Yeremiya 1:6 - Ala Wone Peenok Peebi Mbanak

⁶ Yo'nege mbareegi, an nen at yoge logonet, “Ai! Kaliku Kitok Menggendak ALA o. An awo wulaga mbuuluk aret o. Ndi, wone yuurak kunduk kobak aret o.”

Yeremiya 1:6 ပူးပေါင်းရင်းမြစ်များ

Wundeegwaarak 4:1

Yoge mbareegi, at Muta nen Ala yoge, “It aakumi Iterali mendek nen an yoraminggirak nogo noone konembunuk abet nombaka'lek logonet, At Aliku ALA nikkeya woroolik kagak pilit ari o, yo'nugwi iinok, an nen nonggop yoraagin o?”

Wundeegwaarak 6:12

At Aliku ALA nen, “Aakumi Iterali apit aret o Metit nen wogoren wundi woraawak nduk, aakumi Iterali mendek inom, Pirawun inom, yora nanip o,” yinuk, Muta Karun imbirak yoragagerak nogo ti aret.

Yetaya 6:5

Kage nagarik, an nen ari logonet, “Nambe paga maluk mban ari, ndi, an aakumi inambe paga maluk mban yogwe nogo inenggela'me wonage, eeke logonet, at Omaawi Lombok Menggerak endagembogut Aliku ALA nenegen abe nen kagarak paga kambigin aret me, nabuwa o!”

Yeremiya 14:13

Yo'nege mbaki, an nen, “Kaliku Kitok Menggendak ALA wae. Ti kwe, it aap kat yorage keegak yoraga nen aakumi apit aret yorogo logonet, Wooluwak paga kinookwi, mbi noogelo kinoba kwi'nage, eerigin lek o. Ata, o yime kiniki ugun mondok-mondok tayenak aret logomunggup o, yinuk, yorogwe ti nonggop o?”

Yeremiya 32:17

“Kaliku Kitok Menggendak ALA ai. Kat nen eeriyak meek ambi lek ti lek abok op mban aret o. Keenggi omaawi paga eeriyak kobam aret me, nggween inom, mbogut inom, wakkagagindak o.

Yeremiya 34:6

Yoge mbareegi, Ala yoge kagak yoraga at Yeremiya nen wone ti abok aret wonok aakumi Yekura inowe endagembogut Terekiya nogo o Yerutalem wonage me, yori nagagerak.

Yeremiya 4:10

Ari mbaki, an nen ari logonet, “Kaliku Kitok Menggendak nogoba ALA wae. Wooluwak ninikinggup paga pabunik wonage kagak, kat nen, Kiniki ugun tayenak logonip o, yo'nirage nagandak nogo paga nit aakumi yi inom, it o kota Yerutalem menggaarak inom, mondok iya ninambokan laganggendak mbaki o,” yinuk, yogirak o.

Yetikiyen 4:14

Yo'nege mbareegi, an nen at yoge logonet, “Kaliku Kitok Menggendak ALA wae. An togop eeriyak meek o, nogoba. Maluk mendek ambi an noba lenggenak lek aret minggirak o. An wulaga mbuuluk paga nen nok, yogondak kuli kambak mendek nengge, mba'ngge nen nengge logonet ando pegetak nengge, noorak mage yugu nogo mendek enggaanggum kunduk, nambeme luk ambi manake, eekeelik aret o.”

Takariya 2:4

at yoge logonet, “O kota Yerutalem ti, aakumi ineebe inom, inaanggumi inom, ambik lombok wigannarit nogo logogun me, o kota yagat wurik lek we tene wonage logogin o.