk a'nuk, mugogo wumbiyaagin abet aret kineenu arumunggup nduk, ambi yokkira o.

1 Yaya 5:20

At Ala aput wambi wage nagagerik, Ala ambit alik lombok menggerak nogo nit liippuwok nduk nineenu eeppinaneegerak o. Ndi, at alik lombok menggerak Ala aput Yetut Keritut imbirak ninom niniki ambit kunik aret ogoorik o. At Yetut Keritut ti, at alik lombok menggerak Ala nogo aret me, nineenik mondok logorak unde eeppinanege menggerak alom at aret o.

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.

Owak Loongga 5:4

Kaliku nogoba ALA wae! Kat nen o Teyit nen wundi nage, O Erom nen li'luk ee'nuk, wungge, Eeke keegak, Nggween akom langgok eeke, Mbogut paga nen mayu wamelanggen wuppit wage, Iyaagi nappunuk, mayu lubu-lubu wangge,

1 Tamuwen 17:26

Yogo mbareegwa, at Ndawut nen it aap time inom mi'ndak wonogwe nogo yorage, “Aap agabolo mbana'lek Pilitin mendek ti, At ta me, nduk, agabiti mbaka'lek at Ala eenik menggerak awuri ineegin warak miyuk-meya eerogo piige mbakop? Nit Iterali ninenggali wappinanege yi, lek aruwak nduk, aap ambit-ambi nen aap Pilitin mendek ti, warogo pege kenok, aap ti nonggop eeppuurak?”

1 Tamuwen 17:36

Kayeloman an nen singa inom, beruang inom, imbirak inookirak ti ndak-ndak, aap agabolo mbana'lek Pilitin mendek yi, at eenik menggerak Ala awuri ineegin warak miyuk-meya eerogo piige me, an togop aret warigin o.