Yeremiya 1:12 - Ala Wone Peenok Peebi Mbanak

¹² Yoge mbareegi, Aliku ALA nen, “Eeppiyoorak wone yagarak nogo, a'me lik yi nawak nduk, nenegen wogoren nege me, kenegen kagandak ti, abu op lombok kagandak o,” yinuk, yo'nereegerak.

Yeremiya 1:12 ပူးပေါင်းရင်းမြစ်များ

Yetaya 55:11

Wone an nambe me nen wumbege minggirak ti, togop aret menggerak o. Wone an nambe me nen wumbege minggirak nogo ti, yungguk togon we aret neya wageelik o. An eeriyak mbake nambe me nen wumbege nogo abu ndak-ndak aret arit nage, Ndogop aruwak o, yinuk, wumbege minggirak nogo a'me lik togon aret age, Eerigin o.

Yeremiya 1:13

Ti yo'nege nagagerik, Aliku ALA nen ambi yo'nege logonet, “Nano mendek kenegen kage agandik?” Yo'nege mbareegi, “Togolowa'na niyo larak kila-kila eeke logonet, togolowak o omarip paga pa'nggwe nen kweyanogo nappi wage nenegen kagarak o,” yinuk, yoreegirak.

Yeremiya 24:3

Ti kage mbareegi, Aliku ALA nen an yo'nege logonet, “Yeremiya wae. Kat nano mendek kenegen kagandak?” Yo'nege mbareegi, an nen at onggo yoge logonet, “Lek o! Wuliinggen aret o! Wuliinggen abe ti, amburu ambik aret kage, ndi, wuliinggen maluk mendek ti, amburu lek me noorak meek kage, eekirak o.”

Yeremiya 31:28

Aa'nduk eyo alom kinggwi kwak eerogo piigwi, o minggwi kwak minogo piigwi, pak langgunogo pugwi kwak eerogo piigwi, ineebe lek eerogo piigwi, maluk eeppiigwi, eeruwak nduk, eekwi iigak, nenegen wogoren nege nagagirak ndak-ndak, yogondak o wukwi kwak eekwi, awi yakwi kwak eekwi, eekwi iigak, nenegen wogoren nege logogin o,” yinuk, Aliku ALA nen aret yegerak o.

Yetikiyen 12:25

Naliku ALA an nen yuurak mbake nogo aret ari neenok, yalanggok arit naga'lek a'me aret age, ndi, it an yorage eeriyak ineebi mbaka awo wonogwe iigak, yoraminggirak nogo ndak-ndak aret age, eerigin o, yinuk, Naliku Nitok Minggirak an ALA nen aret yagi o,” yinuk, yo'nereegerak.

Yetikiyen 12:28

It togop aret yogwe me, At Aliku Itok Menggerak ALA nen yegerak yoroorak nogo yi aret o. An nen eeriyak ari ti, ambit iluk ambi yalanggok aga'lek mbet-mbet aret age, ndi, yiminggirak nogo ti, mbeyok ariilik a'me nggelok ari, eerigin o, yinuk, Naliku Nitok Minggirak an ALA nen aret yagi o,” yinuk, yo'nereegerak.

Amot 8:2

Titi'nege logonet, “Amot wae. Kat nano mendek kenegen kagan o?” Yo'nege mbareegi, “Muun yarak me, anggen kole agaarak mbanak yonggolak kagi o.” Yoge mbareegi, Aliku ALA nen an yo'nege logonet, “It an napuri Iterali eeppiyoorak eyom nogo muk panggoni wagaarak me, an nen ambinom inili eerogo teppiyaagin lek eeppiyaagin aret o,” yinuk, yo'nege kagagirak.

Lukat 10:28

Yoge mbareegi, at Yetut nen, “Op yagan o. Yagandak nogo ndak-ndak eeke keenok, keenik aret logomunggun o.”

Lukat 20:39

Yorage mbareegi, it Ala wone liiru mbanak unde nogo inagabiti nen wone ambinom kin wokkoolik we, “E o, Ngguru. Op yagan o,” yinuk, yoreegwaarak.

Pelaareegerak 18:17

at Aliku ALA nen an yo'nege logonet, It nen yagaarak ti, op aret me,

Pelaareegerak 5:28

Yo'nereegutak nogo, at Aliku ALA aruk konengge nagagerik, an yo'nege logonet, It aakumi wone kat yokkugwi ti, an muk konenggirak me, it wone yagaarak ti abok op aret o.